Спорт
Ашер-Смит со титула на 200 метри, хаос на 110 со пречки и злато за Холовеј (видео)
Дајна Ашер-Смит ја искористи својата шанса и отсуството на повеќето фаворитки за победа, за да триумфира на трката на 200 метри и да стане првата Британка со спринтерска титула на СП или на Олимпијадите.
Ашер-Смит постави британски рекорд од 21.88 за победа пред Американката Британи Браун (22.22) и Швајцарката Муџинга Камбунџи (22.51). Ова е втор медал за Ашер-Смит на шампионатот, откако освои сребро на 100 метри зад незапирливата Шели-Ен Фрејзер-Смит.
Two events, two medals! What a #WorldAthleticsChamps this woman is having!@dinaashersmith ?? breaks British record to grab gold in 21.88 ?
?: https://t.co/H4mNSRVfBV pic.twitter.com/ShpRCmERC8
— IAAF (@iaaforg) October 2, 2019
Во интересната трка на 110 метри со пречки, Американецот Грент Холовеј ја освои својата прва голема титула, победувајќи со време од 13.10 пред Русинот (под неутрално знаме), Сергеј Шубенков.
Фаворит за златото беше актуелниот шампион Омар Меклеод, кој имаше одличен старт, но потоа турна две пречки и на крајот заврши како последен. Тој падна во патеката на шампионот од „Дијамантската лига“, Орландо Ортега, кој мораше да го оттурне и на крајот заврши како петти со 13.30. Јамајчанецот Меклеод потоа беше дисквалификуван, но тоа беше мала утеха за Ортега, кој сигурно ќе стигнеше до медал.
In his first #WorldAthleticsChamps outing, ?? @Flaamingoo_ wins 110m hurdles ? in 13.10. pic.twitter.com/pwtIoEVyGG
— IAAF (@iaaforg) October 2, 2019
Pawel Fajdek makes it a fab four!
The Pole hurls the ? to 80.50m and wins his fourth #WorldAthleticsChamps title. pic.twitter.com/qtzdbcWNi1
— IAAF (@iaaforg) October 2, 2019
СП ВО АТЛЕТИКА, 6.ДЕН
110 МЕТРИ СО ПРЕЧКИ (М)
1.Грент Холовеј (САД) 13.10
2.Сергеј Шубенков (Рус) 13.15
3.Паскал Мартино-Лагард (Фра) 13.18
200 МЕТРИ (Ж)
1.Дајна Ашер-Смит (Бри) 21.88
2.Британи Браун (САД) 22.22
3.Муџинга Камбунџи (Шва) 22.51
ФРЛАЊЕ КЛАДИВО (М)
1.Павел Фајдек (Пол) 80.50 м
2.Квентин Бижо (Фра) 78.19 м
3.Бенце Халаз (Унг) 78.18 м
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.