Спорт
Барела, Манчини, Берарди… „Половина“ играчи од Серија А вмешани во аферата
Скандалот со нелегалното обложување во Италија добива нови димензии. Според медиумите на Апенсинскиот полуостров, под истрага се 20 фудбалери и претседателот на Лече, Севери Стики Дамјани.
Засега тројца фудбалери беа на распит, станува збор за Николо Фаџоли од Јувентус, односно репрезентативците Николо Заниоло и Сандро Тонали.
Листа на играчи за кои медиумите тврдат дека се поврзани со нелегално обложување:
Јувентус
Николо Фаџоли
Федерико Гати
Леонардо Бонучи (Унион Берлин)
Милан
Сандро Тонали (Њукасл)
Алесандро Флоренци
Ромите
Николо Заниоло (Астон Вила)
Никола Залевски
Џанлука Манчини
Лацио
Николо Ровеља
Алесио Ромањоли
Матијас Закањи
Мануел Лазари
Лука Пелегрини
Интер
Николо Барела
Давиде Фратези
Раул Беланова
Кремонезе
Феликс Афена Џан
Лука Занимакија
Сасуоло
Доменико Берарди
Лече
Антонино Гало
Додека медиумите во Италија продолжуваат да шпекулираат за тоа кој и во чие име платил сериозни суми на пари, обложувајќи се главно на натпревари од Серија А, клопчето полека се расплетува и, судејќи според последните информации од Апенините, води дури и до сопствениците или претседатели на клубовите.
Една работа паѓа во очи, а тоа е дека на списокот осомничени за нелегално коцкање се италијански фудбалери, а повеќето од нив биле репрезентативци. Сите се соочуваат со повеќегодишна суспензија.
Фудбалерот на Јувентус, Фаџоли, наводно должи 70.000 евра на нелегална „кладилница“.
Поранешниот фудбалер на Рома, Заниоло, би можел да настрада многу повеќе од другите, бидејќи како играч на римскиот клуб типувал на натпреварите на кои настапувал.
Медиумите веќе шпекулираат дека Астон Вила нема да го откупи договорот на Заниоло, иако тој како играч покажа дека е класа и дека може да игра вво Премиер лигата, додека Англичаните на големо шпекулираат дали Њукасл има право да го тужи скапо платеното засилување од Милан, Тонали, доколку се докаже дека бил дел од оваа организирана група спортисти „навлечени“ на обложување.
Навивачите се зачудени бидејќи им е јасно дека се работи за фудбалери кои во најголем дел заработуваат огромни суми и не треба да размислуваат за егзистенцијата, а сепак својата кариера и чест ја доведуваат во прашање не само со обложување, туку и соу споделување информации за тоа со колегите од репрезентацијата и ривалите од другите клубови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
МВП на Евролигата во Милвоки, Јанис нема да ги напушти Бакс
Јанис Адетокумбо, како шо сега стојат работите ќе остане во Милвоки најмалку до крајот на сезоната.
Според новинарот на „ESPN“, Шамс Чаранија, Кол Ентони и Амир Кофи се селат во Феникс, додека Ник Ричардс и Најџел Хејс-Дејвис ќе ги продолжат своите кариери во Милвоки.
Со овој потег, Бакс дополнително ја зајакнуваат ротацијата под кошот, со оглед на тоа што Ричардс носи физичко присуство и дефанзивна стабилност на центарската позиција, додека Хејс-Дејвис е играч кој може да придонесе енергија и ширина на ротацијата на крилата.
Од друга страна, Санс добиваат дополнителна длабочина во надворешната линија. Кол Ентони треба да преземе позначајна улога во организацијата на играта, како „бек-ап“ плејмејкер, додека Амир Кофи носи дефанзивна флексибилност и можност за покривање на повеќе позиции.
Официјална потврда за размената се очекува наскоро, откако двата тима ќе ги завршат сите административни детали.
Foto/ EPA
Спорт
Баерн го задржа Серж Гнабри
Фудбалерот на Баерн, Серж Гнабри, го продолжи договорот со клубот од Минхен до 30 јуни 2028 година, објави најтрофејниот германски клуб.
Во соопштението не се наведени финансиски детали за договорот.
„Воодушевен сум што ќе можам да играм за Баерн уште неколку години. Причините за продолжување на договорот се тимот, тренерите, целиот клуб, навивачите, градот, околината… Се чувствувам многу удобно во Баерн“, рече Гнабри, објави веб-страницата на клубот.
Гнабри (30) пристигна во Баерн во 2017 година од Вердер Бремен. Тој одигра 311 натпревари за клубот од Минхен и постигна 100 гола, а освои 15 трофеи со Баерн.
Foto/ depositphotos
Спорт
Четворица се враќаат, но Реал ќе биде сериозно ослабен во Валенсија
Во недела, Реал Мадрид ќе игра без Винисиус Жуниор и Џуд Белингам на гостувањето кај Валенсија во 23-то коло од шпанската Ла Лига.
Винисиус го пропушта натпреварот поради пет жолти картони, додека Белингам нема да игра поради повреда на тетивата. Не е прецизиран датум за неговото враќање, но се очекува да отсуствува до шест недели.
Реал Мадрид има шест победи по ред во првенството, но сепак е втор на табелата со 54 бода, еден помалку од лидерот Барселона.
Добри вести за тренерот Арвало Арбелоа е дека за место во тимот ќе конкурираат: Трент Александар-Арнолд, Антонио Ридигер, Дани Карвахал и Ферланд Менди.
Foto/ depositphotos

