Спорт
Барса фуриозно во Берлин, Ефес се намачи со Макаби
Барселона со фантастични 103:67 победи на гостувањето кај Алба Берлин во седмото коло од Евролигата за да го подобри скорот на 6-1 и во исто време да им го нанесе четвртиот пораз на германскиот тим.
Момците на Шарунас Јасикевичиус имаа неверојатно прво полувреме во кое уфрлија 56 поени и имаа 20 поени предност, која ја зголемија на +36 до крајот на мечот. Никола Миротиќ уфрли 18 поени, Абринес додаде 17, а Шмитс 13, додека кај Берлин, Симоне Фонтекио беше најефикасен со 17 поени.
Анадолу Ефес пак, се намачија за да стигнат до 91:89 победа над Макаби Тел Авив во интересен меч. Ефес отворија со низа од 11:0, но на полувреме Макаби имаше поен предност 49:50. Израелскиот тим поведе на стартот на третата четвртина, по што се играше кош-за-кош, пред Вилбекин со две тројки да го врати водството на Макаби. Плајс и Бубоа во драматичен финиш го вратија водството и ја осигураа победата на Ефес.
Бобуа имаше 23 поени за Едфес, Плајс додаде 20, додека кај Макаби, Брајант имаше 22, а Вилбекин 15 поени.
ЕВРОЛИГА, 7.КОЛО
Зенит Санкт Петерсбург – Олимпијакос 66:75 (20:19, 7:22, 16:17, 23:17)
Анадолу Ефес – Макаби Тел Авив 91:89 (22:24, 27:26, 18:22, 24:17)
Алба Берлин – Барселона 67:103 (18:30, 18:26, 15:23, 16:24)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Невозможно е да се добие пенал серија против Емилијано Матинез
Аргентинскиот голман Емилијано Мартинез можеби не е најдобар пример за новата генерација, но неговите голмански квалитети не можат да се оспорат.
Мартинез е „доктор за пенали“, а тоа уште еднаш го докажа во Лил, каде беше најзаслужен што неговата Астон Вила се пласираше во полуфиналето на Конференциската лига.
Мартинез беше пречекан од непријателска публика во Франција по се што се случи на Мундијалот во Катар, кога Аргентина во финалето на пенали ја победи Франција.
Натпреварот Лил-Астон Вила заврши со резултат 2:1, идентична понеда англискиот тим забележа на домапен терен, па откако и по дополнителните 30 минути немаше промена во резултатот, победникот го решија пеналите.
Мартинез тука повторно блескаше, ги одбрани пеналите на Бенталеб и Андре и го однесе својот тим понатаму во борбата за европскиот трофеј.
Тоа беше негова петта последовна пенал серија од која излезе како победник.
Мартинез во пенал рулетот:
Комјунити Шилд 2020 против Ливерпул ✅
Полуфинале на Копа Америка 2021 против Колумбија ✅
Четвртфинале на СП 2022 против Холандија ✅
Финале на Светското првенство 2022 против Франција ✅
Четвртфинале на Конференциската лига 2024 против Лил ✅
Спорт
Араухо нема коментар за критиките од Гундоган
Тензично е во Барселона по елиминацијата од ПСЖ во четвртфиналето на Лигата на шампионите. ПСЖ славеше во реваншот во Барселона со 4:1 и со вкупен резултат 6:4 влезе меѓу најдобрите четири екипи во елитното натпреварување. и покрај тоа што победи со 3:2 во Париз, а потоа поведе со 1:0 на домашен терен.
Клучниот момент во реваншот се случи во 29. минута кога Роналд Араухо доби црвен картон. Како последен играч во одбраната, направи фал врз Баркола.
Илкај Гундоган, еден од најискусните играчи на Барселона, по натпреварот го критикуваше Араухо.
„Во клучните моменти од играта, мора да бидете сигурни кога стартувате на топката. Јас би оставил ситуација еден на еден, би му дал шанса на голманот да спаси, или да примиме гол“, рече тој. .
Араухо одби да му одговори на Гундоган, беше краток во својот коментар.
„Претпочитам да ги задржам за себе она што го мислам за тој коментар. Имам одредени вредности кои мислам дека треба да се почитуваат“.
Освен што коментарот на Гундоган не му се допадна на Араухо, во негова одбрана застанаа и францускиот дефанзивец Жил Кунде и капитенот Серхи Роберто кои на социјалните мрежи порачаа дека „секогаш победуваат и губат како тим“.
Спорт
(Видео) Цолакис одбрани три пенали – Олимпијакос го елиминира Фенербахче
Познати се сите полуфиналисти во Конференциската лига. На Фиорентина, Астон Вила и Клуб Бриж им се приклучи Олимпијакос. Грците, по голема драма, успеаја да го минат Фенербахче по избедувањето пенали и за прв пат во својата историја да се пласираа во полуфинале во натпреварување одрганизирано од УЕФА.
Олимпијакос допатува на ревашот во Истанбул, против Фенербахче со предност од 3:2. Таа предност Фенер ја анулираше по само 11 минути игра, кога Кавечи погоди за 1:0.
Сепак до крајот на натпреварот немаше голови.
На крајот пенал серијата донсе невидена драма, од која како херој излезе голманот на Олимпијакос Цолакиз.
Цолакис ги одбрани ударите на Тадиќ, Ченгиз Ундер и Бонучи. Ел Араби не реализираше за Олимпијакос, исто како и Родинеи во последната серија, неговата топка по одбраната на Ливаковиќ удри во гредата и падна на гол линијата.
Олимпијакос во полуфиналето ќе игра против Астон Вила.