Иако во 55 минута израмнија на 2-2 на „Олимпико“ во Рим, фудбалерите на Беневенто на чело со голгетерската италијанска легенда – Пипо Инзаги си одат со „петарда“ во мрежата. Рома предмалку со 5-2 славеше над новиот прволигаш, иако мечот не наговестуваше такво сценарио.

Беневенто го отвори резултатот, 0-1 со голот на Капрари во 5 минута.

„Волчицата“ се разбуди па најпрво Педро во 31 минута израмнува, а потоа Џеко во 35-та прави комплетен пресврт. До полувремето Рома постигна уште еден погодок преку Мхатаријан, но поради офсајд погодокот беше поништен.

Во вториот дел повторно гостино зема замав. Досуден беше пенал за Беневенто. Лападула не реализираше, но во продолжение на акцијата погоди за 2-2.

Оттука на теренот постоеше само еден тим – Рома.

Во 67 минута пенал за домаќинот, сигурен реализатор Верету.

Џеко со својот втор погодок во 78 носи предност од 4-2, а точка на мечот стави Перес во 89 минута. Босанецот изби сам на четвртото место на вечната листа на стрелци на Рома.

#RomaBenevento

روما 5 × 2 بينفينتو | اهداف اللقاء – ALL GOALS

ــــــــــــــــــــــــــــــــــــــــــــ
Just Follow the Main Account @BASAMGOAL pic.twitter.com/w8tpYfWzQT

— goalBG (@goal_bg) October 18, 2020

По долга и мачна „сапуница“ минатата година Антоан Гризман од Атлетико Мадрид за 120 милиони евра прејде во редовите на Барселона. Управата на Каталонскиот клуб сметаше дека тандемот Меси-Гризман ќе гази се пред себе, но до сега тоа не е случај.

Зад Барселона е една од најлошите сезони во клупската историја, а Французинот се покажа како тотално промашување. Гризман со Франција и Гризман во Барселона – како да не е ист човек.

Во првите 4 кола од Ла Лига се истакна со промашувањата, а не постигна ниту еден гол.

Во првите 3 кола Куман го користеше како десно крило, а синоќа против Хетафе го стави во средината на нападот. Ниту тоа не помогна.

Статистиката вели дека Гризман од 28 последни шута кон противнички гол, дури 26 топки поминале покрај голот.

Antoine Griezmann a manqué 26 de ses 28 derniers tirs pour le Barça.

Le pire série du joueur de toute sa carrière…🥶 pic.twitter.com/jNZGwXKQxk

— BeFoot (@_BeFoot) October 18, 2020

Рускиот тенисер Андреј Рубљев (22) го совлада Борна Чориќ со 7-6 и 6-4 во финалето на турнирот од Серија 500 во Санкт Петербург и на тој начин го освои својот четврти трофеј сезонава, по оние во Доха, Аделаида и Хамбург.

Првиот сет помина во тактичко надмудрување, немаше брејкови, па се стигна до тај-брејк. Тука Чориќ имаше убава предност од 5-2, но со неколку грешки во низа му дозволи на противникот враќање во игра и пресврт за 1-0 во сетови.

Во вториот сет беше нерешено до 2-2, тогаш Русинот направи брејк за 3-2, а потоа следуваше рутинирана завршница.

За Рубљев ова е шести трофеј во кариерата, а за Хрватот ова е петто загубено финале. Досега има само 2 освоени тениски трофеи.

Рускиот тенисер утре ќе биде осми на АТП листата.

Advantage Rublev 💪

The Russian takes the opening set in St. Petersburg 7-6(5)#SPBOpen pic.twitter.com/CExGbY3ZKv

— Tennis TV (@TennisTV) October 18, 2020