Спорт
Азар со емотивно писмо се прости со навивачите на Челси

По потврдата на долгоочекуваниот трансфер од Челси во Реал Мадрид, Еден Азар објави емотивно писмо до навивачите на Челси по седум години во западен Лондон.
Азар, кој се наоѓа со белгиската репрезентација како дел од квалификациите за Европското првенство во 2022 година, во писмото на Фејсбук страницата се потсети на некои од најдобрите моменти во синиот дрес.
„До моите пријатели и семејството Челси.
Сега знаете дека ќе се приклучам на Реал Мадрид и не е тајна дека сонував да играм за нив од моето детство кога го постигнав својот прв гол. Се обидов да остана концентриран во овој период на шпекулации, посебно во последните шест месеци. Сега, по договорот се надевам дека сфаќате дека морам да го отворам новото поглавје. Заминувањето од Челси е најголемата и најтешката одлука која сум ја направил досега. Го сакав секој момент во Челси и во ниту еден момент не помислував на заминување.
Имав само 21 година кога дојдов, така што пораснав како човек и фудбалер со сите вас, кои ми помогнавте да станам капитен на Белгија. Секако, имаше и тешки времиња, за тимот и за мене, но тоа е професионалниот фудбал. Дури и кога не играв најдобро, го давав максимумот и ви благодарам за поддршката.
Кога ќе помислам на посебните моменти со дресот на Челси, ги има премногу и имавме среќа да победуваме повеќе отколку што губевме. Тие што ме познаваат, знаат дека не сакам да набројувам што сме победиле, но еден ден ќе седнеме на пиво и ќе зборуваме со гордост за промашениот пенал и голот со глава против Палас за титулата или тие голови против Тотенхем, Арсенал и Ливерпул.
Најгордите моменти секогаш беа како дел од тимот. Го освојувавме ФА купот, Лига купот, Лига Европа и Премиер лигата како семејство. Победата во Баку беше совршен начин да се заврши долгата сезона. Следната сезона прво ќе ги гледам резултатите на Челси.
Благодарност до сите мои соиграчи, и до сопственикот Абрамович што ми дозволија да остварам два сона – да бидам фудбалер на Челси и сега да бидам фудбалер на Реал Мадрид“, напиша Азар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.