Спорт
„Ас“ за кариерата на Роналдо во Саудиска Арабија: Проклетството продолжува

Кристијано Роналдо го шокираше фудбалскиот свет кога на крајот на 2022 година го напушти европскиот фудбал и ја прифати понудата од Ал Наср. Португалецот во Саудиска Арабија има годишна плата од 200 милиони евра.
Роналдо статистички игра добро во Ал Насар, на 76 натпревари има учинок од 67 гола и 18 асистенции. Но клубот со Роналдо не освојува трофеи, а токму поради тоа Ал Наср го донесе во своите редови.
Досега освои само еден трофеј Купот на арапските клупски шампиони, пандан на Лигата на шампиони на УЕФА.
„Тој веќе загуби девет титули во Саудиска Арабија“, пишува „АС“.
Оваа сезона веќе остана без еден трофеј, откако пред два дена Ал Наср испадна во осминафиналето на Купот на кралот од Ал Тавун. Натпреварот заврши 1:0, а Роналдо промаши пенал во 96.минута што ќе му обезбедеше дополнителни 30 минути на Ал Наср.
„Проклетството продолжува“, се додава во текстот и се наведува дека испаѓањето од Купот е „деветтото разочарување за Роналдо откако пристигна во Саудиска Арабија во јануари 2023 година“.
Натпреварувања кои Роналдо не ги освои со Ал Наср:
Шампионат на Саудиска Арабија (2022/23, 2023/24)
Азиска лига на шампиони (2023/24)
Куп на кралот (2022/23, 2023/24, 2024/25)
Суперкуп на Саудиска Арабија (2022, 2023, 2024)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Клоп бил против доаѓањето на Салах во Ливерпул

Египќанецот Мохамед Салах дојде во Ливерпул во јули 2017 година како замена за Фелипе Кутињо кој шест месеци претходно замина во Барселона и за речиси осум години на „Енфилд“ стана еден од најдобрите и најважните играчи во историјата на овој клуб.
Малку луѓе знаат дека во тој период тренерот на тимот Јирген Клоп сакал да ангажира друг фудбалер.
Ова на англиските медиуми им го откри тогашниот директор на скаутинг службата на „црвените“, Ијан Греам, кој ги потврди зборовите на легендата на овој клуб Џејми Карагер, кој го кажа истото.
„Клоп имаше други планови. Неговата желба беше во клубот да го доведе Јулијан Брант, кого го познаваше од Германија. Беше убеден дека е вистинското решение за Ливерпул, но ние во скаутинг службата имавме поинакво мислење. Го следевме Салах долго време и тврдевме дека тој е вистинскиот играч за нашиот клуб”, изјави Греам и додаде:
„Се согласувавме со Клоп дека Брант е голем талент, но анализите што ги правиме за сите играчи ни кажаа дека Салах е најдобриот играч на неговата позиција во Европа“.
Салах потпиша договор со Ливерпул на 1 јули 2017 година во трансфер вреден 44 милиони фунти, а за клубот од „Енфилд“ одигра 393 натпревари, постигна 243 гола и забележа 109 асистенции.
Спорт
Де Брујне потврди дека ќе го напушти Манчестер сити

Кевин Де Брујне објави дека нема да го продолжи договорот со Манчестер сити и дека ќе го напушти клубот на крајот од сезоната.
Белгискиот репрезентативец подолго време беше во преговори со „Граѓаните“ за нов договор, на крајот двете страни не успеаја да постигнат договор. Де Брујне во последно време често ги започнуваше натпреварите од клупата за резерви, што значи дека повеќе не е прв избор на тренерот Пеп Гвардиола.
Де Брујне на својот профил социјалната мрежа „Х“ објави порака до навивачите на Манчестер сити во која објави дека нема да го продолжи договорот и дека ова се неговите последни месеци на „Етихад“.
Dear Manchester. 💙 pic.twitter.com/2EdhVYOLti
— Kevin De Bruyne (@KevinDeBruyne) April 4, 2025
Фудбалската кариера ја започна во Генк, а потоа играше за Челзи, Вердер и Волфсбург. Тој дојде во Манчестер сити во 2015 година и долги години беше главен играч на тимот кој владееше во Премиер лигата. Со клубот од Манчестер ја освои Лигата на шампионите и уште 17 трофеи.
За белгиската репрезентација одигра 109 натпревари и постигна 30 голови. „Трансфермаркт“ ја проценува неговата вредност на 27 милиони евра, а неговата најголема вредност според овој портал, специјализиран за фудбалски трансфери, била 150 милиони евра во мај 2018 година.
Спорт
Леклер: Болидот на Ферари не е добар

Шарл Леклер, возачот на Ферари, не е задоволен од болидот што го има на располагање во Формула 1 шампионатот.
По првите две трки Леклерк и Хамилтон заостануваат 61 поен зад двојката на Мекларен Норис и Пјастри.
„Тешко е како и секогаш. Секогаш е комплицирано да се извлече максимумот од автомобилот. Мислам дека исто е и оваа сезона, единствениот проблем е што нашата моментална брзина во споредба со Мекларен не е доволно добра“.
Иако се надева на напредок на Јапонското ГП, Леклер очекува Ферари да биде на слично ниво како на првите две трки, што укажува на тоа дека спринтерската победа на Хамилтон во Шангај беше исклучок.
„Видовме голем чекор напред во саботата, особено во спринт трка со Луис, но во недела се се врати во нормала. Затоа очекувам да бидеме на исто ниво во Сузука како што бевме во Кина во неделата и во Мелбурн“.