Атлетико Мадрид денес објави дека клубот не добил никакви понуди за аргентинскиот репрезентативец Анхел Кореа.

Некои шпански медиуми објавија дека Кореа добил понуда од мексиканскиот тим Тигрес и дека се збогувал со навивачите на Атлетико на вчерашниот натпревар од 37-то коло од Ла Лига против Бетис (4:1).

„Со оглед на сомнежите што се појавија по вчерашниот натпревар против Бетис, клубот сака да објави дека Кореа има договор со Атлетико до 30. јуни 2026 година. Ниту еден клуб не нè контактирал за да преговара за евентуален трансфер на играчот, ниту пак неговиот менаџер побарал трансфер“, се наведува на официјалната веб-страница на Атлетико.

Клубот во соопштението потсети дека Кореа пристигна во Атлетико во декември 2014 година од Сан Лоренцо и оттогаш одигра 465 натпревари и постигна 88 гола.

Кореа (30) одигра 27 натпревари за аргентинската репрезентација и постигна три гола. Беше дел од националниот тим кој во 2022 година стана светски првак.

Иван Ракитиќ (37), во недела ќе се збогува со фудбалот по натпреварот меѓу Хајдук и Шибеник. Легендарниот играч од средниот ред и поранешен хрватски репрезентативец беше снимен како седи и плаче по вчерашниот натпревар на „Пољуд“, а сега е познато значењето на тие солзи. Тоа беше неговиот последен натпревар пред домашната публика во Сплит и претпоследен во неговата кариера.

Ова го наведува Далматинскиот портал, во чиј текст се нагласува дека Ракитиќ сè уште официјално не ја соопштил одлуката, но дека донел одлука според која неговата кариера е завршена.

Ракитиќ пристигна во Хајдук ова лето и стана еден од најголемите фудбалери кои играле во националниот шампионат на Хрватска. Тој постигна два гола и пет асистенции во 38 настапи за клубот од Сплит.

Хрватот е легенда на Севилја, имаше брилијантна кариера и во Барселона, пред 20 години стапна на теренот како играч на Б тимот на Базел.. Од 2007 година, тој беше и член на првиот тим на швајцарскиот клуб, пред да замине во Шалке. По четири сезони во Бундес лигата се пресели во Севилја. Од Андалузија замина во Барселона, со која ги освои Ла Лига, Купот на Шпанија и Лигата на шампионите. Играше заедно со Иниеста, Меси, Суаре, Бускетс, Нејмар…За Барселона одигра 310 натпревар.

Од Барселона повторно се врати во Севилја, со која го повторни успехот од 2014 година и во 2023 го освои трофејот во Лига Европа. По кратка епизода во Ал-Шабаб, минатото лето пристигна во Хајдук.

Сезоната првенството на Холандија заврши со големо разочарување за Ајакс. Иако поголемиот дел од годината го поминаа на врвот на табелата, успаја да испушта предност од едвет бода во последните пет кола.

Ајакс ја заврши сезоната со победа над Твенте, но тоа не беше доволно за да се подобри впечатокот по катастрофалните резултати во април и мај.

Тренерот Франческо Фариоли, кој го презеде Ајакс минатото лето со големи амбиции, потврди по последното коло дека го напушта клубот. Информацијата ја потврди Ајакс преку објава на официјалната веб-страница на клубот.

Во последното коло, кога Ајакс го победи Твенте и но сепак остана без титулата, Фариоли отиде да ги поздрави навивачите заедно со играчите, но во тој момент се расплака на тревникот.

Франческо Фариоли беше тренер на Алањаспор и Фатих Караѓумрук во Турција, на Ница во Франција, а потоа го презеде Ајакс во летото 2024 година. Пред неговата самостојна кариера, работеше како асистент на Роберто Де Зерби во Беневенто и Сасуоло.