Спорт
Барди бара нов клуб, Трабзон го стави на трансфер-листата

Фудбалскиот клуб Трабзон во зимскиот преоден рок планира да направи реконструкција на тимот. Старо-новиот тренер Абдула Авчи на трансфер листата стави шестмина фудбалери, еден од ние е и македонскиот репрезентативец Енис Барди.
Пред неколку недели, германските медиуми пишуваа дека Унион Берлин, на чија клупа сега седи екс-тренерот на Трабзон, Ненад Бјелица, сака да го донесе Барди во своите редови.
Покрај Барди на траснфер листата се најдоа и Филип Бенковиќ, Жоакин Фернандез, Умут Бозок, Димитриос Курбелис и Јенс Стригер Ларсен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Руни проговори за проблемите со алкохолот: Сопругата ме спаси

Легендарниот англиски фудбалер Вејн Руни призна дека имал проблем со алкохолизам.
Руни со години беше кошмар за противничките дефанзивци и голамни во дресот на Манчестер јунајтед, Во подкаст со поранешниот соиграч Рио Фердинанд, тој призна дека долго време се борел со голем проблем.
„Ставав капки за очи и џвакав мастика пред тренинг за да не се забележи. Знаев дека ќе пијам без престан два дена, а потоа ќе доаѓам на натпревар и ќе постигнувам голови. После тоа, повторно ќе продолжам да пијам“, рече Руни и додаде:
„Не сакав да ги оптоварувам другите. Мислев дека можам сам да се справам со тоа, но не можев. Бев во сериозна неволја.“
Неговата сопруга Колин, со која е во врска уште од тинејџерските денови, го извлкла од пробелемите со алкохолот.
„Колин ме познава подобро од кој било друг. Од 17-годишна возраст, таа може да види кога не сум во вистинската насока и секогаш знаеше како да ме запре. Таа ме држеше под контрола. Во некои моменти се прашував зошто постојано ми велеше „немој да го правиш ова, немој да го правиш она“, но денес знам дека таа ми го спаси животот. Искрено верувам дека без неа немаше да бидам жив“, искрено се присети Руни и подвлече:
„Моите грешки се добро познати на јавноста, но дваесет години таа е таа што ме враќа на вистинскиот пат. Без неа, одамна ќе залутав.“
Спорт
Даниела Алексовска повторно ќе ја претставува Македонија на Светското ММА Првенство во Грузија

Само две недели по спектакуларната победа со армбар во првата рунда на “ARMMADA” 14 во Скопје, Алексовска повторно влегува во кафезот – овој пат на највисокото светско ниво: Светското ММА Првенство во Тбилиси, Грузија, од 27 септември до 2 октомври.
Таа ќе се натпреварува во категоријата до 52.2 кг, каде моментално е рангирана 3-та во светот, благодарение на златниот медал кој го освои на Европското првенство годинава.
Ова ќе биде нејзино второ учество на Светско првенство – минатата година во Узбекистан, каде успеа да се избори до бронзен медал.
Во својата група, Даниела ќе се соочи со ривали од Украина, Казахстан, Мексико и Азербејџан.
Заедно со својот тим „The Strongest Скопје“, како и Ивица Алексовски, претседател на Македонската ММА Федерација, и Стефан Пецевски, главен тренер, кои ќе бидат заедно со неа во Грузија, Даниела е решена да ја донесе златната медала во Македонија!
Спорт
УЕФА не е за натпревари надвор од Европа, испрати заканувачко писмо до сите членки

Натпреварот од италијанската Серија А помеѓу Милан и Комо ќе се игра во Австралија, бидејќи стадионот „Сан Сиро“ ќе биде зафатен поради отворањето на Зимските олимписки игри во 2026 година, а натпреварот од шпанската Ла Лига помеѓу Барселона и Виљареал ќе се игра во Мајами.
Првиот човек на европскиот фудбал, Александар Чеферин, зборуваше за оваа тема пред повеќе од еден месец, а сега реши да го изнесе својот став во официјална форма.
Како што објавија светските медиуми, Европската фудбалска унија е решена да се спротивстави на трендот на играње натпревари од националните првенства надвор од границите на земјата, поради што одлучи да заземе цврст став.
Имено, германскиот „Билд“ носи информација дека УЕФА напишала писмо и го испратила на адресата на сите 55 фудбалски асоцијации што работат под нејзин покровителство и ги предупредила повеќе да не прават такви работи. Или попрецизно – да не превземаат ништо без претходна консултација со УЕФА.
„Ова е комплексно прашање кое може да има далекусежни последици и не се однесува само на споменатите асоцијации. Со оглед на чувствителноста на ова прашање, ве молиме не закажувајте вакви натпревари без претходна консултација со УЕФА“, се вели, меѓу другото, во писмото на УЕФА.
Медиумите понатаму наведуваат дека ова прашање ќе биде подетално разгледано на следниот Извршен комитет на УЕФА, кој ќе се одржи на крајот од годината.
Фото/ Принтскрин