Спорт
Бајката продолжува – Шведска е првиот финалист на СП

Продолжува шведската бајка во Египет, на 27 Светско првенство во ракомет. Швеѓаните кои на Мундијалот допатуваа без седум важни играчи, преку Франција изборија пласман во финалето. Во првото полу-финале, Шведска ја победи Франција со 32:26 (16:13).
Андрес Паличка и Кампус Ване се хероите на Шведска, која одигра перфектен меч против фаворизираната Франција.
Репрезентацијата на „Трите круни“, доминираше во текот на целиот натпревар. Франција, само еднаш водеше, во првиот дел кога со три гола, негативата 4:6, ја претвори во предност 7:6. Се што се случуваше пред тоа и по тој момент беше во знакот на Шведска.
Шведска одигра технички перфектно, во нападот ретко грешеа, а во одбраната го имаа брилијантиот Паличка, кој мечот го заврши со 12 интервенции. За споредба, француските голмани, Жентиј и Жерар имаа четири интервенции. Првата одбрана француските голмани ја имаа во 26 минута.
Во нападот блескаа крилата Ване со 12 голови и Петерсон со шест гола.
Шведска која во својата историја има четири светски титули, ќе игра во финалето прв пат по 2001 година. Тогаш го освоија сребрениот медал, а во финалето беа поразени од Франција.
Противник на Шведска во финалето ќе биде победникот од натпреварот помеѓу Данска и Шпанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Одложени квалификациските натпревари во Јужна Америка

Фудбалската федерација на Јужна Америка (КОНМЕБОЛ) ги откажа квалификациските натпревари, кои според распоредот требаа да се одиграат на крајот на месецов. КОНМЕБОЛ реши да донесе ваква одлука, откако речиси сите европски клубови одбија да ги пуштат фудбалерите да играат за своите репрезентации. Причината за ваквата одлука на клубовите е влошената епидемиолошка ситуација со коронавирусот.
КОНМЕБОЛ заедно со ФИФА ќе ги одреди термините кога ќе се одиграат одложените натпревари, а некои медиуми во Јужна Америка, не ја исклучуваат можоста да има промени и во системот на квалификациите.
Јужноамериканските квалификации за пласман на Светското првенство во Катар започнаа во октомври, досега се одиграни четири кола.
Спорт
Нов шок за Севилја – Елче го победи тимот на Лопетеги

Фудбалерите на Елче славеа победа во дуелот со Севилја (2:1) и по некомплетното 26.коло успеаја да избегаат од опасната зона. Севилја остана на четвртото место на табела, а до крајот на сезоната ќе води голема борба со Реал Сосиедад за местото кое носи пласман во Лигата на шампионите.
Првото полувреме во Елче не донесе никаква возбуда. Домаќините очекува игра внимателно против фаворитот, додека кај Севилја забележлив беше шокот по елиминацијата од Барселона во полу-финалето, во Купот на Шпанија.
Покрај тоа тренерот на Севилја реши да одмори неколку фудбалери, бидејќи за три дена овој тим ќе го игра осмина-финалниот реванш во Лигата на шампионите против Борусија во Дортмунд.
За разлика од првиот, вториот дел донесе многу повеќе возбудувања. Елче малку ја отворија играта, а таквиот хравар пристап им се исплатеше во две ситуации. Одличната тимска акција, во 70 минута, со убав гол ја заврши Раул Гути, а седум минути подоцна Гвида Кариља ја дуплираше преноста на Елче.
Севилја изврши притисок во последните десет минути. Од тој притисок излегоа две шанси, а една од нив Де Јонг претвори во гол.
Спорт
Лајпциг од првото место ќе го гледаат дербито Баерн-Дортмунд

Две победи на домаќините, две на гостите и еден нерешен натпревар е епилогот на она што се случувашње во попладневната програма, во 24.коло во Бундес лигата.
Лајпциг со победа го заврши гостувањето во Лајпциг и барем на неколку часа ја презеде лидерската позиција на табелата од Баерн Минхен. Актуелните шампиони од 18.30 ќе игра во дербито против Борусија Дортмунд.
Нкунку во првото, односно Сорлот и Форсберг, беа стрелци на головите за Лајпциг во победата 3:0.
Ајнтрахт одигра само 1:1 со Штутгарт и не успеа да го искористи поразот на Волфсбург, од Хофенхајм (2:1), за да се израмни со овој тим на третото место на табелата.
Во интервал од една минута беше поставен конечниот резултат 1:1 на мечот Ајнтрахт-Штутгарт. Калајџиќ погоди за „швабите“ во 68.минута, а во наредниот напад израмни Костиќ.
Дуелот Хофенхајм-Волфсбург беше решен во првото полувреме, кога беа постигнати трите гола. Баумгартнер погоди за домашните, израмни Вегхорст, а конечните 2.1 ги постави Крамариќ.
Леверкузен ја продлабочија кризата на Борусија Менхенгладбах. „Фармацевтите“, во Менхенгладбах славеа минимална победа со голот на Патрик Шик во 76.минута.
Херта го победи Аугсбург со головите на Пјонтек и Лукебакио, иако Волфсбург поведоа во втората минута со голот на Бенес.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“