Спорт
Атлетико му посака добредојде на Галагер
Заврши загата околу трансферот на Конор Галагер. Англискиот репрезентативец од Челси се пресели во Атлетико од Мадрид. Англичанецот минатата недела ги ина лекарските прегледи, но откако заглавија преговорите меѓу клубовите Челси го врати во Лондон. Трансферот на Жоао Феликс во Челси му ги отвори портите на „Метрополитано“ на Галагер.
Конор Галагер синоќа пристигна во Мадрид, а претпладнево го одработи првиот тренинг со тимот. Во текот на денот оицијално ќе им биде претставен на навивачите.
Галагер со Атлетико потпиша договор со јуни 2029 година. Челси од неговиот трансфер заработи 40 милиони евра.
Галагер (24) откако се приклучи на академијата на Челзи на осумгодишна возраст, помина повеќе од една деценија во младинската академија. Тој отиде на позајмица во Чарлтон Атлетик во 2019 година, каде што забележа 26 настапи, имаше учинок од шест гола и четири асистенции, потоа се пресели во Свонси (21 настап и седум асистенции), Вест Бромвич Албион (32 настапи, два гола и две асистенции) и конечно Кристал Палас, каде навивачите го прогласија за играч на сезоната откако постигна осум гола и забележа пет асистенции на 39 натпревари.
За првиот тим за Челзи дебитираше во август 2022 година и оттогаш одигра 95 натпревари, постигна 10 гола и запиша 10 асистенции.
За Англија дебитираше во ноември 2021 година и беше повикан за Светското првенство во 2022 година и Европското првенство оваа година, во кое стигна до финалето со својата земја.
Галагер е четвртото големо засилување на Атлетико ова лето по Александер Серлот, Робин ле Норманд и Хулијан Алварез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тоти: Де Роси може да ја доживее судбината на Мурињо
Легендарниот фудбалер на Рома, Франческо Тоти, смета дека тренерот, Даниеле де Роси е во опасност да ја загуби работата доколку клубот не влезе во Лигата на шампионите.
„Со оглед на лудите инвестиции ова лето, мора да се пласираат во Лигата на шампионите. Ако вложите 100 милиони евра и не одите во ЛШ, тоа е целосен колапс“, рече Тоти и додаде:
„Ако не се борат за Лигата на шампионите, Де Роси ќе си замине предвреме, нема да биде тука на краот од сезоната.“
Тоти и Де Роси се пријатели и поранешни соиграчи во Рома, но…
„Пред се, Даниеле треба да ги натера да го почитуваат. Мора да разговара со стручниот штаб и блиските луѓе, оние кои можат да му помогнат и да го натераат да ги разбере неговите грешки. Данијеле има силна група играчи и се надевам дека ќе успее, бидејќи одлично ја познава околината“.
На прашањето дали Де Роси може да заврши како Жозе Мурињо, Тоти одговори:
„Се разбира, и покрај тоа што тој е единствениот кој може да биде тренер на Рома во моментов. Се враќаме на истото – ако силен клуб е јасен за своите цели, се е во ред, бидејќи навивачите знаат се. Меѓутоа, ако работите не одат добро, целата вина ќе биде на Даниеле. Токму тоа му се случи на Мурињо. Застана пред проектот, но никој не му помогна и не разговараше со него. Ако не донесеш резултати, стануваш жртвено јагне“, заклучува Тоти.
Рома од првите три кола освои само два бода, а во недела гостува кај Џенова.
Спорт
Баерн му нуди нов договор на Мусијала
Џамал Мусијала е еден од најмладите и најважните играчи на Баерн Минхен. Неговиот договор со клубот истекува во јуни 2026 година. Интерес за Мусијала има кај неколку елитни клубови, а медиумите тврдат дека наредното лето неговиот потпис ќе се обиде да го обезбеди Манчестер сити.
Исплашени од интересот на Пеп Гвардиола, челниците на клубот ги започнале преговорите со неговиот менаџер околу новиот договор.
Баерн е подготвен да му понуди значително зголемување на платата, но и разни бонуси поврзани со она што ќе го оствари на теренот.
Наводно, Манчестер сити биле подготвени да платат околу 150 милиони евра за неговиот трансфер.
Спорт
ФА покрена постапка против Бентакур – Уругваецот се соочува со суспнезија на 12 натпревари
Фудбалската асоцијација на Англија (ФА), покрена дисциплинска постапка против играчот од средниот ред на Тотенхем, Родриго Бентанкур за расна навреда упатена кон соиграчот Сон Хеунг-мин.
Во интервју за уругвајската телевизија „Канал 10“, водителот го прашал уругвајскиот репрезентативец за дресот на играчот на Тотенхем, на што тој одговорил: „На Сони? Може да е братучед на Сони, сите изгледаат исто“, пренесува „Би-би-си“.
Бентанкур подоцна се извини на „Инстаграм“ и рече дека неговите коментари се „многу лоша шега“. ФА соопшти дека 27-годишниот уругвајски репрезентативец „е обвинет за наводно прекршување на Правилото Е3 на ФА за недолично однесување во врска со интервју за медиумите“.
ФА рече дека изјавата претставува „сериозно прекршување бидејќи вклучува повикување, или експлицитно или имплицитно, на националноста и/или расата и/или етничкото потекло“.
Што се однесува до должината на забраната, правилата на ФА велат дека Бентакур може да добие суспензија од шест до 12 натпревар.
„Би-би-си“, додава дека Бентанкур има рок до четврток, 19 септември да одговори на обвинението.
Во исто време, добротворната организација за борба против дискриминацијата Kick it Out рече дека добила „значителен број“ поплаки за расните навреди на Бентанкур, што го истакна „поширокиот проблем што силно ги погодува источните азиски и пошироките заедници“.
„Разговарав со Лоло“, рече Сон во јуни. „Направи грешка, го знае тоа и се извини. Лоло никогаш намерно не би кажал нешто навредливо. Ние сме браќа и ништо не се смени. Поминавме низ ова, обединети сме и ќе се вратиме заедно во претсезоната за да се бориме за нашиот клуб“, рече Сон.