Спорт
Баерн заинтересиран за Рабио
Баерн Минхен во летниот преоден рок ќе се обиде да го донесе фудбалерот на Јувентус, Адриен Рабио.
Италијанскиот новинар, Николо Шира, наведува дека Баерн стапил во контакт со мајката на Рабио, Веронике, која е и негов менаџер.
Инаку, Вероник Рабио е позната по бескомпромисниот однос за време на преговорите, а поради неа на Адриен претходно му пропаднаа неколку здлеки.
Меѓу другото, „Газета дело Спорт“, на почетокот на 2023 година тврдеше дека трансферот на Рабио во Манчестер јунајтед пропаднал затоа што неговата мајка барала премногу пари.
Јувентус исто така сака да го задржи откако од 2019 година одигра 199 натпревари, постигна 21 гол и забележа 15 асистенции. Се очекува Рабиот, до крајот на сезоната да донесе одлука дали ќе остане во Торино или ќе бара нов ангажман.
Рабио во помладите години бил член на Кретеј, Манчестер сити и ПСЖ, за чиј прв тим одиграл 227 натпревари, (24 голови, 14 асистенции). За француската репрезентација има 42 настапи и четири гола. „Трансфермаркт“, неговата вредност ја проценува на 40 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пикси: Не бевме вреќа за удирање
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.