Спорт
Балканците се хит во НБА (видео)

Играчите од просторите на поранешна Југославија, Лука Дончиќ, Бојан Богдановиќ, Богдан Богдановиќ и Јусуф Нуркиќ, синоќа блескаа во НБА-лигата.
Далас Маверикс забележа победа над Индијана Пејсерс 110:101. Дончиќ погоди две тројки во финишот со кои го реши победникот, а мечот го заврши со 26 поени, 10 скока и 7 асистенции. Индијана ја предводеше Хрватот Богдановиќ со 22 поена.
Српскиот репрезентативец Богдан Богдановиќ беше најдобриот играч на Сакраменто Кингс во драматичниот пораз од најдобриот тим во лигата Милвоки Бакс.
Во поразот 141:140 Богдановиќ забележа 28 поени и по осум скока и асистенции. Кај Милвоки се истакна Ерик Бледсо со петтиот трипл-дабл во кариерата (26 поени, 12 скока и 13 асистенции).
Портланд Трејлблејзерс победи во Бостон 97:92. Центарот на Портланд, Јусуф Нуркиќ, мечот го заврши со 16 поени, шест скока и три асистенции. Демијан Лилард за победниците постигна 33 поени, а Кајри Ирвинг во четвртиот последователен пораз на Селтикс реализира 31 поен.
Резултати:
Шарлот Хорнетс-Хјустон Рокетс 113:118
Атланта Хокс-Минесота Тимбервулфс 131:123
Бруклин Нетс-Вашингтон Визардс 116:125
Мемфис Гризлис-Чикаго Булс 107:109
Сан Антонио Спарс-Детроит Пистонс 105:93
Јута Џез-ЛА Клиперс 111:105
ЛА Лејкерс-Њу Орлеанс Пеликанс 125:119
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Љајиќ: Ништо не е спорно Партизан ќе добие УЕФА лиценца

Членот на привремената управа на фудбалскиот клуб Партизан, Расим Љајиќ, за „Спорт клуб“ изјави дека клубот ќе добие лиценца од УЕФА за настап во европските купови, наредната сезона.
УЕФА го одби Партизан, поради неисполнетите обврски кон пораншениот фудблер Никола Антиќ. Фудбалерот минатото лето од Партизан се пресели во Казахстан.
„Нема ништо спорно. Партизан во текот на денот ќе му достави распоред за отплата на долгот на Никола Антиќ на 15 рати. А тоа е последниот документ неопходен за добивање лиценца“, најави Расим Љајиќ.
Сепак…
„Има уште еден дел за кој во овој момент нема договор со претставниците на поранешниот фудбалер на нашиот клуб. Ќе разговараме и на таа тема, има две опции: договор, или суд. Во овој момент тоа е тотално неважна работа за одлуката за добивање лиценца од УЕФА, рече Расим Љајиќ и порача:.
„Партизан ќе игра во Европа, без сомнение!
Постапката за лиценцирање за европските натпреварувања ја спроведува и Фудбалскиот сојуз на Србија преку надлежната комисија.
Спорт
ФИФА почна истрага: Винисиус се соочува со двегодишна суспензија

Винисиус Жуниор е соочен со двегодишна суспензија доколку Етичкиот комитет на ФИФА утврди дека тој има конфликт на интереси поради неговите сопственички удели во повеќе фудбалски клубови. Жалбата ја поднесе бразилската компанија Тиберис холдинг до Брасил, барајќи суспензија, а ФИФА потврди дека ќе го разгледа случајот.
На 7 април, „Тиберис“ официјално ја извести ФИФА за можното прекршување на етичкиот кодекс од страна на фудбалерот на Реал Мадрид, наведувајќи дека на активните играчи не им е дозволено директно или индиректно да поседуваат акции во професионални клубови поради ризик од конфликт на интереси.
Компанијата поради која е покренат спорот ја води таткото на Винисиус ТТасило Соареш, а преку неа се вели дека тој стекнал удели во неколку клубови, меѓу кои и Сао Жоао дел Реј.
Компанијата „Тиберис“, која имаше 16,5 отсто удел во клубот, тврди дека незаконски и е ускратено правото на приоритетно купување и дека акциите биле продадени на компанија поврзана со Винисиус.
Тие се повикуваат на член 20 од Етичкиот кодекс на ФИФА и член 22 од Правилникот за спортска правда на шпанската фудбалска федерација, кои им забрануваат на активните фудбалери да имаат каков било сопственички интерес во фудбалските клубови, дури и ако постои само потенцијален ризик од конфликт на интереси.
Слична ситуација се споменува и во врска со клубот Алегре од втората португалска лига, со кој наводно на сличен начин се поврзува Винисиус.
Спорт
Крај на сезоната за Давид Нерес?

Фудбалерот на Наполи, Давид Нерес ќе отсуствува од терените најмалку еден месец откако го скина мускулот на потколеницата.
Наполи, соопшти дека 28-годишниот напаѓач ја повредил потколеницата на левата нога, но не прецизираа колку време Бразилецот ќе отсуствува.
Италијанските медиуми објавија дека Нерес ќе отсуствува најмалку еден месец и дека тоа може да значи дека сезоната е завршена.
Нерес ќе пропушти најмалку четири првенствени натпревари, а до крајот на Серија А остануваат уште пет кола.
Тој дојде во Наполи минатото лето и беше замена за Хвича Кварацхелија, кој во јануари се пресели во Пари Сен Жермен.
Бразилецот оваа сезона одигра 25 натпревари во Серија А и постигна два гола.
На пет кола д крајот на сезоната, Наполи со 71 бод го дели првото место со бранителот на титулата Интер.