Спорт
Арсенал отпиша двајца играчи, ги стави на трансфер-листата

Двајца играчи на Арсенал, Бразилецот Габриел Жесус (28) и Белгиецот Леандро Тросард (30), ќе бидат на трансфер листата во зимскиот преоден рок, објавија британските медиуми.
Тренерот Микел Артета во голема мера се потпираше на Жесус и Тросард во текот на изминатите три сезони, но со доаѓањето на шведскиот голгетер Виктор Ѓекерес, двајцата станаа вишок.
„Топџиите“ потрошија близу 300 милиони евра за засилувања ова лето. Поголемиот дел од парите беа потрошени за двајца играчи од средниот ред, Мартин Зубименди и Еберечи Езе, и централниот напаѓач Ѓекерес, кој постигна дури 97 гола во претходните две сезони во Спортинг.
Договорите на Жесус и Тросард истекуваат во јуни 2027 година и „Топџиите“ ќе се обидат да ги продадат што е можно поскоро за да извлечат што е можно повеќе пари како обештетување.
Фото/ Принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Расел со брилијантен круг до пол-позицијата во Сингапур

Џорџ Расел ја освои пол-позицијата пред трката за Големата награда на Сингапур. Возачот на Мерцедес до првото место во квалификациите дојде со најдобриот круг во историјата на патеката „Марина Беј“, 1:29.158.
Џорџ Расел ја освои втората пол-позиција оваа сезона, претходно тоа го направи во Канада. Британецот блескаше во квалификациите, особено во последната сесија. Извозе два неверојатни круга и беше единствениот што во вториот круг го подобри својот резултат.
До Расел од првиот ред трката ќе ја започне актуелниот шампион, Макс Ферстапен. Холанѓанецот и во Сингапур ја доби битката со возачите на Мекларен.
Лидерот во генералниот пласман, оскар Пјастри го освои третото, а вториот возач на Мерцедес, 18-годишниот Андреа Кими Антонели го комплетира вториот ред на стартот.
Следуваат, претендентот за шампионската титула Ландо Норис (Мекларен), па возачите на Ферари, Луис Хамилтон и Шарл Леклер. Во Топ 10 место изборија Исак Хаџар (Рејсинг Булс), Оливер Берман (Хас) и Фернандо Алонсо (Астон Мартин).
Трката за Големата награда на Сингапур, в недела ќе започне во 14 часот по македонско време.
Спорт
Јамал под знак прашалник за Ел Класико

Ламин Јамал се повреди против Пари Сен Жермен и нема да се конкурра за место во тимот, за првенствениот натпревар против Севилја.
Она што ги загрижува сите во Барселона е дали младиот напаѓач ќе биде подготвен за Ел Класико против Реал, кое е закажано за 26 октомври.
Ова го потврди Ханси Флик на прес-конференцијата пред дуелот со Севилја.
„Со ваков вид повреда, многу е тешко да се предвиди дали ќе може да игра за три, четири или пет недели. Мора да почекаме и да видиме. Тој тренираше со нашиот тим лекарски тим под посебен режим. Ќе продолжи со нив во следните неколку недели; мора да одиме чекор по чекор и да видиме како ќе напредува.“
Би бил голем удар за Барселона ако Јамал не се опорави за дуелот со Реал, ако се знае каков ефект има врз играта на тимот на Ханси Флик.
Foto/ EPA
Спорт
(Видео) Тотенхем го освои „Еланд Роуд“

Фудбалерите на Тотенхем со победа на „Еланд Роуд“, ја отворија денешната програма од седмото коло во Премиер лигата. Спарс славеа против домаќинот Лидс со 2:1. Тотенхем со четвртата победа во сезоната, привремено скокна на второто место со 14 поени.
Тотенхем поведе на „Еланд Роуд“ со прекрасниот гол на Матис Тел во 23-та минута. За младиот напаѓач ова е прв гол сезонава во Премиер лигата.
До паузата, Ноа Окафор, по шутот на Бренден Аронсон во 34-та минута, налета на одбиената топка и го израмни резултатот.
Првиот пораз за Лидс по 20 последователни натпревари на домашен терен, од кои повеќето беа во Чемпионшип, му го нанесе Мохамед Кудус.
Тој погоди шут со левата нога во 57-та минута, на големо задоволство на гостите од Лондон.
Лидс продолжи да брка барем бод, се закануваа во неколку наврати, а најблиску до гол беше Жоел Пиро во судиското продолжение, сепак, Гилермо Викарио беше на висина на задачата.
Екипата на Даниел Фарке остана на 12-то место на табелата со осум бода.