Американецот Рајан Краузер, со олимписки рекорд, го освои златниот медал во фрлање ѓуле.

Краузер имаше фантастичен настап во финалето. Во првата серија постави нов олимписки рекорд, 22.83 метри, а во втората серија го подобри рекордот на 22.93 метри. Најдоброто во финалето, тој го остави за последната серија, кога го фрли ѓулето на далечина од 23.30 метри.

Ова е вториот најдобар резултат на сите времиња.

Неговиот сонародник, Џо Ковач, заврши на второто место. И тој, во две серии фрли подалеку од олимпискиот рекорд во Рио Де Жанеиро. Фрлањето од 22.65 метри му го донесе сребрениот медал.

Финалето на третото место го заврши Томас Волш од Нов Зеланд.

Ханс Паркмент од Јамајка победи во трката на 110 метри со пречки, на Олимписките игри во Токио. Атлетичарот од Јамајка до најсјаното одличје дојде во конкуренција на големиот фаворит, Грент Холовеј од САД.

Паркемт трката ја заврши со време 13.04 секунди. Холовеј, направи грешка, меѓу претпоследната и последната пречка и мораше да се задоволи со сребрениот медал.

Американецот во целта имаше време 13.09 секунди, за една стотинка беше побрз од вториот атлетичар од Јамајка, Роналд Леви, кој го освои бронзениот медал.

Македонската каратистка Пуликсенија Јовановска не успеа да ја мине првата фаза во натпреварот во кати, на карате турнирот, на Олимписките игри.

Јовановска оствари резултати 23,8 и 24 поени (просечна оценка 23,9), што беше доволно за деветто место од вкупно десет каратистки кои се натпреваруваа во оваа дисциплина.

Македонската претставничка беше последна во својата група, а најдобар резултат оствари Сандра Санчез од Шпанија (27,86).