Спорт
„АС“ откри колку пари од Реал бара Мбапе
Килијан Мбапе (25), најдобриот играч и стрелец на ПСЖ и капитен на француската репрезентација речиси се согласил да се пресели во Реал. Од клубот за кој постигна 242 и забележа 105 асистенции на 289 натпревари и кој го купи од Монако за 180 милиони евра, заминува на крајот на сезоната по седум години како слободен играч.
Реал го добива без отштета бидејќи договорот со ПСЖ му завршува за четири месеци. Ова го пишуваат водечките француски медиуми и посочуваат дека прашање на денот е кога и официјално ќе биде потврдено дека од следната сезона Мбапе ќе го носи дресот на Реал.
„АС“, открива што побарал Мбапе од Реал за да го потшише договорот.
„Дознаваме дека бројките на кои инсистира францускиот капитен во Реал се значително помали од оние што ги има во Париз, но сепак се баснословни. Мбапе од Реал бара 120 милиони евра само за потпис на договорот.Толку сака затоа што доаѓа без отштета, што значи дека Реал ќе штеди. Понатаму бара годишна плата од 50 милиони евра бруто, тоа е 25 милиони евра нето. Конечно, тој бара и серија бонуси поврзани со бројот на голови, освоени индивидуални и тимски трофеи, а најмногу оние поврзани со употребата на имиџот“.
Се шпекулира дека Реал ќе направи преседан и ќе дозволи распределбата на авторските права да биде 60-40 во корист на Мбапе.
Како што се додава: „Мбапе моментално е во ПСЖ, според договорот што го продолжи пред две години, кога доби 130 милиони евра само за потписот, заработува 72 милиони евра бруто годишно. Но на тоа треба да се додадат и бонусите за лојалност, кои растат секој година. Првата година доби 70 милиони евра. Втората требаше да добие 80 милиони евра и третата 90 милиони евра. Сепак, ќе остане без последните две цифри“.
Шпанците истакнуваат: „Мбапе има џентлменски договор со претседателот на ПСЖ, Насер Ал Келаифи тој мора прво да го извести претседателот на францускиот шампион за одлуката каде ќе ја продолжи кариерата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона избегна пораз кај Клуб Бриж
Клуб Бриж и Барселона ремизираа 3:3 во спектакуларен меч одигран во 4.коло, во Лигата на шампионите. Барселона три пати се враќаше по водството на домашните, на крајот и ВАР беше на страната на Каталонците.
Клуб Бриж го отвори натпреварот совршено. Веќе во 6-та минута, Карлос Форбс прецизно го проигра Никол Тресолди, кој ја погоди мрежата и им донесе водство на Белгијците од 1:0.
Сепак, Барселона брзо возврати. Во 8-та минута, по одлична акција, Фермин Лопес му асистираше на Феран Торес.
Нова предност на Бриж му донесе во 17-та минута. Карлос Форбс совршени реализираше контра напад.
Барселона повторно израмни во 61-та минута. Акција како на плејстејш, Фермин Лопес мајсторски го проигра Ламин Јамал погоди за 2:2.
Само три минути подоцна, Клуб Бриж повторно поведе. Ханс Ванакен го пронајде Карлос Форбс во шеснаесетникот, а Португалецот лобуваше Војчех Шчесни.
Бриж три минути доби пенал, но на повик на ВАР собата Ентони Тејлор го поништи.
А потоа, „ладен туш“ за Бриж.
Во 77-та минута, Барселона повторно израмни, Јамал шутираше, Цолис во обид да блокира ја закачи топката која заврши во голот.
До крајот Бриж постигна гол преку Вемант, кој му ја одзеде топката на голманот Шчесни, но Тејлор повторно доби повик од ВАР собата и голот беше поништен.
Спорт
Реал има договор со Упамекано
Францускиот дефанзивец Дајот Упамекано со голема веројатност ќе го напушти Баерн Минхен по завршувањето на сезоната.
Упамекано ќе биде слободен играч по завршувањето на сезоната, поради што има понуди од неколку клубови. Шпанските медиуми тврдат дека тој ќе се пресели во Реал Мадрид, францускиот „Фут Меркато“, оди подалеку и тврди дека Упамекано му дал збор на претседателот на Реал, Флорентино Перез.
„Трансфермаркт“ ја проценува вредноста на Упамекано на 60 милиони евра.
Заедно со Реал, сериозен интерес покажува и ПСЖ, додека Баерн истовремено работи на продолжување и се обидува да го задржи голманот во клубот.
Упамекано пристигна во Баерн во летото 2021 година од Лајпциг, во трансфер од 42,5 милиони евра. Досега има одиграно 166 натпревари за баварскиот тим и освои шест трофеи, по три во Бундеслигата и Купот на Германија. За француската репрезентација одигра 34 натпревари.
Спорт
Атлетико остана без Ле Норман
Фудбалерот на Атлетико Мадрид, Робин ле Норман, го повреди левото колено на натпреварот против Унион Сен Жилоа во Лигата на шампионите, објави денес неговиот клуб.
Атлетико Мадрид го победи Унион со 3:1, а Ле Норман се повреди во средишницата на првото полувреме, по дуелот со Адем Зорган.
Клубот објави дека станува збор за сериозна повреда на левото колено, но дека не се оштетени лигаментите и менискусот.
Атлетико не соопшти колку долго 28-годишниот дефанзивец ќе биде надвор од терените.

