Спорт
Атлетико со играч помалку стигна до драматична 4:3 победа над Хетафе!

Атлетико Мадрид се врати за неверојатна 4:3 победа над Хетафе во луд меч на „Ванда метрополитано“ за враќање на четвртото место на табелата на тимот на Диего Симеоне.
Работите почнаа одлично за шпанскиот шампион. Уште во деветтата минута беше досуден пенал за домаќините, но Луис Суарез не успеа да го реализира. Изгледаше дека тоа нема да биде проблем, откако Анхел Кореа десет минути подоцна ги донесе „рохибланкос“ во предност, а Матеуш Куња во 27. минута зголеми на 2:0.
Тогаш почна пресвртот. Борха Мајорал во 30. минута намали на 2:1, по што во 37. и 42. минута беа досудени два пенали за Хетафе, кои лесно ги реализираше Енес Унал за 2:3 водство на гостите. Лудото прво полувреме заврши со израмнување, повторно преку Анхел Кореа во последните секунди од продолжението.
Во второто полувреме, сите обиди на Атлетико за камбек изгледаа уништени во 58. минута, кога Фелипе доби заслужен црвен картон за неспортски удар во обид да спречи контра на гостите. Но, во 89. минута од мечот, замената Марио Ермосо се најде во шанса во шестнаесетникот на Хетафе по асистенцијата на Жоао Феликс за да постигне прекрасен гол за три поени.
Атлетико се четврти со 39 поени, еден пред Барселона (која има натпревар помалку), додека Хетафе на Кике Санчес Флорес се на 15. место со 24 поени, пет поени над зоната за испаѓање.
Mario Hermoso just scored a late winner against Getafe to make it 4-3. He has saved 10-man Atletico Madrid and Diego Simeone
He also scored the late winner against Valencia ? pic.twitter.com/ExQvOOpSys
— Wyngback Soccer (@wyngback) February 12, 2022
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-37223”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Познат српски судија уапсен во голема полициска акција

Познатиот кошаркарски судија Урош Николиќ е уапсен вчера во меѓународна полициска операција под сомнение за поврзаност со организирана криминална група.
Николиќ, бил уапсен во Белград во голема полициска операција спроведена по наредба на Јавното обвинителство за организиран криминал, а под сомнение дека е дел од организирана криминална група осомничена за тешки кривични дела, објави „Блиц“ во четвртокот.
Десет лица биле уапсени во полициската операција.
Николиќ е на списокот на судии на Евролигата и оваа сезона. Но, и на списокот на судии на АБА лигата и Кошаркарската лига на Србија.
Тој треба да биде сослушан во петок во Јавното обвинителство за организиран криминал.
Министерот за полиција Ивица Дачиќ ја потврди веста за апсењето на судијата Николиќ, а воедно објави и низа факти за јавноста:
„Интересно е уапсен тука во Белград, со иницијали У.Н., кошаркарски судија на Евролигата, во чиј стан беше пронајдена голема сума, 250.000 евра, златни прачки, часовници. Се сомнева дека е финансиски поддржувач на активностите на овој клан“, рече министерот Дачиќ.
Фото/ Принтскрин
Спорт
Батлер официјално ја засили Црвена звезда

Кошаркарскиот клуб Црвена звездапотврди дека надворешната линија ја засили со американскиот комбо-бек Џаред Батлер.
Батлер, поранешен играч на Филаделфија и поранешен шампион на НЦАА со Универзитетот Бејлор, потпиша договор со белградскиот клуб ова утро.
Неговото доаѓање треба да ги пополни празнините на позициите плејмејкер и бек-шутер кои во моментов се празни поради повреди на неколку важни играчи (Девонте Греам, Ајзеа Кенан, Тајсон Картер).
25-годишниот Американец, висок 191 сантиметар, беше избран од Њу Орлеанс Пеликанс на НБА драфтот во 2021 година, по извонредната колеџ кариера во која го предводеше Бејлор до историска титула во шампионатот на САД.
За време на неговата НБА кариера, Батлер играше за Јута Џез, Оклахома Сити Тандер, Вашингтон Визардс и Филаделфија.
Настапи на 148 натпревари со просек од 6,7 поени, 1,5 скока и 2,8 асистенции по натпревар, а се очекува да донесе дополнителна енергија, прецизност во шутирањето и искуство од најсилната лига во светот во Звезда.
Звездаши, добро јутро!
Током претходне ноћи Џеред Батлер је потписао уговор са црвено-белима и после тестова и медицинских провера ставиће се на располагање тренеру Саши
Обрадовићу!Добро дошао у црвено-белу породицу! 🔴⚪️
Good morning, Crvena zvezda supporters!
Last night,… pic.twitter.com/iijesElL0o
— KK Crvena zvezda Meridianbet (@kkcrvenazvezda) October 23, 2025
Спорт
Ова не Јувентус не му се случило 16 години

Хрватскиот тренер Игор Тудор беше поразен со Јувентус на гостувањето кај Реал Мадрид со резултат од 1:0 во третото коло од Лигата на шампионите. Единствениот гол на натпреварот го постигна Џуд Белингам во 57-та минута.
Поразот во Мадрид, ја продолжи црната серија на италијанскиот тим. Јувентус е седум натпревари без победа во сите натпреварувања.
Сè започна со нерешен резултат 4:4 против Борусија Дортмунд во Лигата на шампионите, а продолжи со нерешените резултати против Верона (1:1), Аталанта (1:1), Виљареал (2:2), Милан (0:0) и кулминираше со порази против Комо (2:0) и синоќа против Реал (1:0).
Седум последователни натпревари без победа е низа каква што клубот немал цели 16 години, кога Клаудио Раниери беше на клупата на „Старата дама“.
Легендарниот Италијанец одигра осум натпревари без победа помеѓу април и мај 2009 година, со шест нерешени резултати и два порази.
La #Juventus non vince per la SETTIMA gara di fila: non capitava da più di SEDICI anni (aprile-maggio 2009) , in panchina al tempo sedeva Claudio #Ranieri.
Igor #Tudor riscrive la storia bianconera. pic.twitter.com/4rvY7lAFoQ
— Guido Olivares🇮🇹 (@Guidolino8) October 22, 2025