Спорт
Баерн Минхен сака да го купи Садио Мане

Баерн Минхен е силно заинтересиран да го доведе напаѓачот на Ливерпул, Садио Мане, откриваат германските медиуми. Тој треба да биде наследник на Роберт Левандовски кој најверојатно ќе си замине од клубот ова лето.
Спортски директор Хасан Салихамиџиќ се подготвува за преговори со неговиот агент. Финалните разговори ќе се одржат по завршувањето на финалето од Лигата на шампионите во Париз, каде Ливерпул ќе се сретне со Реал Мадрид.
Ливерпул годинава е во игра за четири трофеи, а сезонава Сенегалецот постигна 20 гола и имаше 4 асистенции на 46 натпревари во сите натпреварувања.
🚨Exclusive News Sadio #Mané: #Salihamidzic wants him! He is the desired „statement transfer“ in summer! No negotiations between Bayern & #LFC so far. HS met his agent over the weekend. Mané was a topic. Talks about a contract extension between LFC & Mané difficult. @SkySports 🇸🇳
— Florian Plettenberg (@Plettigoal) May 9, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дејан Станковиќ ќе биде тренер на Црвена Звезда и во наредните три години

Српскиот првак Црвена Звезда го продолжи договорот со тренерот Дејан Станковиќ до 2025 година. И покрај најавите од минатата зима дека на крајот од актуелната сезона би можело да дојде до разделба меѓу Црвена звезда и Дејан Станковиќ поради поканата што српскиот стручњак ја доби од Италија, сепак се случи спротивното.
Самиот истакна дека сака и следната сезона да биде тренер на тимот и тоа ќе му биде исполнето.
„Се чувствувам феноменално. По многу добра и тешка сезона, направивме голем успех и потпишувањето на договорот е потврда дека заедно можеме да направиме се, да размислуваме позитивно за иднината. Би сакал да му се заблагодарам на клубот за нивната доверба и трпение. Беа убави овие две и пол години, а сега започнува нов и уште посилен циклус. Ова е само потврда дека клубот верува во мене уште од првиот ден, па правиме силна целина. Исто така би сакал да им се заблагодарам на моите момци, без нив ни јас не би бил комплетен. Благодарам и на навивачите кои секогаш беа со мене и ја даваа својата поддршка. Заедно можеме да направиме се“, изјави Дејан Станковиќ.
Црвена Звезда ја освои шампионската титула во Србија, а ќе игра против Партизан и во финалето на Купот.
Спорт
„Кралевите“ ќе понудат 120 милиони евра за ѕвездата на Милан

Реал Мадрид нема предолго да „жали“ за недоаѓањето на Килијан Мбапе и ќе се фокусира на нови засилувања кои ова лето треба да пристигнат на „Сантијаго Бернабеу“. Во фокусот на „кралевите“ е претстојното финале во Лигата на шампионите против Ливерпул, но раководството и тренерот Карло Анчелоти размислуваат и за новите имиња.
Реал Мадрид е пред договор со Аурелиен Чуамени од Монако, а допрва ќе треба да се најдат добрите решенија за засилување на нападот.
Рафаел Леао од Милан, кој е избран за МВП играч на сезоната во Серија А, е во фокусот на Реал. Португалецот имаше одлична сезона во дресот на Милан, постигна 11 гола и забележа 10 асистенции во Серија А, а има договор до јуни 2024 година.
„Кралевите“ за него се подготвени да понудат 120 милиони евра.
Спорт
„Мистер финале“ во обид да остане европски перфектен: Жозе Мурињо пред прв голем трофеј со Рома

Рома шест децении чека на европски трофеј. Жозе Мурињо е на прагот на историја, да стане првиот тренер кој ја освоил Лигата на шампионите, Купот на УЕФА (предвесник на Лига Европа), Лигата на Европа и Лигата на конференции. Вечерва, португалскиот стратег ќе ја предводи „волчицата“ против Феенорд во обид за нов голем успех.
Иако многумина новоформираното натпреварување го сметаат за сосема непотребно, солзите на Жозе Мурињо по пласманот во финалето го обиколија светот и едноставно, за него тој пехар е повеќе од се, бидејќи знае колку страдаше во последните години и колку му е потребно да го освои овој трофеј.
Рома се мачеше да стигне до финалето, губејќи двапати од Бодо Глимт, еднаш во групната фаза, а подоцна и во четврт-финалето, но, сепак, отиде понатаму.
Колку Мурињо е фаворит и во ова финале, најдобро говорат неговите досегашни европски финалиња. Тој учествуваше во четири и во сите четири излезе како победник.