Спорт
Арсенал во ПСЖ го најде решението за проблемите во одбраната

Арсенал е во напредни преговори за доведување на левиот бек на ПСЖ, Лајвин Курзава. Англиските медиуми пишуваат дека денеска се расправало за клучни детали во врска со доведувањето на Курзава кај „топчиите“.
27-годишниот фудбалер има договор со „светците“ до летоска, по што станува слободен играч, но Арсенал сака да го доведе уште овој месец за да го реши проблемот што го има на таа позиција.
Менаџерот на Арсенал, Микел Артета го презема тимот неодамна, во период кога сите ѕвезди во екипата сакаа да го напуштат клубот.
На позиција лев бек Кајран Тирни поради проблеми со рамото не е во комбинација, а Хектор Белерин и Роб Холдинг имаат проблем со влегување во форма, па не се ниту блиску до она што се очекува од нив.
Со слични проблеми се бори и Сеад Колашинац, па улогата лев бек ја презема тинејџерот Бакајо Сака.
Репрезентативецот на Франција би бил идеален во моментов за четата на Артета.
Курзава во ПСЖ стигна од Монако во 2015. за 25 милиони евра, а оттогаш осви три титули шампион на Франција, три Купа и три Лига купа.
Го краси техничка поткованост и добра физичка кондиција. Интересно е тоа што тој е првиот дефанзивец што во ЛШ постигна хет-трик, во 2017 година против Олимпијакос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кунде го продолжи договорот со Барселона

Фудбалерот на Барселона, Жил Кунде го продолжи договорот со шпанскиот клуб до 2030 година.
„Французинот стана заштитен знак на позицијата десен бек и е исклучително важен за Ханси Флик со својата неограничена енергија и пенетрација по десното крило. Солиден во одбраната и добар во напаѓачките комбинации, Кунде беше херој на победата во Купот на Кралот против Реал Мадрид минатата сезона“, се вели во соопштението на Барселона.
Кунде (26) пристигна во Барселона во јули 2022 година од Севилја, оттогаш одигра вкупно 141 натпревар за клубот од Каталонија.
Како играч на Барселона, во сезоните 2022/23 и 2024/25 беше избран во идеалниот тим на шпанската Ла Лига, додека со клубот минатата сезона освои титули во Ла Лига, Купот на кралот и Суперкупот на Шпанија.
Со француската репрезентација, за која одигра вкупно 42 натпревари, освои злато во Лигата на нации во 2021 година и сребро на Светското првенство во Катар.
Спорт
Најплатениот фудбалер во Премиер лигата заработува 2,5 милиони евра месечно

По повод почетокот на новата сезона, англиските медиуми објавија листа на Топ 10 најплатени фудбалери во Премиер лигата.
Ерлинг Халанд од Манчестер сити има највисока плата во Премиер лигата. Норвежанецот добива 525.000 фунти (610.000 евра) на својата сметка секоја недела.
На месечно ниво, тоа е околу 2,44 милиони евра!
На второто и третото место најплатени е тандемот на Ливерпул, најдобриот стрелец на тимот Мо Салах и капитенот Вирџил ван Дајк.
Четврти е Бразилецот од Манчестер јунајтед, Каземиро.
Погледнете ја листата на Топ 10 најплатени фудбалери во Премиер лигата
– бројките претставуваат неделни плати во фунти.
1. Ерлинг Халанд (Манчестер сити) – 525.000 фунти неделно
2. Мохамед Салах (Ливерпул) – 400.000 фунти неделно
3. Вирџил ван Дијк (Ливерпул) – 350.000 фунти неделно
3. Касемиро (Манчестер јунајтед) – 350.000 фунти неделно
5. Рахим Стерлинг (Челзи) – 325.000 фунти неделно
6. Бернардо Силва (Манчестер сити) – 300.000 фунти неделно
7. Бруно Фернандес (Манчестер јунајтед) – 300.000 фунти неделно
8. Џек Гралиш (Манчестер сити) – 300.000 фунти неделно
9. Омар Мармуш (Манчестер сити) – 295.000 фунти неделно
10. Каи Хаверц (Арсенал) – 280.000 фунти неделно
Спорт
(Видео) Киеза спречи изненадување на „Енфилд“

Новата сезона во Премиер лигата започна со натпреварот помеѓу шампионот Ливерпул и Борнмут. По голема борба, „црвените“ победија на „Енфилд“ со резултат од 4:2.
Првото полувреме беше резервирано за Уго Екитике, Французин чии способности беа доведени во прашање поради парите што беа издвоени за него.
Напаѓачот на домашниот тим беше сеприсутен. Веќе по 10 минути од играта, тој беше во крупен план откако Сенеси играше со рака и со тоа го спречи противникот да има еден на еден со голманот Ѓорѓе Петровиќ.
По проверката во ВАР собата, беше утврдено дека нема основа за црвен картон, првата контроверзна одлука во Премиер лигата оваа сезона што вклучуваше видео преглед.
Екитике не дозволи оваа ситуација да го исфрли од ритам и до крајот на полувремето токму тој ја затресе мрежата откако топката буквално му се залепи за ногата, по што следеше ладнокрвен финиш.
На почетокот на вториот дел Екитике му асистираше на Коди Гакпо, кој си направи простор и погоди за 2:0.
Следуваше период во кој Арне Слот направи неколку измени и впечатокот е дека со тоа го наруши ритамот на својот тим.
Анотан Семењо тогаш стапи на сцена, најпрвин го намали резултатот, а потоа изведе вистинска мајсторија. Го прерча речиси целиот терен и го изедначи резултатот.
Во финишот Ливерпул сепак успеа да дојде до победата. Неочекуван херој е федерико Киеза,кој во 88.минута ја искористи лошата реакција на двајца дефанзивци на Борнмут.
Точка на мечот стави најдобриот стрелец во лигата минатата сеозна, мо Салах во 94.минута.
foto/ EPA