Спорт
Барса може без согласност да му ја намали платата на Де Јонг?

Барселона може да ја реши „сагата“ околу Френки де Јонг на едноставен начин со повикување на шпанските закони за вработување и да му ја намали платата без негова согласност, откако Холанѓанецот одбива да добива двојно помала плата или да замине во Манчестер јунајтед.
Де Јонг, слично како другите фудбалери на Барселона, веќе се согласи на едно намалувње на платата, а клубот му должи 17 милиони евра за неисплатени плати, но шпекулациите во Шпанија тврдат дека е потребно да се согласи на уште едно намалуваање за да можат да се регистрираат петте големи засилувања на тимот (Франк Кеси, Андреас Кристенсен, Рафињ, Роберт Левандовски и Жил Кунде).
Според „Мундо депортиво“ членот 41 од шпанскиот закон за вработувања дозволува компаниите да направат „значително менување на условите за вработување ако постојат докажани економски, технички, организациони или производствени причини“. Оваа мерка, во принцип, може да се однесува на цел тим и може уште повеќе да ја влоши ситуацијата.
Доколку клубот се реши на ваква радикална мерка, Де Јонг има три опции – или да ја прифати одлуката, да ја одбие и да бара легална правда или да ја одбие и да го раскине договорот и да добие компензација.
Претседателот на Барселона, Жоан Лапорта, потврди дека ќе разговара со Холанѓанецот кога тој ќе се врати од турнејата во САД.
„Френки е игрч на Барса. Сакаме да остане, тој сака да остане. Добивме значителни понуди за него, но тој е наш фудбалер. Ја знаете нашата ситуација околу буџетот за плати, така што ќе направиме што можеме да го заддржиме Френки во Барса. Се надевам дека и тој ќе го направи истото“, изјави Лапорта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Енис Барди пред трансфер во Трабзонспор

Македонскиот репрезентативец Енис Барди е во завршни преговори со турскиот шампион Трабзонспор, откриваат медиумите во Турција. Тој треба да биде едно од последните засилувања за тимот пред настапот во Лигата на шампионите, како и во битката за одбрана на шампионската титула.
Трабзонспор не успеа да го доведе Езгјан Алиоски, но можеби ќе има Македонец во тимот, Енис Барди.
Наводно, фудбалерот веќе ги договорил личните услови и треба да потпише тригодишен договор. Останува Трабзонспор и Леванте да ги договорат деталите за отштета и трансферот да се реализира.
Спорт
Црвена Звезда со нов триумф над Пјуник до плејоф за групите во ЛШ

Српскиот првак Црвена Звезда го совлада ерменскиот Пјуник и на реваншот со 0:2 и со вкупни 7:0 се пласира во плејоф за пласман во групите од ЛШ каде ќе се сретне со Макаби Хаифа.
Гејлор Канга во 44. минута донесе водство од пенал, откако претходно Александар Катаи не успеа да реализира од белата точка. Во вториот дел, Милан Павков во 60. минута со удар со глава го постави конечниот резултат.
Аполон Лимасол го совлада Макаби Хаифа со 2:0, но тоа беше недоволно со оглед дека израелскиот тим победи на првиот меч со 4:0.
Плзен го победи Шериф Тираспол со 2:1, а Жалгирис и Бодо/Глимт ремизираа 1:1.
Спорт
Мората е понуден на „Олд Трафорд“

Шпанскиот интернационалец Алваро Мората би можел да го засили Манчестер Јунајтед. Тој има договор со Атлетико Мадрид до крајот на јуни 2023 година, но ниту во престојната сезона нема да игра за составот на Диего Симеоне. Претходно беше позајмен во Јувентус, но сега Атлетико сака комплетно да го продаде.
Напаѓачот е понуден на „Олд Трафорд“, а „црвените ѓаволи“ бараат напаѓач. Претходно, Болоња ја одби понудата од Јунајтед за Марко Арнаутовиќ.
Мората изминатите две сезони играше како позајмен играч во Јувентус, но и „старата дама“ не сакаше да го откупи неговиот договор.