Спорт
Австралија опен нема право да го именува стадионот по Ѓоковиќ
На почетокот на 2022 година, кога австралиските власти го депортираа Новак Ѓоковиќ од земјата, се појави измислена вест дека тоа се прави за да се спречи стадионот во Мелбурн да го носи неговото име. Наводно, постои правило според кое играчот што ќе го освои десет пати ја добива таа чест.
Ноле победи пред една година и ја осови десеттата титула на Австралија опен. И покрај победата арената во Мелбурн продолжи да го носи името на најголемиот австралиски тенисер Род Лејвер.
Крег Тајли, директор на Австралија опен, објасни зошто тоа теоретски не е возможно да се премиенува арената.
„За разлика од другите три гренд слема, ние не го поседуваме објектот. Ролан Гарос, Вимблдон и Ју-ес опен, односно федерациите на овие земји ги поседуваат стадионите, а ние го изнајмуваме. Затоа немаме право да го смениме името. Тој е во сопственост на државата Викторија во која се наоѓа Мелбурн. Целиот објект го изнајмуваме од нив и многу сме задоволни што вложуваат пари во реновирање“, рече Тајли, кој не крие дека би поддржал промена на името на арената во Мелбурн.
„Сигурно е дека би го поддржал тоа, бидејќи Новак во Австралија оствари неверојатни успеси. Но, за да се случи тоа, треба да се вклопат многу работи.“
Колку многу Австралија опен се разликува од другите три гренд слема, се гледа од следниот факт.
Само во Австралија турнирот склучува договор со стадионот и само во оваа земја периодично се носи одлука дали турнирот ќе остане таму каде што е. На пример, Сиднеј постојано инсистира да му ја вратат организацијата на грен слемот. Во овој град Австралија опен се одржал 17 пати. Домаќини на првиот грен слем во сезоната, во минатото биле и Аделаида, Бризбејн и Перт, па дури турнирот се одржувал и на Нов Зеланд. Не е тајна дека Кина е заинтересирана да му го одземе овој турнир на Мелбурн, иако тоа не е реално.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.