Девет напревари се одиграа во НБА лигата пред паузата поради Ол стар натпреварот, кој ќе се одигра во недела.

Во најдраматичниот натпревар, Милвоки победија во Мемфис со 112:111. Победникот го реши Џру Холидеј со поените постигнати на пет секунди до крајот на натпреварот. Јанис Адетокумбо го предводеше Милвоки со 26 поени и 11 скока, на спротивната страна најдобар беше Џа Морент со 35 поени.

Драматично беше и во Портланд, каде Демијан Лилард на својот тим му ја обезбеди победата над Сакраменто 123.119. Лилард 10 од своите 44 поени, постигна во последните три минути. Брилијантен меч за Портланд одигра и Енес Кантер (22 поени и 21 скок). 32 поени за Сакраменто постигна Диерон Фокс.



Вашингтон ја продлабочија кризата на ЛА Клиперс. Вашингтон победија 119:117, предводени од првиот стрелец во лигата Бредли Бил, кој постигна 33 поени, Расел Вестбрук забележа 27 поени, девет скока и 11 асистенции. Клипрс го запишаа шестиот пораз на последните 10 натпревари. Ивица Зубац имаше дабл-дабл од 13 поени и исто толку скокови, а Каваи Ленард постигна 22 поени.

Четвртата победа во низа, Денвер Нагетс ја забележаа против Индијана Пејсерс. Нагетс победија 113:103. Мајкл Порттер јуниор го предводеше Денвер со 24 поени и 12 скокови, Никола Јокиќ имаше 20 поени, 12 скокови и осум асистенции.

Резултати:

Бостон-Торонто 132:125
Вашингтон-ЛА Клиперс 119:117
Њујорк-Детроит 114:104
Индијана-Денвер 103:113
Мемфис-Милвоки 111:112
Њу Орлеанс-Мајами 93:103
Сан Антонио-Оклахома 102:107
Финикс-Голден стејт 120:98
Портланд-Сакраменто 123:119

Откако ги испиша најславните страници во клупската историја, Јирген Клоп со Ливерпул сега ги пишува најсрамните страници во клупската историја.

Екипата која во 2019 година ја освои титулата во Лигата на шампионите, потоа доминираше во Премиер лигата, сега не знае да победи на домашен терен.

Ливерпул имаа една нестварна серија, 68 натпревари не беа поразени на „Енфилд“, а сега не можат никого да победат на домашен терен.

„Црвените“, синоќа, во дербито беа поразени од Челси (0:1). Ова е петти пораз по ред за Ливерпул, а вкупно седми на кој немаат победа на „Енфилд“.

Последен пат Ливерпул како домаќини победиле на 16.декември, минатата година, против Тотенхем (2:1).

По Тотенхем, играа нерешено со Манчестер јунајтед (0:0) и ВБА (1:1), а потоа влегоа во серијата порази: Барнли (0:1), Брајтон (0:1), Манчестер сити (1:4), Евертон (0:2), Челси (0:1).

Катастрофалната низа Ливерпул имаат можност да ја прекинат во недела, кога ќе го пречекаат Фулам.

Капитените на тимовите за НБА-олстар натпреварот, Леброн Џејмс и Кевин Дурент, ги избраа петорките и резервите за натпреварот што ќе се одигра в недела во Атланта.

Леброн Џејмс за стартери во својот тим ги избра Јанис Адетокумбо од Милвоки Бакс, Стеф Кари од Голден стејт Вориорс, односно Лука Дончиќ и Никола Јокиќ од Далас Маверикс и Денвер Нагетс.

Резерви во тимот на леброн се Демијан Лилард (Портланд Трејлблејзерс), Бен Симонс (Филалдлефија ’76), Крис Пол (Финикс Санс), Џејлен Браун (Бостон Селтикс), Пол Џорџ (ЛА Клиперс), Домантас Сабонис (Индијана Пејсерс) и Руди Гобер (Јута Џез).

LA TEAM LEBRON POUR LE ALL-STAR GAME 2021 !! 🔥🔥🔥 pic.twitter.com/SWELSdD2fb

— TrashTalk (@TrashTalk_fr) March 5, 2021

Дурент, поради повреда, ќе го пропушти натпреварот, негова замена е Џејсон Тејтум од Бостон Селтикс. Покрај Тејтум, во тимот на Дурент се Кајри Ирвинг (Бруклин Нетс), Џоел Ембид (Филалдлефија ’76), Каваи Ленард (ЛА Клиперс), Бредли Бил (Вашингтон Визардс).

Резерви во овој тим се Џејмс Харден (Бруклин Нетс), Девин Букер (Финикс Санс), Зајон Вилијамсон (Њу Орлеанс Пеликанс), Зек Лавијн (Чикаго Булс), Џулиус Рендл (Њујорк Никс), Никола Вучевиќ (Орландо Меџик), Донован Мичел (Јута Џез).

#TeamDurant is set for the 2021 #NBAAllStar Game 💥 pic.twitter.com/zyQ44ivOux

— NBA TV (@NBATV) March 5, 2021