Спорт
Баерн за Вирц ќе го урне клупскиот рекорд
![](https://makfax.com.mk/wp-content/uploads/2023/11/1705532484.0.jpg)
Баерн е заинтересиран за офанзивниот играч за врска Флоријан Вирц (20), објави инсајдерот на „Скај спорт“, Флоријан Плетенберг.
Вирц, играч на Баер Леверкузен, е еден од најголемите светски таленти, интерес за него покажува и Барселона. Плетенберг открива дека Вирц има желба да се пресели во Баерн, додека трансфер во странство моментално не е опција.
Вирц е на врвот на листата на желби на Баерн за 2024 или 2025 година, но неговиот евентуален трансфер зависи од останувањето или заминувањето на Џамал Мусиала и Томас Милер, чии договори важат до 2026, односно 2024 година.
Доколку клубот од Минхен одлучи да го донесе Вирц, Баер ќе бара 120-130 милиони евра. Баерн на тој начин би го соборил клупскиот рекорд за највисоко платено обештетување.
Во моментов најскап трансфер е тој на Хари Кејн кој со бонуси може да достигне 110-115 милиони евра.
Виртц во 2020 година пристигна во јуниорскиот тим на Баер. Оваа сезона, тој постигна шест и асистираше за десет гола на 18 настапи за неговиот тим кој е на првото место во Бундеслигата под водство на тренерот Чаби Алонсо.
Тој веќе има 14 настапи за германската репрезентација, а „Трансфермаркт“ неговата вредност ја проценува на 85 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Три нови натревари на ЕП, дербито е во Гелзенкирхен
![](https://makfax.com.mk/wp-content/uploads/2024/06/p0j2v6nx.jpg)
Третиот ден ЕУРО 2024 носи три нови натпревари, два во Ц и еден во Д групата.
Програмата ќе ја отворат две репрезентации од групата Д. Тоа се Холандија и Полска. Двете репрезентации од 15 часот ќе го започнат натпреварот на стадионот Фолкспарк во Хамбург.
Вториот натпревар ќе започне во 18 часот. Првиот меч во Ц групата ќе го одиграат Словенија и Данска. Натпреварот се игра во Штутгарт.
Последниот натпревар ќе се одигра во Гелзенкирхен. Од 21 часот силите ќе ги одмерат Србија и Англија.
Спорт
(Видео) Италија со победа над Албанија ја започна одбраната на титулата
![](https://makfax.com.mk/wp-content/uploads/2024/06/12301520.jpg)
Актуелниот шампион Италија со победа над Албанија од 2:1 ја запошна одбраната на титулата на Европското првенство.
Натпреваро запошна шокантн за Италијанците кои примија гол по само 23 секунди. Бајрами ја искористи грешката на Димарко и го постигна најбрзиот гол во историјата на ЕП. До последната минута од натпреварот тоа беше се што направија Албанците на овој натпревар.
По голот фудбалерите на Албанија веднаш се повлекоа зад топката, а на Италијанците не им требаше многу за да се вратат во игра.
Италија имаше корнер во 11. минута од натпреварот, топката дојде до Пелегрини кој упати одличен центаршут и на втората статива го пронајде Бастони кој ја заби топката во мрежата.
Само пет минути подоцна Италија направи целосен пресврт. Николо Барела ја искористи лошо исфрлената топка од албанската одбрана и упати фантастичен волеј удар кој Стракоша не можеше да го одбрани.
Италија целосно ја презеде иницијативата, Албанија чекаше прилика од контранапад, а во 33. минута Фратези можеше да ја зголеми предноста на „аѕурите“, сепак стативата го спаси Стракоша.
До крајот на првото полувреме Скамака можеше да постигне гол во 40. минута, Стракоша беше на вистинското место и го одбрани ударот на напаѓачот на Аталанта.
Во второто полувреме, Италијанците се решија само да ја контролираат топка и да чекаат грешка на Албанците. Во 60. минута Скамака му ја додаде топката на Киеза, но играчот на Јувентус од 16 метри шутираше покрај стативата.
До крајот Италија имаше иницијатива на теренот, но не успеа да направи многу. Нападите беа бавни, без вистинска идеја и без желба да се нападне голот на Албанија.
Таквата определба можеше сакпо да ги чини, бидејќи Манај имаше шанса во 90. минута по одлична долга топка, но ударот го одбрани Донарума.
Следниот натпревар „азурите“ ќе го играат за пет дена против Шпанија, додека Албанија ден порано ќе игра со Хрватска.
Спорт
(Видео) Бајрами го постигна најбрзиот гол во историјата на ЕП, Италија сепак води во Дортмунд
![](https://makfax.com.mk/wp-content/uploads/2024/06/12301301-1.jpg)
Репрезентативецот на Албанија, Недим Бајрами го постигна најбрзиот гол во историјата на Европските првенства.
На стадионот „Вестфален“ во Дортмунд, Бајрами ја искористи катастрофалната грешка на Ди Марко и го совлада Донарума по само 23 секунди игра.
Albania scores in 25 seconds against Italy 🤣 #albania #italy #EURo2024 pic.twitter.com/c48owFmYcs
— Heybets (@playheybets) June 15, 2024
Актуелните европски шампиони експресно се опоравија по почетниот шок.
Бастони го изедначи резултатот во 11.минута. Дефанзивецот на Интер, погоди со глава откако остана сам на втората статива по нафрлувањето на Пелегрини.
Четири минути подоцона, Италија направи целосен пресврт. По една флипер ситуација пред голот на Албанија, топката дојде до Барела кој од 15 метри ја смести топката во голот.