Спорт
Атсу уште е исчезнат, неговиот агент вели дека се пронајдени неговите чевли

Агентот на фудбалерот на Хатајспор, Кристијан Атсу вели дека неговиот агент уште е исчезнат по двата земјотрески во Турција и Сирија, иако ги пронашле неговите чевли и локацијата на неговата соба.
Минатата недела се врдеше дека 31-годишниот интернационалец од Гана, Атсу, е пронајден и дека е жив, но неговиот агент Нана Сечере инсистира дека и покрај тоа што се пронајдени делови од неговата облека меѓу урнатините, Атсу уште е исчезнат.
„Поминаа девет дена од земјотресот и уште не сме го лоцирале Кристијан. Јас сум на местото на земјотресот во Хатај со семејството на Кристијан. Сцените не можат да се опишат и срцата ни се скршени за сите кои се погодени. Додека сум тука го пронајдовме местото на неговата соба и најдовме два пара чевли. Вчера добивме потврда со термални снимки дека има доказ за пет живи, но вистинската потврда на животот е кога ќе го видиш човекот. Благодарни сме на турските и странските тимови за спасување, на сите локални цивили за нивната помош“, вели Сечере на социјалните мрежи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.
Спорт
Кристал Палас го заврши трансферот на Јереми Пино

Шпанскиот репрезентативец Јереми Пино е новото засилување на Кристал Палас, во кој ќе ја наследи улогата на доскорошниот лидер на „орлите“ Еберечи Езе.
Езе, минатата недела се пресели во Арсенал, а освојувачот на ФА Купот од трансферот заработи 79.000.000 евра. Менаџерот Оливер Гласнер експресно најде замена за Езе. Кристал Палас ќе му плати на Виљареал 30.000.000 евра за Пино.
Момчето од Канарските Острови одигра 170 натпревари за „жолтата подморница“, со напаѓачки настап од 22 гола и 23 асистенции. Тој ја освои Лигата на Европа во 2021 година, но и Лигата на нации во 2023 година со Шпанија, за која играше 15 пати.
На почетокот на сезоната, клубот од главниот град на Англија го изненади Ливерпул и го освои Комјунити Шилд, додека во Премиер лигата освои два бода во првите два натпревари.