Финикс санс продолжуваат со импресивната игра, победувајќи ги Индијана пејсерс со 113:103 за да го подобрат својот најдобар скор во НБА лигата на 36-9.

Пејсерси се доближија на -6 во последните четири минути од мечот, но одбраната на Санси не им дозволи да се вратат во игра, откако имаа предност од 22 поени во текот на третата четвртина.

Бизмарк Бијомбо со 21 поени, 13 скока и 5 асистенции и Крис Пол со 18 поени и 16 асистенции беа први ѕвезди на Финикс, додека кај Индијана, Дуарте и Стивенсон имаа 17 поени, а Гога Битадзе заврши со 16 поени и 11 скока.

НБА РЕЗУЛТАТИ

Милвоки – Сакраменто 133:127

Кливленд – Оклахома Сити 94:87

Финикс – Индијана 113:103

Канаѓанецот Денис Шаповалов со 6:3/7:6(5)/6:3 го совлада третиот носител на Астралија опен, Александер Зверев за да закаже пресметка со првиот фаворит Рафаел Надал во четврт-финалето на првиот гренд слем од сезоната, откако Надал се намачи во првиот сет од час и 20 минути, пред со 7:6(16:14)/6:2/6:2 да го совлада Французинот Адријан Манарино.

Надал и Манарино одиграа неверојатен прв сет, и во тај-брејкот имаа повеќе сет-топки, за на крај Шпанецот да го добие со 16:14 по 28 минути и 40 секунди игра само во тај-брејкот. Ова е 14. четврт-финале во Мелбурн за Надал, шампионот од 2009 година и финалистот од 2012, 2014, 2017 и 2019 година.

Шаповалов пак, ги искористи проблемите на Зверев на жештината во Мелбурн за својата најголема победа во кариерата.

„Секогаш е чест да се игра против тенисер како Рафа. Знам дека ќе имам тешка битка против него, но верувајте, ќе уживам“, изјави 22-годишниот Канаѓанец.

Френсис Нгану во саботата покажа дека не е само најстрашниот „удирач“ во УФЦ историјата, за да стане апсолутниот шампион во тешка категорија, победувајќи го Сирил Ган на поени (48:47, 48:47, 49:46) во главното шоу на УФЦ 270.

Во борба со голема историја, Нгану и Ган беа спаринг партнери во „ММА Фектори“ од 2017 до 2019 година, додека Нгану не влезе во конфликт со тренерот Фернан Лопез, сметајќи дека тој му ги краде парите.

Во кафезот, акцијата беше внимателна од двајцата фајтери, без многу директни удари и наместо тоа со невообичаено многу борење. Нгану го покажа својот квалитет во третата рунда, кога го собори противникот и имаше доста удари. Слично беше и во четвртата и петтата рунда, по која Нгану покажа дека е заслуже шампион.

Иронично, победата значи дека Нгану останува под договор со УФЦ и покрај јавното несогласување со шефот Дејна Вајт – да загубеше тој ќе останеше слободен агент и ќе можеше да се концентрира на втората главна ел во кариерата – боксот.

35-годишниот Нгану ја освои УФЦ титулата во тешка категорија со нокаут над Стипе Миочиќ минатиот март, и сега има шест победи во низа, од кои последните пет пред овој меч со нокаут. Ган, пак ја освои преодната титула со нокаут над Дерик Луис во август и имаше совршени 7-0 пред мечот со Нгану.