Спорт
Арсенал со победа во Швајцарија, Рома со „колапс“ во Бугарија!
Арсенал се врати на победите, откако на отварањето на новата сезона во Лига Европа, стигна до 2:1 триумф на гостувањето во Швајцарија кај Цирих, но Рома на Жозе Мурињо загуби со 2:1 на гостувањето кај Лудогорец, додека Фенербахче со Џани Алиоски како стартер со голот на Мичи Батшуаи стигнаа до 2:1 победа над Динамо Киев.
Несомнено човек на мечот на Арсенал беше Еди Нкетија, кој прво во 16. минута му асистираше на Маркињос за водство на „топчиите“, потоа направи пенал во 44. минута, за Милринд Крјезиу да израмни, за во 62. минута да ги осигура трите поени за тимот на Микел Артета со гол.
Откако имаа „летечки“ старт на сезоната, Рома полека го губи здивот. Неколку дена по катастрофалниот 4:0 пораз од Удинезе, „волчицата“ имаше нов пораз, овојпат од бугарскиот шампион. Бразилецот Каули ги шокираше гостите во 72. минута, но „волчицата“ се надеваше дека обезбеди реми кога Елдор Шомуродов стрелаше во 82. минута. Но, само четири минути подоцна, уште еден Бразилец, Нонато му го загорчи животот на Мурињо.
ЛИГА ЕВРОПА, 1.КОЛО
ГРУПА А
Цирих – Арсенал 1:2
ПСВ Ајндховен – Бодо/Глимт 1:1
ГРУПА Б
АЕК Ларнака – Рен 1:2
Фенербахче – Динамо Киев 2:1
ГРУПА Ц
ХЈК Хелсинки – Реал Бетис 0:2
Лудогорец – Рома 2:1
ГРУПА Д
Малме – Брага 0:2
Унион Берлин – Унион Сен-Жил 0:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) На Хезоња му „пукна филмот“, упати жестоки пцовки кон судијата Пукл
Реал Мадрид поведе со 2-0 во четвртфиналната серија против Басконија. Победата 101:90, мина во сенка на исклучувањето на нервозниот Марио Хезоња.
На три минути до крајот на натпреварот, во ситуација кога Реал имаше комотна предност од 93:77, по еден дуел Хезоња се најде на паркетот, побара фаул, не го доби, а потоа почна да му се жали на словенечкиот судија Саша Пукл.
Судијата поради бурниот протест му додели техничка, а откако Хезоња продолжи, му даде уште една.
Хезоња седна на клупата, а кога му покажаа дека мора да ја напушти салата му „пукна филмот“. Тогаш капитенот на хрватската репрезентација испука канонада од навреди кон судијата Пукл.
Една по друга се редеа пцовките кои ги забележа камерата.
Ќе биде интересно да се види каква казна го чека Хезоња со оглед на она што го кажа, а што Пукл сигурно добро го разбра. Прашање е и што судијата внел во записникот.
Expulsion de Mario Hezonja qui a probablement donné des nouvelles du pays aux arbitres ! #EveryGameMatters #SkweekLive pic.twitter.com/8hR3oe8M5K
— The Upset Media (@TheUpset_media) April 25, 2024
Спорт
Само легендарните Брајан Клаф и Алекс Фергусон се пред Гвардиола
Манчестер Сити на Пеп Гвардиола не знае за пораз на последните 30 натпревари.
Во ерата на Премиер лигата, само Манчестер Јунајтед на Алекс Фергусон имаше подолга серија без пораз во една сезона во сите натпреварувања.
Граѓаните, синоќа убедливо го победија Брајтон на гости со 4:0 и тоа им беше јубилеен 30-ти последователен натпревар без пораз сезонава. Во оваа серија остварија 24 победи.
Од формирањето на Премиер лигата, само на Манчестер Јунајтед имале подолги серии. Во сезоната 1993/94 имале серија од 34 натпревари, а еден натпревар помалку во сезоната 1998/99.
Последен тим што ги победи „граѓаните“ сезонава (без изведување пенали) беше Астон Вила на 6 декември на „Вила Парк“ (1:0).
Најдолгата серија во историјата на англискиот фудбал ја има Нотингем Форест предводен од легендарниот Брајан Клаф, кога во историската 1978 година нанижа 40 натпревари без пораз во сите натпреварувања.
Спорт
(Видео) Јокиќ и Денвер победија во Лос Анџелес, Ембид постигна 50 поени во важната победа на Филаделфија
Актуелните шампиони Дебвер Нагетс победа ги дели од пласман во конференциското полугинале. Нагетс поведоа со 3-0 во серијата против Лос Анџелес Лејкерс. Третиот печ, на теренот на пртивникот го добија со 112:105. На Истокот, Филалделфија Севентисиксерс го намали резултатот во серијата против Њујорк Никс на 2-11, a Орландо Меџик повеоа со 3-0 против Кливленд Кавалирс. Филалделфија победи во третиот натпревар со 125:114, а Орландо со 121:83.
Никола Јокиќ одигра одличен натпревар, забележа 24 поени, 15 скока и девет асистенции. Јокиќ шутираше 9/13 од поле, а 6/7 од линијата за слободни фрлања.
Покрај Јокиќ, уште тројца играчи на Денвер имаа 20+ поени. Гордон постигна 29, Мареј 22, а Портер Јуниор 20 поени.
Во поразениот тим Дејвис беше најефикасен со 33 поени и15 скока, додека Џејмс заврши со 26 поени и девет асистенции. Целосно потфрли Дианџело Расел кој мечот го заврши со нула поени.
Џоел Ембид, актуелниот МВП на лигата, одигра одличен натпревар постига 50 поени, со 13-19 од поле и дури 19-21 од линијата за слободни фрлања. Ембид имаше и осум скока, четири асистенции и блокада, тимот со него на теренот имаше +16. Тајрис Макси беше одличен со 25 поени и седум асистенции, Оубре постигна 15, а Пејн 11 поени.
Во поразениот тим Џејлен Бренсон постигна 39 поени, Харт го следеше со 20, Ануноби постигна 17, а Хартенштајн 14 поени.
Орландо се на чекор до полуфиналето на Истокот. До убедливата победа над Кливленд ги предводеа Банкеро со 31 поен и 14 скокови, Сугс со 26 и Вагнер со 16 поени. Ален и Леверт постигнаа по 15 поени за Кливленд, додека Мичел мечот го заврши со 13 поени.