Непримерниот речники црвениот картон кој го доби Џуд Белингем на натпреварот Осасуна-Реал Мадрид се уште се тема во фудбалскиот свет. Ова го коментираше и Пеп Гвардиола пред натпреварот помеѓу Реал Мадрид и Манчестер сити во Лигата на шампионите.

Да потсетиме, Белингем беше исклучен во 39.минута против Осасуна откако му кажал на судијата Мунуера Монтеро „да се е.е“.

Резултатот беше гневот на Реал Мадрид кој инсистира дека не е фер третиран од судиите и навивачите на Реал кои со закани го преплавија инстаграм профилот на судијата.

Пред реваншот од плеј-офот од осминафиналето во Лигата на шампионите, тренерот на Сити, Пеп Гвардиола беше замолен да ја коментира ситуацијата.

„Мојот англиски е добар, но не ја разбирам разликата помеѓу тие два пцости. Важна е намерата, а не навредата. Најдобро е да не го направиш тоа и да го оставиш судијата на мира. Отсекогаш имало лоши одлуки. Треба да го прашате Џуд што мисли. Тоа е она што е важно”, рече Гвардиола и додаде:

„Можеби можете навредите некого со широка насмевка на лицето. Тоа не би било толку лошо, нели? Прочитав дека е отворена истрага. Леле. Ве молам. Оставете го судијата на мира“.

Реал и Сити играат вечерва од 21 часот. Првиот натпревар одигран на „Етихад“ заврши со победа на Реал од 3:2.

Елиминацијата на Милан од Лигата на шампионите е тема на денот во Италија. Виновникот е капитенот Тео Ернандез, кој на почетокот на второто полувреме доби црвен картон. Со играч повеќе Феенорд постигна гол и го елиминира фаворитот.

„Росонерите“ во 36. секунда ја надополнија негативата од Ротердам, имаа контрола на мечот против десеткуваниот Феенорд и на крајот беа елиминирани. Пресврт беше исклучувањето на Тео Хернандез на почетокот на второто полувреме за симулација. Од тој момент се врати на мечот со Феенорд, постигна гол и се пласираше во топ 16 во Европа по пауза од 50 години.

По натпреварот, Ернандез се најде под лавина критики од големи фудбалски имиња од сите страни. Најсуров беше легендарниот играч за врска на Милан и еден од највлијателните ТВ аналитичари во Италија, Звонимир Бобан.

„Тој го прави ова со години. Непоштено и неспортски. Зачуден сум што никој не му рекол да го смени однесувањето на теренот. Апсурд е начинот на кој го доби вториот жолт картон. Не може така. Нема „но“ или „ако“. Од почетокот на оваа сезона го гледаме Тео Хернандез кој не е ни сенка на играчот од претходните сезони. По пристигнувањето во Милан, тој беше слаб во одбраната, но се подобруваше со текот на времето. Оваа сезона, како и не се обидува да игра одбрана. Што ли си мислеше кога се обиде да изнуди пенал со симулирање. Го заслужи ова. Судијата Марчињак покажа дека има ма…а и му кажа „збогум“, рече Бобан.

Неговиот поранешен тренер и легенда на италијанскиот фудбал Фабио Капело исто така немаше разбирање она што го направи францускиот бек.

„Кога ќе направите толку многу грешки колку што направија во првото полувреме, тогаш „нешто“ ќе ви се случи. Тоа „нешто“ беше Тео Хернандез. Прво доби жолт картон за детско туркање. А потоа уште еден кој беше санкциониран од строг и праведен судија. Неговото исклучување им ја врати храброста на играчите на Феенорд“,изјави Дон Фабио.

Ниту легендарниот Алесандро Костакурти не е може да објасни што се случува со фудбалерите на Милан.

„Играте решавачки натпревари и правите неприфатливи грешки. Во Загреб исклучен беше Муса, во Ротердам Мењан беше виновен за голот, вечерва Тео беше исклучен…Толку грешки не можете и не смеете да правите да направите“, изјави популарниот Били.

Легендата на Феенорд и поранешен холандски репрезентативец Пјер ван Хујдонк беше немилосрден во холандското студио кон Ернандез.

„Каква луда европска ноќ!. Феенорд со толку повреди, со примен гол во рпвата минута… И тогаш се појавува тој идиот Тео Ернандез и ни помага. Фантастично! Никој не го очекуваше ова. Никој!“, изјави некогаш одличниот голгетер.

Дури и легендарниот Холанѓанец на Милан, Марко ван Бастен беше немилосрден, иако важи за благ критичар.

„Првокласен идиот“, го коментираше Ван Бастен исклучувањето на капитенот на Милан.

Сите 10 Формула 1 тимови ги претставија своите болиди за претстојната сезона во лондонската „О2 Арена“, како дел од историскиот настан во чест на 75 години од шампионатот.

Преполната сала со овации ги поздрави сите возачи, но очекувано најгласна поддршка имаше миленикот на домашната публика Луис Хамилтон. Од друга страна, секогаш кога се споменуваше Светската автомобилистичка федерација, следеа свирежи.

Секој од 10. болиди е претставен на различен начин, со светлосни ефекти, и музичка подлога во согласност со историјата на секој тим.

Најголемата промена има кај Ферари, на црвената боја и додаде малку бело на крилата. Ред Бул остана идентичен, Мекларен е сè уште папаја портокалов, а Мерцедес е сребрен.

Астон Мартинn остана верен на својата зелена нијанса, Кик Заубер на својата светкава, а Вилијамс на сината, додека Алпин не се откажува од розово-сината комбинација. Хас е сè уште црно-бел со примеси на црвено, додека најголемата промена всушност е кај тимот на РБ, кој доби малку поголемо брендирање од Ред Бул и наликува на болидот на австрискиот тим од Турското ГП 2011 година.

Спектакуларната презентација ја најави сезоната за која мислењата се дека може да биде една од најинтересни во историјата.

Причина за тоа е фактот што од средината на минатата сезона ривалите се израмнија со Ферстапен и Ред Бул, а на тоа поткрепува и фактот што Мекларен ја освои титулата кај конструкторите.

Пред почетокот на акцијата, за нешто повеќе од три недели, Ферстапен останува водечки кандидат за титулата, но не толку голем како претходните години. Негови главни конкуренти се секако возачите на Мекларен, Ландо Норис и Оскар Пјастри, додека Луис Хамилтон и Шарл Леклер од Ферари исто така гледаат на нивната шанса, како и Џорџ Расел во Мерцедес. За останатите останува да видиме дали заслужуваат да бидат во тоа друштво.

Најдобрите возачи на денешницата следната недела ќе бидат во Бахреин на претсезонски тестирања, а новата сезона започнува со Големата награда на Австралија на 16 март.