Спорт
„Бајрон Кастиљо не постои. Тој е дух. Еквадор мора да биде исфрлен од СП“
Бајрон Кастиљо, десниот бек на еквадорската репрезентација, всушност е Колумбиец, тврдат Чилеанците. Тие бараат Еквадор да биде елиминиран од Светското првенство во Катар. За тоа веќе е информирале ФИФА, наведува Марка, пишувајќи за скандалот во јужноамериканските квалификации за Светското првенство во Катар.
„Марка“ во март стапиле во контакт со адвокатот на Фудбалскиот сојуз на Чиле, Едуардо Карлеза, кој го информирал овој медиум за сите неправилности поврзани со овој случај. Адвокатот рекол дека поседува документи кои тоа го потврдуваат.
Кастиљо за Еквадор, од можните девет одигра само два натпревари во квалификациите.
„Поднесовме жалба до ФИФА за овој сериозен инцидент. Темелно го истраживме случајот за да утврдиме каде е роден играчот и сосема е јасно дека е роден во Колумбија. Категорично тврдиме дека Бајрон Хавиер Кастиљо Сегура е роден во Тумац на 25. јули 1995 година и дека Бајрон Дејвид Кастиљо Сегура, наводно роден на 10.ноември 1998 година, не постои. Тој е дух. Тој е фалсификатор, направил кривично дело според еквадорскиот закон“, тврди Карлецо.
Адвокатот Фудбалскиот сојуз на Чиле тврди дека фалсификувањето на документи започнало во Еквадор во 2012 година кога Кастиљо бил регистриран за тамошниот клуб Норте Америка.
Во тој скандал биле уапсени неколку лица. Чилеанците побараа сослушување и се надеваат дека исходот на случајот ќе го елиминира Еквадор од Светското првенство и нив ќе ги однесе во Катар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024