Спорт
Атлетико со пенал-победа го доби градското дерби

Стариот шампион, Атлетико Мадрид стигна до „жестока“ 1:0 победа на лутиот градски ривал, новокрунисаниот шпански шампион, Реал Мадрид во меч без големо резултатско значење на „Ванда Метрополитано“.
„Кралевите“ веќе ја обезбедија 35. шпанска титула и се пласираа во финалето на Лигата на шампионите, додека Атлетико од друга страна платија за лошиот старт на сезоната иако победата речиси сигурно им обезбедува топ 4 пласман и место во Лигата на шампионите.
Бидејќи резултатот не беше клучен, Карло Анчелоти се реши за необична стартна постава, поставувајќи го Начо Фернандез како капитен и давајќи им шанса на Лука Јовиќ, Хезус Валехо и Андриј Лунин на голот. Клучниот момент се случи во 40. минута, кога Валехо направи фаул во шестнаесетникот, а Јаник Караско беше сигурен за да го постигне единствениот гол на мечот.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-37223”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ го победи новиот пулен на Вајда, Зверев спасуваше меч топка во Париз

Светскиот број 1, Новак Ѓоковиќ стигна до 6:2/6:3/7:6(4) победа над светскиот број 38., Словакот Алекс Молчан, новиот пулен на неговиот долгогодишен тренер, Маријан Вајда.
Мечот беше одбележан со првиот меѓусебен дуел на Ѓоковиќ и Вајда, кој сега ја води кариерата на младиот словачки тенисер, Молчан, но Србинот немаше проблеми на „Сузан Ленглен“, не дозволувајќи ниту една брејк-топка до средината на последниот сет, кога беше предоцна Молчан да се врати.
Следен противник за Србинот е Словенецот Аљаш Бедене, кој претходно во четири сета го совлада Уругваецот Пабло Куевас.
Ако Ѓоковиќ немаше проблеми, тоа не може да се каже за светскиот број 3, Александер Зверев, кој спасуваше меч-топка против Аргентинецот Себастијан Баез во второто коло. Откако ги загуби првите два сета, Германецот успеа да направи камбек и да стигне до импресивна 2:6/4:6/6:1/6:2/7:5 победа.
21-годишниот Баез имаше фантастичен старт на мечот, правејќи брејк во првиот гем, за да го освои со 6:2, по што поведе со 4:0 во вториот сет за фантастична предност. Меѓутоа, потоа искуството го направи своето – Германецот ги освои следните два сета за во одлучувачкиот сет Баез да поведе со 5:4, пред Зверев да го комплетира пресвртот.
„Му кажав на Себастијан дека ова е најлошото чувство кое ќе го има на тенискиот терен. Знам како се чувствува бидејќи јас загубив во финалето на САД опен со два сета предност. Но, следната година го освоив олимпиското злато и АТП финалето. Тој е фантастично момче и ќе направи големи работи во овој спорт“, изјави Зверев.
Спорт
Кеси потврди: Совршен начин да се збогуваш со Милан е со скудето

Франк Кеси потврди дека си заминува од Милан како слободен агент, посочувајќи дека „најдобар начин да се збогуваш“ е со скудето, пред најавениот трансфер во Барселона.
Фудбалерот од средниот ред од Брегот на Слоноват Коска не се договори за обновување на договорот со „росонерите“ и од 30 јуни е слободен агент.
„Ова беа пет многу важни години во кои навистина се посветив на проектот. Среќен сум за градот, за клубот, за фановите, за тренерот, но и за мене и за моето семејство. Ова е последен месец од мојот договор тука, но во овие пет години успеавме да се вратиме во Лигата на шампионите и да го освоиме скудетото. Го направив тоа за што дојдов тука и ова е најдобар начин да се збогуваме“, вели Кеси.
25-годишниот Кеси цела своја кариера ја помина во Италија, откако во 2015 година пристигна во младинската академија на Аталанта, по што беше позајмен во Чезена, пред во 2017 да направи трансфер во Милан за 32 милиони евра. Оваа сезона тој постигна 6 гола во 31 настап во Серија А, вклучувајќи ги последниот гол при 0:3 победата кај Сасуоло со кој се запечати титулата.
Спорт
Трагедија на трка во Италија – велосипедист усмрти човек! (вознемирувачко видео)

Велосипедската трка Трофео Кастелфидардо во Италија заврши со трагедија во неделата, откако спортскиот директор на тимот Вирис Вигевано, Стефано Мартолини почина откако беше удрен од 23-годишниот велосипедист Никола Венкјарути (Ворк сервис).
Венкјарути ја загубил контролата на велосипедот на 400 метри пред крајот кога се удри со брзина од околу 60 км/ч во Мартолини, кој ја следел трката на тротоарот. 41-годишниот Мартолини паднл на раката и починал веднаш, додека Венкјарути завршил во болница со скршен ‘рбет.