Аргентина забележа сензационална победа над Хрватска 23:19 (12:12), во Групата 2, на 27.Светско првенство во ракомет. Хрватските медиуми веќе го прогласија овој натпревар за најлош на оваа генерација ракометари и еден од најлошите во историјата на хрватската репрезентација. Со овој натпревар Хрватите на минимум си ги сведоа шансите за пласман во четврт-финалето.

Аргентина изненадувањето го најави во воведната фаза од натпреварот, кога поведе со 5:0. Хрватите првиот гол го постигнаа во 11.минута. До крајот на првиот дел, благодарение на варадровиот играч Иван Чупиќ, Хрватска успеа да дојде до 12:12. Чупиќ во првиот дел постигна седум гола од исто толку обиди.

Хрватска, на стартот од вториот дел, го имаше единственото водство на натпреварот, по што повотрно падна во „црна дупка“. Аргентина одговори со серија од три гола и до крајот не ја испушти предноста.

Доколку сакаат да играат во четврт-финалето, во последното коло Хрватите мора да ја победат Данска и во исто време Катар да забележи победа над Аргентина. Овие натпревари на програмата се во понеделник.

Чупиќ со седум гла беше најефикасен играч на натпреварот. Кај Аргентина шестмина се запишаа меѓу стрелците, најефикасен со четири гола беше Писаро.

Фудбалерите на Севилја го совладаа Кадиз со 3:0 и со натпревар повеќе ја минаа Барселона на третото место во Ла Лига. Дуелот на ривалите од Андалузија мина во знакот на Мароканецот Јусуф Ен Несири.

Ен Несири постигна хет-трик, головите ги постигна во 32., 37. и 62.минута. Мароканецот постигна уште еден гол, во 65.минута, кој му беше поништен поради офсајд.

Ен Несири игра во голема форма, ова е негов втор хет-трик на последните четири натпревари, на кои вкупно постигна седум гола. Со 12 гола, во моментов, Мароканецот е најдобра стрелец во Ла Лига.



Ракометните репрезентации на Шпанија и Катар забележаа победи во првите денешни натпревари, на 27:Светско првенство во ракомет.

Шпанците, во Групата 1, очекувано убедливо го победија Уругвај со 38:23. Актуелните европски шампиони имаа предност од 12 голови на полувреме, во вториот дел не форсираа, ги чуваа силите за решавачкиот натпревар со Унгарија за пласман во четврт-финалето. Арињо со девет гола ја предводеше Шпанија до победата.

Катар со пресврт во вториот дел, во Групата 2, го победи Бахреин 28:23. Катар ја запиша првата победа во втората фаза и ги задржа теоретските шенси за пласман во четврт-финалето.

Најзаслужни за победата беа капоте со девет и Франкис со осум гола.