Спорт
„Автобусот“ на Мурињо против „пресингот“ на Мендилибар: Кој ќе го освои трофејот во Лига Европа?
![](https://makfax.com.mk/wp-content/uploads/2023/05/mendilibar-i-murinjo.jpg)
Севилја и Рома се соочуваат вечерва (21 часот) на „Пушкаш арена“ во Будимпешта за да го одредат новиот шампион во Лига Европа. Рекордерот по брјот на трофеи во ова натпреварување ќе се соочи со актуелниот шампион на Конференциската лига на УЕФА.
Победа на денешниот натпревар ќе им донесе не само титула, туку и пласман во Лигата на шампионите.
Само Севилја може да се пофали со шест трофеи во целата историја на Лига Европа, а Андалузијците досега немаат неуспех во финалните мечеви од ова натпреварување.
Од друга страна, тимот на Рома го предводи исклучителниот Жозе Мурињо, кој ги освои сите пет финалиња во натпреварувањата на Стариот континент во кои учествуваше, две од нив во ЛШ, две во Лига Европа и едно во Конференциската лига, пред една година токму со „волчицата“.
Ќе биде тоа и дуел на два стила, фудбалска партија шах, каква што милува да постави Жозе Мурињо во секое финале, се разбира, со „паркиран автобус“ пред сопствениот гол како главен приоритет и фудбал со многу трчање и пресинг по целиот терен, каков што форсира Хосе Луиз Мендилибар, тренерот на Севилја.
Од двете екипи, Шпанците се во подобра форма, со пет победи, три нерешени и два порази во последните десет натпревари во сите натпреварувања. Во меѓувреме, Италијанците забележаа две победи (една по продолженија), пет нерешени и три порази во различни натпреварувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва