Спорт
Баер ја продолжи успешната серија, победи за Лајпциг и Штутгарт
Пет натпревари се одиграа во Бундес лигата во рамките на 30.коло, во терминот од 15 часот и 30 минути.
Во дербиот Унион Берлин и Баер Леверкузен одиграа натпревар без голови. Унион ја пропушти шансата повторно директно да се вклучи во трката за титулата, а Баер Леверкузен ја продолжи својата неверојатна серија.
Леверкузен последниот пораз во Бундеслигата го доживеа на 19 февруари, оттогаш нема пораз на девет првенствени натпревари и пет во Лига Европа.
Унион сега е на третото место на табелата со 56 бодови, пет помалку од Борусија Дортмунд која е прва, а три помалку од Баерн кој има меч помалку.
Фрајбург славеше на гостувањето кај Келн, а единствениот гол на овој меч го постигна Руцу Доан во 54. минута од натпреварот.
Ајнтрахт и Аугсбург ги поделија бодовите по ремито 1:1.
Ајнтрахт поведе во 25. минута благодарение на автоголот на Рекбечај, а бод на гостите им донесе Ермедин Демировиќ во 58. минута.
Лајпциг пред своите гледачи со минимален резултат го победи Хофенхајм. Стрелец на голот вреден три бода за Лајпциг беше Кристофер Нкунку во 28. минута. За играчот кој од наредната сезона ќе го носи дресот на Челси по пауза од пет месеци.
Штутгарт ја победи Борусија Менхенгладбах со 2:1.
Гуираси му донесе водство на Штутгарт во 22. минута, а израмни Вигл во 77. минута од пенал.
Само четири минути подоцна, домашните добија пенал, а Кулибали го постигна голот кој на Штутгарт им донесе важни три бода во борбата за опстанок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

