Реал Мадрид ја победи Пачука со 3:1 на клупскиот Мундјал. Натпреварот мина во сенка на жестокиот инцидент меѓу Антонио Ридигер и капитенот на Пачука, Густаво Кабрал.

Ггерманскиот дефанзивец пријавил кај судијата Рамон Абати Абел дека бил цел на расистички навреди.

Судијата потоа, за прв пат во вакво натпреварување, ги прекрсти рацете пред градите, сигнализирајќи активирање на посебен протокол на ФИФА против расизмот.

Сè започна во првото полувреме кога Кабрал, според тврдењата од Реал, го удрил Ридигер, што германскиот дефанзивец не го заборавил. Нивниот судир продолжи вербално, при што Ридигер, потврдија клупски извори, приговорил на расистичките навреди на Кабрал во кои беа вклучени термини како „црнец“ и „мајмун“.

На пат кон соблекувалните, Кабрал наводно додал: „Ти си го.но…“, на што Ридигер одговорил: „Не би ми го кажал тоа внатре, ајде, да влеземе ако се осмелуваш“.

Вербалната комуникација можеше дополнително да ескалира доколку играчите и членовите на тренерските штабови не реагираа, успеаја да спречат поголем инцидент.

⚠️ ¿RACISMO EN EL MUNDIAL DE CLUBES?

✖️ Antonio Rudiger, defensor de Real Madrid, acusó insultos racistas por parte del argentino Gustavo Cabral y se activó el protocolo: el incidente será investigado por la FIFA.

🗣️ El futbolista de Pachuca se defendió y dio su versión del… pic.twitter.com/M2XC8HeoPP

— El Gráfico (@elgraficoweb) June 22, 2025

Фудбалерот на Реал Мадрид, Џуд Белингем, ќе го попушти почетокот на новата сезона. Англискиот репрезентативец ќе оди на операција на рамото.

Според шпанските медиуми, Белингем ја закажал операцијата една недела по финалниот натпревар од Светското клупско првенство, за секој случај, доколку Реал се пласира во финалето.

Според неофицијални информации, по операцијата, Белингем ќе се рехабилитира до октомври, поради што ќе ги пропушти натпреварите на Реал Мадрид, како и репрезентацијата на Англија во квалификациите за Светското првенство.

„Дојдов до точка каде што болката не е толку неподнослива. Губам тежина бидејќи се потам прекумерно и затоа ќе морам да се оперирам по Светското клупско првенство. Долго чекав на оваа процедура и полека губам трпение, но лекарите и физиотерапевтите одлично си ја вршат работата. Само сакам повторно да се чувствувам слободно на теренот“, изјави Белингам за медиумите по победата над Пачука (3:1).

Неочекуван клуб влезе во трка за потписот на Душан Влаховиќ. Српскиот напаѓач со голема веројатност ќе го напушти Јувентус во преодниот рок. Тој влегува во последната година од договорот, а ги одби понудите, за помала плата да потпише нов договор.

Интерес за Влаховиќ, покрај неколку европски клубови, покажа и бразилски Фламенго.

Спортскиот директор на овој клуб, Хозе Бото, зборуваше за српскиот напаѓач и шансите за негово ангажирање.

„За она што ни треба, би размислувал за Влаховиќ. Нашиот проблем не би биле парите, туку убедувањето на овие големи имиња да дојдат во Бразил. Во фудбалот, никогаш не вели никогаш“, рече Бото.

Влаховиќ досега одигра 144 натпревари за Јувентус, постигнува 58 гола и забележа 14 асистенции.