Спорт
(Видео) Аталанта го победи Торино и ја остави Рома без ЛШ

Неколку дена по освојувањето на Лига Европа, Аталанта убедливо победи во Бергамо против Торино со 3:0 во последното коло од италијанската Серија А, а допрва треба да го одигра натпреварот од 29.коло против Фиорентина, истот така на домашен терен.
Џанлука Скамака погоди во 26. минута, а во 43. гол постигна и херојот од финалето на Лига Европа, Адемола Лукман. Марио Пашалиќ го постави конечниот резултат од пенал во 71. минута.
Навивачите на Серија А нема да бидат задоволни со оваа победа на Аталанта бидејќи италијанската лига сега загуби едно место во Лигата на шампионите следната сезона.
Италијанците и Германците освоија најмногу бодови во европските натпреварувања оваа сезона и со тоа се стекнаа со дополнителна позиција во Лигата на шампионите. Од есента Серија А и Бундеслигата имаат по пет клуба во најелитното клупско фудбалско натпреварување, но Аталанта сигурно ја обезбеди Лигата на шампионите со освојувањето на Лигата на Европа.
Аталанта со победата против Торино го обезбеди најмалку четвртото место и затоа се смета дека преку шампионатот изборија пласман во Лигата на шампионите. Доколку Аталанта загубеше од Торино ќе останеше без позиција меѓу четирите најдобри екипи и тогаш дури шест екипи од Серија А ќе играа во Лигата на шампионите. Вака извиси Рома која е шеста.
Натпреварот меѓу Аталанта и Торино внимателно се следеше и низ Европа. Победата на Ла Деа на некои им донесе среќа, а на други не.
Португалскиот вицешампион Бенфика директно наместо Рома влегува во Лигата на шампионите, Салцбург како австриски вицепрвак влегува во третото прелиминарно коло од Лигата на шампионите, како и Славија Прага, чешкиот вицешампион.
Поради победата на Аталанта третата екипа на Шкотска, Хартс, остана без директен пласман во Лига Европа и оди во плеј-офот, како и третата екипа на Украина, Кривбас, која наместо во плејофот оди во третата прелиминарна коло од Лига Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Селекторот на БиХ впери прстот во најдобриот играч: Нуркиќ едвај може да трча

Репрезентацијата на Босна и Херцеговина влегува во завршницата на подготовките за Евробаскетот во лоша форма, со серија убедливи порази и сериозни проблеми во играта, а селекторот Адис Беќирагиќ отворено предупредува дека без агресивна одбрана нема да можат да го избегнат фијаското.
За време на подготовките БиХ забележа неколку тешки порази, а против Србија и Црна Гора прими вкупно 228 поени – 126:89 зад затворени врати против Србија и 102:90 против Црногорците.
Покрај тоа, двапати загубија од Кина, па затоа не е изненадување што се вклучуваат аларми во тренерскиот штаб.
Кипар, Италија, Шпанија, Грција и Грузија ги чекаат во групата Ц на првенството, а само четири екипи ќе продолжат понатаму. Со моменталната игра, пласманот во следната фаза изгледа како далечна мисија.
„Имаме огромен број промашени слободни фрлања и изгубени топки, што им овозможува на ривалите да постигнуваат лесни поени. Немаме свој ритам. Кога ставаме пет играчи кои играат агресивно, напаѓачкиот талент се намалува, а кога го зголемуваме офанзивниот талент, нема агресивност. Без одбрана не можеме никого да победиме. Ако тоа не го решиме, ќе примиме 155 поени“, рече Беќирагиќ.
Дополнителен проблем е што најдобрите играчи не се во форма. Состојбата на Јусуф Нуркиќ најмногу ги загрижува сите, според тренерот Нуркиќ „не може многу да трча“ и не е подготвен за интензивен ритам.
„Кастањеда штотуку почна да игра пет-на-пет, Нуркиќ е надвор од форма. Ако играме само на талентот на Муса, Нуркиќ и Кастањеда, ќе имаме проблеми. Во моментов, само Лазиќ и можеби Врабац се во оптимална состојба“, додаде селекторот.
Спорт
Кристал Палас официјално нема да игра во Лига Европа

Судот за спортска арбитража (CAS) ја отфрли жалбата на фудбалскиот клуб Кристал Палас против одлуката на Европската фудбалска унија (УЕФА) да го префрли од Лига Европа во Конференциската лига поради прекршувања на сопственичките правила.
Со оваа одлука на CAS, потврдени се местата на Нотингем Форест и Олимпик Лион во групната фаза од Лига Европа оваа сезона.
Со освојувањето на титулата во ФА Купот, Кристал Палас се квалификуваше директно за групната фаза во Лига Европа, но УЕФА одлучи да го префрли клубот од Лондон во Конференциската лига и да го стави Нотингем Форест на негово место во Лига Европа.
Одлуката е донесена затоа што неодамнешниот сопственик на 43 проценти од Кристал Палас, Џон Текстор, е исто така мнозински сопственик на ОлимпикЛион, кој исто така се квалификуваше за Лига Европа.
Кристал Палас го пропушти рокот во март поставен од УЕФА за решавање на проблемот, а CAS соопшти дека неговите судии одлучиле дека Текстор „бил член на одборот со одлучувачко влијание врз двата клуба во времето на проценката на УЕФА“.
Кристал Палас ја започна сезоната 2025/26 со освојување на титулата во Комјунити Шилд, откако го победи Ливерпул на пенали.
Foto/ EPA
Спорт
(Видео) Жестока тепачка на фудбалерки во Мексико

Фудбалерките Миа Зуазуа (26) и Нативидад Мартинез (24) ја одбележаа средбата помеѓу Хуарез и Ксолос во петтото коло од Мексиканската женска лига, во која Хуарез победи со 2:0.
Зуазуа и Мартинез се степаа во 22-та минута на средината на теренот по еден дуел.
Тие се туркаа, влечеа и удираа додека нивните колешки се обидуваа да ги разделат. Двете добија директен црвен картон и беа исклучени од играта.
Terrible lo que acaba de pasar entre Miah Zuazua y Natividad Martínez. 🐎🆚🐕 pic.twitter.com/GGMNErhTXC
— Bruno Hernández 🎙️ (@bruhdz8) August 9, 2025
По натпреварот, Зуазуа побара прошка од тренерот на Хуарез, Оскар Фернандез, што го остави тимот со играч помалку.
Засега не е познато дали, освен црвениот картон, ќе добијат и дополнителни казни, бидејќи ниту лигата ниту клубовите сè уште не се огласиле.