Напаѓачот на Лајпциг, 21-годишниот Бенјамин Шешко, летово би можел да го напушти клубот и да ја продолжи кариерата во Премиер лигата, објавија во вторникот британските медиуми.

Репрезентативецот на Словенија сезонава игра во одлична форма. На 34 натпревари во сите натпреварувања постигна 17 гола и даде пет асистенции.

Неговиот договор со бундеслигашот е до крајот на јуни 2029 година, но летово би можел да направи трансфер, бидејќи може да биде активирана откупната клаузула која би можела да изнесува 80 милиони евра, во зависност од бројот на одиграни натпревари, голови и асистенции, откри инсајдерот Флоријан Плетенберг.

Британските медиуми тврдат дека англиските гиганти Манчестер јунајтед, Тотенхем и Арсенал би сакале да го ангажираат Шешко.

Како 16-годишник, Шешко се пресели од Домжале во австриски Ред Бул Салцбург во летото 2019 година за два и пол милиони евра. По четири сезони во Австрија, тој во јули 2023 година пристигна во сестрински клуб, германски Лајпциг, за сума од 24 милиони евра.

„Трансфермаркт“, неговата вредност ја проценува на 50 милиони евра.

Фудбалерот на Наполи, Матијас Оливера денеска го продолжи договорот со италијанскиот клуб до 2030 година.

Оливера одигра вкупно 90 натпревари за Наполи, за првиот тим дебитираше на 15 август 2022 година.

Уругвајскиот дефанзивец ги пропушти сите натпревари на Наполи во февруари поради повреда, а на теренот се врати на натпреварот против Интер, влегувајќи како замена за Леонардо Спинацола во 82. минута.

Оливера дојде во Наполи од Хетафе, а за репрезентацијата на Уругвај има одиграно 26 натпревари.

Спортската управа на Бенфика, според португалскиот весник „Рекорд“, сака да го врати Нелсон Семедо во клубот. Португалскиот репрезентативец, пред речиси осум години го напушти клубот кога се пресели во Барселона.

Семедо сега е фудбалер на Вулверхемптон, но неговиот договор, кој како што стојат работите нема да го продолжи, истекува на крајот од сезонат.

Александер Бах е повреден и Семедо би бил најадекватно решение на позицијата десен бек, сметаат челниците на лисабонскиот клуб.

Преговорите напредуваат и што е најважно, оптимизмот е во согласност со политиката на клубот за враќање на поранешните играчи.