Спорт

Азар требаше да се пресели во Барса, не во Реал

Објавено пред

2 недели

- 28 април, 2021

Од

Поранешниот менаџер на Еден Азар, Џон Бико, смета дека фудбалерот направил грешка со трансферот во Реал Мадрид. Според Бико, Азар требало да ја избере Барселона.

„Направи грешка со трансферот во Реал. Го послуша срцето. Од Челси требаше да замине една година претходно. Да ме прашаше, ќе му кажев да не оди во Мадрид. Луѓето не разбираат со какво темпо и интензитет игра Реал. Таленти каков што е Хамес Родригез не успеа да се приспособи во Реал“, рекол Бико и дополнил:

„Барселона, таму Еден требаше да се пресели. Кај нив топката бргу се движи. Азар во Барселона ќе имаше повеќе слобода на теренот, топката секогаш ќе беше кај него. Таму ќе беше најдобар во светот“.

Азар во 2019 година за 115 милиони евра од Челси се пресели во Реал. Поради честите повреди, тој не го оправда вложеното во неговиот трансфер. Азар има договор со Реал до јуни 2024 година.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Дончиќ го растури Голден стејт

Претходно

Ѓоковиќ нема да игра во Мадрид

Спорт

Робен се врати со две асистенции за 10 минути, па заплака пред камерите

Објавено пред

45 минути

- 9 мај, 2021

Од

TopSport.mk

Холандскиот ветеран Арјен Робен, конечно беше стартер за неговиот Гронинген, постигнувајќи две асистенции за 10 минути за да помогне за 4:0 победа над Емен, по што се расплака во текот на интервјуто.

Робен, кој кариерата ја почна токму во Гронинген, пред да игра за ПСВ, Челси, Реал Мадрид и Баерн Минхен, последните неколку месеци се мачеше со повреди, но тоа не му пречеше двапати да го пронајде Де Круз за победа.

„Поминав низ многу тешки работи, но вредеше токму поради ова. Сакам да играм, да помогнам на клубот и се надевам дека ќе успеам. Не престанав да се борам“, вели Робен.

Arjen Robben breekt tijdens interview 💔
"Ik wilde zo graag"
— ESPN NL (@ESPNnl) May 9, 2021

Прикажи повеќе...

Спорт

Џенова загуби дома од Сасуоло, Пандев одигра 68 минути

Објавено пред

2 часа

- 9 мај, 2021

Од

TopSport.mk

Џенова не успеа да освои нови поени со кои речиси сигурно ќе го обезбедеше опстанокот во Серија А, откако дома загуби со 1:2 од Сасуоло, кои пак со трите поени се поместија на позиција која ги носи во Лига Европа.

Со Горан Пандев како стартер (кој одигра 68 минути), Грифоне примија гол уште во 14. минута преку Џанлука Распадори, а потоа во 28. минута им беше поништен гол поради фаул. Во 66. минута Доменико Берарди зголеми на 0:2, пред во 85. минута Давиде Запакоста да даде гол за интересен финиш.

Сасуоло сега ја помина Рома на седмото место на табелата со 56 поени, иако „волчицата“ која заостанува еден поен има меч помалку. Џенова остануваат 14. со 36 поени, пет над зоната за испаѓање со само три меча до крајот на сезоната.

Прикажи повеќе...

Спорт

Мурињо доби свој сладолед во Рим, и веднаш си направи нарачка

Објавено пред

2 часа

- 9 мај, 2021

Од

TopSport.mk

Новиот тренер на Рома, Жозе Мурињо, му одговори на креаторот на специјалниот вкус на сладолед „Специјалниот“, нарачувајќи манго и јагода.

Возбудата во италијанската престолнина е голема поради ангажирањето на Мурињо, и покрај неговите слаби резултати со Тотенхем и Манчестер јунајтед, бидејќи сметаат дека тој ќе донесе нов дух кај „волчицата“ со неговиот тригодишен договор.

Затоа, не изненадуваше што локалната продавница за „џелато“ направи нов вкус „Специјалниот“, и Мурињо одговори на социјалните мрежи бирајќи ги вкусовите јагода и манго, кои секако, се поклопуваат со боите на „волчицата“.

Мурињо, кој најави дека ќе се пресели во Рим по крајот на сезоната во знак на почит кон португалскиот сонародник Пауло Фонсека, кој ќе остане на клупата на „волчицата“ до крајот на 2020/21, претходно се пофали со новата футрола за неговиот телефон – во боите на Рома и со иницијалите ЈМ.