Ерлинг Халанд одговори на бројните шпекулации кои го поврзуваат со супер-богат трансфер во Челси од 175 милиони евра, откако Норвежанецот призна дека тоа се „многу пари“.

Младиот ас на Борусија Дортмунд останува еден од најпосакуваните таленти во светскиот фудбал, откако постигна 57 гола во 59 настапи за германскиот клуб, и шпекулациите велат дека Томас Тухел и Челси се први по неговиот потпис и покрај интересот на двата клуба од Манчестер. Халанд вели дека не се сретнал со својот агент Мино Рајола и дека се работи за обични шпекулации.

„Не сум зборувал со мојот агент цел месец, и мислам дека тоа е доволен разговор. Мислам дека се работи за обична шпекулација и дека тоа се многу пари за еден фудбалер. Прво имам уште три години од договорот и уживам тука“, изјави Халанд.

Дортмунд веќе го одобрија трансферот од 73 милиони фунти на Џејдон Санчо во Манчестер јунајтед, и се верува дека не се подготвени да го пуштат и 21-годишниот Халанд ова лето, иако сумата од 175 милиони евра секако е примамлива.

Женската репрезентација на Русија во гимнастика го освои златниот медал на Олимписките игри во Токио. Русинките победија пред САД и Велика Британија.

Русија во состав: Ахимова, Листунова, Мелиникова и Уразова освои 169.528 поени. Американките, без најдобрата гимнастичарка во историјата, Симон Бајлс, стигнаа само до сребрениот медал со 166.096 поени.

Бајлс се повреди на загревањето, а се повлече по првата ротација.

Зад Британските завршија Италијанките, Јапонките, Французинките, Кинеските и Белгијките.

Дејан Георгиевски го освои сребрениот медал во таеквондо, во категоријата над 80 килограми. Герогиевски се запиша во историјата на македонскиот спорт. Среброто на Георгиевски е најголемиот успех на Македонија на олимписки игри.

Дејан Георгиевски во финалет загуби од најголемиот фаворит, Русинот Владимир Ларин со 9:15. Првата рунда му припадна на Ларин со 2:0, втората беше израмнета 7:7, а во третата Русинот беше повторно подобра со 6:2.

На патот до финалето, Георгиевски најпрвин го победи светскиот првак, Рафаел Алба Кастиљо со 11:8, потоа во второто коло со 9:4 беше поуспешен од СејдуГбане од Брегот на Слоновата коска, а за пласман во финалето убедливо со 12:6 славеше над Ин Кјо Дон од Јужна Кореја.

Противниците кои Георгиевски ги победи на патот до финалето, Кубанцот Кастиљо и Кореецот Ин ги освоија бронзените медали во оваа конкуренција.