Лошата сезона за Јувентус стана уште полоша, откако Милан успеа да стигне до импресивна 3:0 победа сред Торино за да ги намали шансите на „бјанконерите“ за пласман во Лигата на шампионите.

Шокот за Јуве го најави Брахим Дијаз со прекрасен гол во финишот на првото полувреме, а „росонерите“ имаа шанса да зголемат на 0:2 во 58. минута кога беше досуден пенал по играњето со рака во шестнаесетникот на Џорџо Кјелини.

Златан Ибрахимовиќ реши да му го препушти пеналот на Френк Кеси, кој се „изглупира“ и ја упати топката директно во рацете на Војчех Шчесни. Ибрахимовиќ во 66. минута доби нова повреда, која може да го оддалечи од Европското првенство, но потоа мечот го реши неговата замена, Анте Ребиќ со гол во 78. минута. Фикајо Томори само стави сол на раната на „бјанконерите“ во 82. минута од мечот.

Со овој резултат, на само три кола пред крајот на шампионатот, Милан се трети со 72 поени, исто како и третопласираната Аталанта, Наполи се трети со 70, додека Јуве остануваат на петтото место (кое води во Лига Европа) со 69 поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-32523”));

Севилја беше на чекор до фантастична 2:1 победа на гостувањето кај Реал Мадрид, пред толку критикуваниот Еден Азар во 94. минута да постигне гол за 2:2 реми и за ново компликување во борбата за титулата во Ла лига, со кое Атлетико Мадрид остануваат главни фаворити на три кола пред крајот.

Бразилецот Фернандо им донесе водство на гостите во 22. минута од мечот по одличната асистенција на Иван Ракитиќ, но „кралевите“ успеаја да израмнат преку Марко Асенсио во 67. минута. Сепак, тимот на поранешниот тренер на Реал, Хулен Лопетеги, пак дојде во водство во 78. минута со гол од пенал на Ракитиќ, пред Азар во 94. минута да извлече реми за тимот на Зинедин Зидан.

Овој резултат значи дека на три кола табелата во Шпанија е супер-интересна – Атлетико имаат 77, Реал се втори со 75 поени, колку што има и Барса на третото место, а Севилја остануваат четврти, сега со 71 поен.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-32501”));

Александер Зверев покажа дека на него мора да се смета како на еден од фаворитите за Ролан Гарос, откако по тешка битка со 6:7(8)/6:4/6:3 го совлада Италијанецот Матео Беретини за да ја освои својата втора титула од Мадрид опен и четврта Мастерс 100 круна.

Зверев, кој на патот до финалето ги победи специјалистите за игра на земја, Рафа Надал и Доминик Тим, го загуби првиот сет на турнирот од Беретини, но успеа да се врати за негова прва титула на земја од 2009 година.

Беретини го играше своето прво Мастерс 1000 финале, откако го доби тај-брејкот во првиот сет со 8:6, но Зверев направи еден брејк во вториот сет за да примора одлучувачки сет. Италијанецот имаше брејк топка на 2:2 во последниот сет, но потоа загуби сервис и Зверев ја запечати победата по 2 часа и 40 минути игра.

За Зверев сега следува Италијанскиот опен во Рим, пред да се обиде да стигне до првата гренд слем титула во Париз, каде што претходно го нема минато четврт-финалето.

SASCHA’S HOUSE 🏆

The moment @AlexZverev captured his fourth Masters 1000 title – his second in Madrid!#MMOpen pic.twitter.com/mxr15lyymZ

— Tennis TV (@TennisTV) May 9, 2021