Спорт
Барем на ракометниот клуб му оди! Лазаров и Нант без шанса против ПСЖ
Пари Сен-Жермен под водство на поранешниот македонски селектор Раул Гонзалес стигна до импресивна 34:29 победа над Нант во дербито на француската Лидл старлига за да направат уште еден чекор кон титулата.
Додека фудбалскиот клуб ПСЖ уште ги „лиже раните“ по елиминацијата од Лигата на шампионите, на ракометниот ПСЖ му оди како „подмачкано“ – тие газат и во ЕХФ Лигата на шампионите и во францускиот шампионат. Триумфот над Нант беше 16-ти во 17 кола, и досега клубот има одиграно само едно реми, останувајќи четири поени пред второпласираниот Монпелје и сега пет пред Нант.
Против Нант, Хрватот Лука Степанчиќ беше најефикасен со девет постигнати голови, шест додаде Уве Генсхајмер, а по пет имаа Микел Хансен и Сандер Сагосен, покажувајќи го блескавиот квалитет на клубот. Лазаров заедно со Оливие Њокас беше најефикасен за Нант со пет постигнати голови.
? C'est terminé à Coubertin !
Face à un PSG une nouvelle fois très costaud ce soir, les Violets ont subi l'efficacité de la base arrière parisienne et s'inclinent sur le score final de 34-29.
Bravo au @psghand !#PSGHBCN pic.twitter.com/iTfGcpSBSb
— HBCNantes (@HBCNantes) March 7, 2019
52′: pour fêter le 14ème arrêts de @Thierry_Omeyer on vous a fait un petit medley de ses célébrations du soir ! 33-23 #PSGHBCN pic.twitter.com/svTFwXwqjM
— PSG Handball (@psghand) March 7, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Манчестер сити го декласира Ипсвич
Фудбалерите на Манчестер сити го совладаа Ипсвич со 6:0 на гости во 22. коло од Премиер лигата и се вратија меѓу првите четири екипи на табелата.
Сити се враќа во препознатливата форма, мечот со Ипсвич беше јасен показател дека тимот на Гвардиола повторно личи на себе.
Ипсвич денеска немаше ниту една шанса.
Три асистенции подели Кевин Де Брујне, два гола постигна Фил Фоден, а блеска на теренот Матео Ковачиќ и Џереми Доку.
Фоден е во добра серија во последните неколку натпревари, постигна пет гола на три меча (Вест Хем, Брентфорд, Ипсвич).
Сити ги реши сите сомнежи за победникот, доколку ги има, во првото полувреме со двата гола на Фоден и голот на Ковачиќ, во интервал од само 15 минути.
Во второто полувреме по гол постигнаа Доку, Халанд и Мекати.
Спорт
Аморим: Ние сме најлошиот тим во историјата на клубот
Фудбалерите на Манчестер јунајтед го претрпеа 10. пораз во 22. коло од англиската Премиер лига. Јунајтед загуби од Брајтон со 3:1 на „Олд Трафорд“. Тоа беше трета последователна победа за Брајтон во сите натпреварувања и осми натпревар во низа без пораз, додека Јунајтед го победи само последнопласираниот Саутемптон во последните шест кола.
Манчестер јунајтед загуби три од поеследните четири натпревари на домашен терен. На последните шест натпревари во лигата има само една победа.
Тренерот на Манчестер јунајтед, Рубен Аморим беше разочаран од нов пораз.
„Од 10 натпревари во Премиер лигата победивме два. Замислете што значи ова за навивачите. Замислете како јас се чувствувам. Значи, дојде нов тренер кој губи повеќе од претходниот тренер. Целосно сум свесен од тоа“, започна Португалецот.
„Како што кажав, нема да се променам, без разлика на се. Знам дека можеме, но треба да го преживееме овој момент. Не сум наивен и знам дека сега треба да преживееме. Ние сме можеби најлошиот тим во историјата на Манчестер јунајтед. Знам дека сакате титули, но јас го велам ова затоа што мораме да се промениме. Еве ви ова е за вашите насловни страници“, заврши Аморим.
Спорт
Македонија ја победи Гвинеја, носи еден бод во главната фаза
Фото/ facebook.com/rfmofficial
Македонија не импресионира со играта но ја опрвада фавористската улога и ја совлада Гвинеја со 29:20 (14:10). Македонија избори пласман во главната фаза, во дуелите со Франција, Катар и Австрија ќе влезе со еден бод.
Македонија се мачеше со објективно полабиот противник во првите 20 минути. Првиот гол Македонија го постигна во четвртата минута, до 20.минута момците на лазаров делуваа конфузно во нападот, лесно продава топки и промашуваа зицери и по 20 минути игра резултатот беше 7:7.
Благодарение на голманот Кузиќ кој врза четири одбрани Македонија се одлепи на 13:8 и тука практично го реши натпреварот.
Добриот старт на вториот дел и овозможи комотна предност на Македонија, но победа со поголема разлика не дозоволи голманот на Гвинеја, Пјер, кој беше најдобар во неговата селекција со 16 одбрани.
Македонија ја предводеа капитенот Кузмановски со 12 голови (вкупни 31 досега на турнирот) и голманот Кизиќ со 15 интервенции.