Спорт
Барса и Јунајтед се договориле, ама Френки де Јонг не сака на „Олд Трафорд“
Барселона и Манчестер Јунајтед се блиску до договор за трансфер на Френки де Јонг на „Олд Трафорд“, но фудбалерот и понатаму одбива да го напушти својот сегашен тим. Холанѓанецот е решен да остане во Барса и во моментов нема намера да ја промени својата одлука. Играчот веќе ги известил двата клуба за својата позиција.
Барселона и Манчестер Јунајтед сигурно ќе продолжат да се обидуваат да го убедат Де Јонг да се пресели на „Олд Трафорд“. Менаџерот на „црвените ѓаволи“, Ерик тен Хаг, веќе разговараше со одличниот играч за врска, кого одлично го познава, но и покрај неговите ветувања дека ќе биде еден од главните актери во проектот, тоа се уште нема резултат.
Дополнително, според договорот на Де Јонг, неговата плата би требало значително да се зголеми за неговата четврта сезона на „Камп Ноу“. Барселона не може да си го дозволи тоа, а доколку Френки де Јонг и понатаму остане непоколеблив во желбата да продолжи да го носи дресот на Барселона, ќе мора да се согласи на ревидирање на платата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Успешен старт на Вардар во Лига Европа, убедлив триумф над Валур
Ракометарите на Вардар по пауза од две години пауза се вратија на европската сцена. Во првиот натпревар во Лига Европа Вардар го победи актуелниот освојувач на ЕХФ купот, Валур со 33:26.
Црвено-црните сите дилеми околу победникот ги решија уште во таната фаза д првото полувреме. На полувреме имаа водство 19:11. Воо вториот дел рутински ја одржуваа предноста.
На овој натпревар блескаа голманите, Фереира забележа 14, а голманот на Валург, Густавсон 15 одбраби.
Стрелците кај Вардар ги предводеа Борозан и Срдановиќ со по шест гола.
Вардар во второто коло ќе му гостува на Мелсунген. Германскиот тим вечерва победи во Порот со 29:24.
Спорт
Агуеро ја тужеше Барселона, барајќи три милиони евра
Каталонците мака мачат со финансиите, а сега добија и тужба од поранешен фудбалер на Блауграна.
Како што пренесуваат шпанските медиуми, поранешниот напаѓач на Барселона, Серхио Агуеро, поднел тужба против каталонскиот клуб поради неисплатени плати во износ од три милиони евра.
Аргентинскиот напаѓач се пресели во Барселона во мај 2021 година, но мораше да ја заврши кариерата во декември истата година, откако му беше дијагностицирана срцева болест.
Како што пренесува АС Мадрид, Барселона требало да му исплати на Агуеро плата за првата година од договорот за осигурување, но осигурителната компанија одбила да му плати на фудбалерот со образложение дека тој имал проблеми со срцето уште од детството. Сепак, Аргентинецот смета дека Каталонците му должат три милиони евра обештетување за раскинувањето на договорот и поднесе тужба против клубот.
Агуеро пристигна на Ноу Камп во мај 2021 година, но одигра само пет натпревари на кои постигна еден гол (против Реал Мадрид).
Серхио Кун Агуеро во својата богата кариера настапуваше за Атлетико Мадрид, Манчестер Сити и Барселона. Дресот на репрезентацијата на Аргентина го носеше 101 пат и постигна 41 гол.
Спорт
Раководството (засега) го поддржува Фонсека, ги критикува играчите
Настаните во Милано и понатаму се централна тема во италијанските медиуми, особено во светло на неверојатните сцени во Фиренца на натпреварот против Фиорентина. Тие настани ја обновија дебатата за статусот на тренерот Пауло Фонсека.
Токму кога Милан врза три победи во Серија А и навидум влезе во трката за врвот, се случи Фиренца. Пораз со два промашени пенали, не го остави рамнодушна ниту секогаш прбраниот Фонсека.
Тренерот им се налути на Тео Ернандез и Тами Ејбрахам што ја преземаа „одговорноста“ иако Кристијан Пулишиќ е првиот избор на Португалецот.
Под критики е и Фикајо Томори бидејќи кога беше доседен вториот пенал, тој ја зеде топката и му ја деде на Ејбрахам.
Кога на тоа ќе се додадат сцените од Рим од неодамнешното гостување кај Лацио, кога Рафаел Леао и Тео Ернандез се тргнаа на страна кога тренерот делеше совети, јасно е дека тренерот нема многу авторитет меѓу играчите. Барем не меѓу најголемите ѕвезди.
Тоа го препозна и управниот одбор кој го критикува и го осудува односот на играчите. И засега му даваат целосна поддршка на тренерот, иако резултатите не се најдобри.