Спорт
Аталанта или Баер, кој ќе ја освои Лига Европа?
Фудбалерите на Баер Леверкузен и Аталанта вечерва во Даблин ќе играат за трофејот во Лига Европа.
Баер е најпријатното изненадување на европскиот фудбал оваа сезона. Да не беше Баер во оваа приказна и ниваната неверојатна серија без пораз која трае од првиор меч сезонава, тој епитет сигурно ќе и припаднеше на Аталанта.
„Фармацеврите“ ја освоија Бундес лигата, а покрај ова финале, на 25.мај ќе играат и во финалето на германскиот Куп.
Аталната исто така има добра сезона, која кулминираше на „Енфилд“ во Ливерпул, која тимот од Бергамо ги декласира црвените со 3:0.
Искусниот Џан Пјеро Гасперини успеа да го воведе тимот во Лигата на шампионите. Играше Аталната и во финалето на Купот, но не успеа да го освои. Јасно е дека „Ла Деа“ ќе направи се сезоната да ја заврши со трофеј, кој би бил прв европски во клупската историја и прв за клубот уште од сезоната 1962/63 (Купот на Италија).
Аталанта оваа сезона во Лига Европа, на патот до финалето, претрпе само еден пораз, во реваншот од четвртфиналето против Ливерпул на свој терен.
Навивачите на овој тим сите надежи ги полагаат во тандемот спектакуларни офанзивци, најдобриот стрелец на тимот во Лигата на Европа, Џанлука Скамака (шест гола) и сензационалниот Белгиец Шарл де Кетеларе, фудбалер кој како позајмен од Милан дојде во Бергамо. Де Кетеларе оваа сезона постигна 14 гола и забележа девет асистенции во сите натпреварувања.
За Баер Леверкузен речиси секојдневно се пишуваше оваа сезона. Доволно е да се каже дека се работи за екипа која во првенството ја растури конкуренција, пред се го декласира „вечниот“ шампион Баерн Минхен. На крајот титулата, прва во историјата на клубот, ја освои без пораз.
Чаби Алонсо формира тим кој никогаш не се предава, можеби во некои моменти имаа и среќа, но неверојатен е податокот дека 12 пати по 90.минута постигнувале голови со кои или победувале или успеале да избегнат пораз.
Фримпонг, Тах, Грималдо, Џака, Вирц, Бонифејс се рбетот на тимот, секој со свој исклучителен придонес во играта.
Најпродуктивен напаѓач на Баер е Виктор Бонифас со 14 гола сезонава во Бундеслигата, додека пет постигна во Лига Европа.
Баер, за разлика од Аталанта, веќе има еден европски трофеј, освоен во 1987/1988 година. Тогаш Баер го освои Куп на УЕФА (пандан на Лига Европа). Во клупските витрини стои и Купот н германија освоен во сезоната 1992/1993. Има Баер и финале во Лигата на шампионите во сезоната 2001/2002.
Финале на Лига Европа
Аталанта – Баер Леверкузен (21:00)
Стадион: АВИВА, Даблин (капацитет 51.700)
Судија: Иштван Ковач (Романија)
Веројатни состави:
Аталанта: Карнесеки – Џимшити, Хајн, Скалвини – Запакоста, Пашалиќ, Едерсон, Руџери – Де Кетеларе, Копмејнерс – Скамака.
Баер: Ковар – Тапсоба, Тах, Хинсапие – Станишиќ, Џака, Андрих, Грималдо – Фримпонг, Адли – Вирц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Бајрами го постигна најбрзиот гол во историјата на ЕП, Италија сепак води во Дортмунд
Репрезентативецот на Албанија, Недим Бајрами го постигна најбрзиот гол во историјата на Европските првенства.
На стадионот „Вестфален“ во Дортмунд, Бајрами ја искористи катастрофалната грешка на Ди Марко и го совлада Донарума по само 23 секунди игра.
Albania scores in 25 seconds against Italy 🤣 #albania #italy #EURo2024 pic.twitter.com/c48owFmYcs
— Heybets (@playheybets) June 15, 2024
Актуелните европски шампиони експресно се опоравија по почетниот шок.
Бастони го изедначи резултатот во 11.минута. Дефанзивецот на Интер, погоди со глава откако остана сам на втората статива по нафрлувањето на Пелегрини.
Четири минути подоцона, Италија направи целосен пресврт. По една флипер ситуација пред голот на Албанија, топката дојде до Барела кој од 15 метри ја смести топката во голот.
Спорт
Далиќ: Изгледавме немоќно
Репрезентацијата на Хрватска загуби од Шпанија со 3:0 во 1. коло од групата Б на Европското првенство. Головите за Шпанија ги постигнаа Алваро Мората во 29. минута, Фабијан Руиз во 33. минута и Дани Карвахал во 45. минута.
Селекторот на Хрватска, Златко Далиќ, на прес конференцијата рече дека неговиот тим го заслужил поразот.
„Секоја чест за Шпанија. Почнавме доста тешко, потоа се прегупиравме и потоа таа длабока топка за која зборувавме не отвори и Мората постигна гол. Наша грешка, работевме на тоа и примивме гол од ситуација на која предупредувавме.
Она што ме изненади од наша страна е што стоевме предалеку од играчите. Дадовме премногу простор на нивната предна линија, бевме премногу бавни, предалеку и не бевме агресивни.
Рековме дека треба да играме со многу помалку допири, рековме дека треба да ја свртиме страната во два допири и не го прававме тоа добро. Високиот пресинг не беше пресуден“, рече Далиќ.
Во второто коло, за четири дена Хрватска ќе игра против Албанија.
Спорт
(Видео) Шпанија за полувреме ја декласира Хрватска
Фудбалерите на Шпанија ја декласираа Хрватска со 3:0 (3:0), во првиот натпревар од групата Б на ЕУРО 2024. Сите дилеми околу кончениот победник на Олимпискиот стадион во Берлин Шпанците ги решија во првиот дел кога ги постигнаа головите.
Шпанците доминираа во поседот во првите 15 минути, а кога Хрватите дојдоа до здив и полека ја презедоа контролата врз играта, доживеаја нокут.
Најдобриот играч на теренот, Фабијан Руиз, во 29.минута со вертикално додавање ја распара хрватската одбрана, Мората излезе сам пред Ливаковиќ и рутински ја заврши акцијата.
Три минути подоцна, минијатура на Руиз, кој се ослободи од тројца играчи и со удар од 15 метри го совлада Ливаковиќ.
Интересно веднаш по шапнските голови Хрватите имаа добри шанси, но најпрвин Ковачиќ, а потоа и Брозовиќ не успеаја да го совладаат Симон.
Во финишот на првиот дел, во 42.минута супер шанса пропушти и Гвардиол. Катастрофата на Хрватска во првиот дел ја комплетираше Дани Карвахал во втората минута од судиското надополнување на времето. За Карвахал ова беше прв гол во дресот на националниот тим.
Резултатот на полувремето им овозможи на Шпанците да ја умртват играта во вториот дел . Во 55.минута, Хрватска имаше голема шанса, ударот на Станишиќ во последен момент го блокираше Кукуреља, а во продолжението на акцијата Симон од глава му ја симна топката на Крамариќ.
Хрватите имаа уште една голема шанса, во 80.минута Симон со аматерска реакција им подари пенал на противниците. Глманот на Шпанија сепак ја исправи својата грешка, го одбрани пеналот на Петковиќ. Напаѓачот на Хрватска од втора шанса постигна гол, кој беше поништен поради офсајд.
На овој натпревар Алваро Мората стана третиот најдобар стрелец во историјата на Европските првенства. Против Хрватска го постигна седмиот гол на континеталните шампионати. Само Кристијано Роналдо со 14 и Мишел Платини со девет имаат повеќе голови на ЕП.
Вундеркиндот на Барселона, Јамин Ламал, стана најмладиот фудбалер кој настапил на едно ЕП и најмлад асистент на натпревар на ЕП.
Во второто коло Хрватска ќе игра против Албанија, а Шпанија против Италија.