Спорт
Баерн и Ливерпул од договор ги делат 10 милиони евра
Баерн и Ливерпул се уште не се договориле за трансферот на Садио Мане. Сенегалецот влегува во последната година од договорот, летниот преоден рок е последна можност Ливерпул да заработи од неговиот трансфер.
Баварците се многу заинтересирани за 30-годишниот Мане, но доколку сакаат тој наредната сезона да игра во Минхен, ќе мора да го одврзат ќесето.
Ливерпул досега одбиле две понуди, а според „Дејли Мејл“, во моментов разликата помеѓу преговарачките тимови изнесува 10 милиони евра.
Баварците прво понудија 25, па 28 милиони евра и уште осум милиони евра преку бонуси. Ливерпул категорично ги одби понудите.
Наводно вчера од Минхен во Ливерпул била испратена нова понуда. Со одредени бонуси таа изнесува 40 милиони евра, Ливерпул бараат уште 10 милиони евра.
Англичаните знаат дека Баерн бара 50 милиони евра од Барселона за Роберт Левандовски и дека може да плати онолку колку што бара Ливерпуза Мане.
Во исто време на „Енфилд“ се работи и на трансферот на Дарвин Нуњез. Клубот е подготвен да плати 100 милиони евра. Бенфика веднаш бара најмалку 75 милиони евра, додека остатокот најверојатно ќе биде договорен преку разни бонуси поврзани со настапите на Уругваецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.