Спорт
Барса и Атлетико пред договор за трансферот на Гризман
Антоан Гризман е блиску до комплетирање на постојаниот трансфер од Барселона во Атлетико Мадрид, откако двата шпански гиганти се пред решавање на проблемот кој до неодамна значеше дека тренерот Диего Симеоне го пушташе Французинот во игра само во последните половина час.
Атлетико и Барса преговараат за менување на условите на договорот за позајмица, и според „Гол“, Атлетико ќе плати 20 милиони евра плус бонуси на крајот на сезоната, додека тој ќе добие кратење на платата за 25 отсто за Атлетико да остане во рамките на правилата за финансиски ферпеј во Ла лиг.
Гризман се врати во Атлетико на двегодишна позајмица во 2021 година, и во тој првичен договор имаше обврска за купување за 40 милиони евра доколку тој игра барем 45 минути во половина од мечевите на Атлетико во втората сезона од договорот (тоа е тековната 2022/23). Токму поради ова, минутите на Гризман оваа сезона беа ограничени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Саво Милошевиќ повеќе не е селектор на БиХ
Саво Милошевиќ повеќе не е селектор на Босна и Херцеговина, пишуваат медиумите во оваа земја.
Фудбалскиот сојуз на Босна и Херцеговина одлучи да не го продолжи договорот со Милошевиќ откако тој не успеа да ја одведе репрезентацијата на Европското првенство. Во дополнителните квалификации БиХ беше поразена од Украина.
Милошевиќ беше селектор од септември 2023 година.
Медиумите од БиХ наведуваат и дека 52-годишниот Сергеј Барбарез е најголем фаворит за испразнетото селекторски место.
Барбарез е легенда и поранешен капитен на Босна и Херцеговина, но нема тренерско искуство. И покрај тоа, тој со години е голема желба на навивачите на БиХ, а во стручниот штаб треба да му се придружи Емир Спахиќ, уште еден поранешен капитен на репрезентацијата.
Барбарез за репрезентацијата на Босна и Херцеговина играше од 1998 до 2006 година и во тој период забележа 47 настапи и постигна 17 голови.
Од моментот кога го напушти Вележ во 1991 година, целата кариера ја помина во Германија, каде што играше за Хановер, Унион Берлин, Ханза Росток, Борусија Дортмунд, ХСВ и Баер Леверкузен.
Спорт
Клоп од 2025 година ќе ја предводи Германија
Јирген Клоп од 2025 година ќе биде селектор на фудбалската репрезентација на Германија. Еден од најдобрите тренери на денешницата, пред два месеци објави дека му треба долг одмор и дека поради тоа ќе го напушти Ливерпул по завршувањето на сезоната.
Германија на Европското првенство на домашен терен ќе ја предводи Јулијан Нагелсман. Младиот тренер, според медиумите националниот тим ќе го предводи на ЕУРо 2024, а потоа ќе се врати во Баерн Минхен.
Германскиот фудбалски сојуз нема да брза со изборот на новиот селектор, бидејќи квалификациите за Светското првенство започнуваат во март 2025 година.
Спорт
Поради лошата форма, Рашфорд нема да оди во Германија
Напаѓачот на Манчестер јунајтед, Маркус Рашфорд, поради лошата форма би можел да го пропушто Европско првенство во Германија. „Мирор“, пишува дека Рашфорд добил предупредување од селекторот Герет Саутгејт. Англија, во овој момент има врвен талент во нападот, поради што евентуалното отсуство на рашфорд нема да влијае врз нивните амбиции.
„На Маркус Рашфорд му беше кажано дека неговото место во репрезентацијата за Европското првенство е сериозно загрозено. Причината се бројните опции со кои во моментов располага Герет Саутгејт“, пишува „Мирор“.
Рашфорд, од почетокот на сезоната се вклопи во сивилото во кое се наоѓа Манчестер јунајтед. .
26-годишниот напаѓач, на 39 натпревари има скромен учинок од осум гола и пет асистенции. на Јунајтед игра навистина слабо.
Се чени дека од играчите кои играат во нападот сигурни патници на ЕУРо 2024 се: Хари Кејн, Фил Фоден, Кол Палмер, Оли Воткинс, Букајо Сака, Џуд Белингем…
Подобра сезона од Рашфорд имаат и Џерод Бовен (Вест Хем), Еберечи Езе (Кристал Палас), а на повикот од селекторот се надеваат тука се и Ајван Тони (Брентфорд) и Ентони Гордон (Њукасл).
Маркус Рашфорд го имаше своето деби за Англија во 2016 година. Тој одигра вкупно 60 натпревари и постигна 17 голови.