Спорт
(Видео) Баерн ја расипа журката во Вилербан, по две продолженија го победи Асвел

Во 10. коло од Евролигата Асвел, во трилер-натпревар, со две продолженија доживеа пораз од Баерн Минхен 100:101.
Со овој натпревар Асвел ја отвори новата Арена, која изгледа навистина спектакуларно.
Изградбата на ЛДЛЦ арената чинеше 140.000.000 евра, а капацитетот кога се игра кошарка е 12.523 седишта.
Новиот дом на кошаркарите на Асвел беше отворе непосредно пред почетокот на натпреварот, а Тони Паркер, сопственикот на Асвел меѓу другите, ја пресече лентата.
Кога станува збор за самиот натпревар, тој беше навистина историски, како што доликува на отворањето на една ваква прекрасна сала.
𝗜𝗧 𝗙𝗘𝗘𝗟𝗦 𝗟𝗜𝗞𝗘 𝗛𝗢𝗠𝗘🏠@LDLCASVEL premieres its new arena prior to Round 10 game🤩 pic.twitter.com/1RABjCHeSR
— Turkish Airlines EuroLeague (@EuroLeague) November 23, 2023
Асвел испушти 12 поени предност во последната четвртина, Баерн направи пресврт и успеа да избори продолжение.
Баерн имаше +6 во дополнителните пет минути, како и +3 и два шута за Карсен Едвардс на неполна минута до крајот.
Но Баварците не успеаја да ја завршат работата. На 11 секунди до крајот по забивањето на Ловерњ, Асвел дојде до 88:85, но Вајлер-Веб на шест секунди до крајот погоди тројка и избори уште едно продолжение за Баерн.
Асвел подобро влезе во овој период од натпреварот, имаше предност од пет поени, која не успеа да ја сочува. На 50 секунди до крајот резултатот беше 100:100. Откако двата тима не реализираа по еден напад, Асвел тргна во напад за победа, но Ловерњ на две секунди до крајот трган на полужување и направи фаул во напад.
Нилс Гифај, погоди едно од двете слободни фрлања за конечен триумф на Баерн.
Ловерњ и Скот беа најефикасни кај Асвел, поен помалку постигна Луваву-Кабаро, а Ли реализираше 19 поени.
Баерн го предводеа Болмаро и Букер со по 16 поени, а Гифај и Ибака постигнаа по 14 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал го договори трансферот на Инкапие

Спортскиот директор на Арсенал беше исклучително активен во преодниот рок. Резултатот на таа активност е рекордно трошење за засилувања, што беше заокружено со договорот за трансфер на Пјер Инкапие од Баер Леверкузен.
Постигнат е договор помеѓу Арсенал и Баер Леверкузен. Според него, Арсенал ќе му плати на Баер 52 милиони евра со бонуси.
Со овој трансфер, бројката што „топџиите“ ја потрошија за трансфери ова лето е 345 милиони евра, што е клупски рекорд. Во клубот пристигнаа осум нови фудбалери.
Мартин Зубименди беше платен најскапо, 70 милиони евра на Реал Сосиедад. Еберечи Езе беше платен малку помалку на Кристал Палас (69,3 милиони евра), а над 60 милиони беа платени за Виктор Ѓекереш Спортинг (65,8 милиони евра). Нони Мадуеке од Челзи беше платен 56 милиони евра.
Кристијан Москера беше доведен од Валенсија за 15 милиони евра, Кристијан Норгард од Брентфорд за 11,6 милиони евра, а уште еден играч беше доведен од Челзи. Кепа Аризабалага за само 5,8 милиони евра.
Фото/ Принтскрин
Спорт
(Видео) Србија ја победи Португалија – Петрушев исклучен, Богдановиќ се повреди, а селекторот Пешиќ во клинч со Мициќ

Најголемиот фаворит за златниот медал на Евроското првенство во кошарка, Србија, потешко од очекувањата ја победи Португалија во второто коло со 80:69.
Србите не беа на ниво, селекторот Пешиќ реше дека со „главите биле на некое друго место“, до победата ги предводеа Никола Јокиќ со 23 поен и 10 скока, односно Никола Јовиќ со 18 поени.
Покрај лошата игра Србите се соочија со неколку проблеми по овој натпревар.
На почетокот на мечот поради неспортски потег, удриање на противнички играч беше исклучен Филип Петрушев. Медиумите шпекулираат дека крилниот центар ќе нема да помине само со исклучувањето, туку и дека ќе добие суспензија од ФИБА.
Isključen Petrusev pic.twitter.com/c572wGNqXv
— sportnadlanu (@klikclick191174) August 29, 2025
Во финишот на првото полувреме се повреди капитенот Богдан Богдановиќ. Веднаш го нашушти теренот и повеќе не се врати во игра. Селекторот Пешиќ на прес конференцијата информира дека Богдановиќ ќе мора да оди на дополнителни прегледи за да се утврди степенот на повредата.
— OvoOno (@OvoOnoX) August 29, 2025
И за крај, на почетокот на последната четвртина, селекторот Пешиќ остро реагираше кога Василије Мициќ нерезонки заврши една акција во нејзиниот зачеток, шутна тројка во раната фаза од нападот. Пешиќ го повлече Мициќ од игра, а на клупата имаше жесток разговор со него.
Србија во сабота од 17 часот игра против домаќинот Летонија.
Foto/ FIBA
Спорт
(Видео) Милан ги победи Лече и ВАР-от

Милан ја оствари својата прва победа во Серија А оваа сезона, откако го победи Лече со 2:0 во второто коло.
Исклучително важна победа за Милан. Не само поради поразот во првото коло на „Сан Сиро“ против Кремонезе, туку и поради значителни персонални проблем. Сепак, Масимилијано Алегри ја забележа првата победа во својот повратнички мандат.
Рубен Лофтус-Чик го отвори резултатот во Лече во 66-та минута. Со асистенција на најголемото засилување Лука Модриќ. Сепак, пред тоа Милан постигна уште два гола, но двата беа поништени од ВАР. Прво, веќе во четвртата минута, голот на Габија поради прекршок, а потоа во 60-та минута, голот на Хименез поради офсајд.
Кристијан Пулишиќ му го зададе последниот удар на Лече во 86-та минута.
Фото/ Принтскрин