Спорт
Барса со слатка одмазда против Ефес во продолженија, Звезда го освои Санкт Петерсбург
По четири порази во низа, Барселона, конечно, го победи тимот на актуелниот шампион од Евролигата, Анадолу Ефес, триумфирајќи со 95:93 по продолжеијата во Истанбул во реприза на минатогодишниот меч за титулата.
Сертач Шанли имаше 24 поени во првиот меч против својот поранешен клуб по заминувањето за да биде лидер на Барселона, и беше одговорен за последниот поен на мечот, слободното фрлање, по што намерно го промаши второто. Барселона поведоа со 4 поени на 40 секунди пред крајот со тројката на Рокас Јокубаитис, но Ефес се врати со тројката на Адриен Мерман за 93:95, но немаше време за пресврт.
Василије Мициќ имаше 26 поени и 5 скока за Ефес, кои беа без Шејн Ларкин (14 поени) во продолжението откако тој направи пет лични грешки, а во бурниот финиш и тренерот Ергин Атаман доби две технички грешки.
Back to back threes from Sertac Sanli against his former team ?? pic.twitter.com/vQCuNxILXp
— The BasketHead (@theBasketHead2) December 3, 2021
Црвена звезда пак, стигна до импресивна 69:58 победа на гости кај Зенит Санкт Петерсбург, доминирајќи во целиот меч, посебно со својата одбрана. Звезда имаше 42:28 водство на полувреме, кое го зголеми на 20 поени (58:38) по паузата. Нејт Волтерс имаше 14 поени, Никола Калиниќ и Огњен Кузмиќ додадоа по 11 поени. Звезда сега има 5-8 скор, додека Зенит паднаа на 8-5.
ЕВРОЛИГА, 13.КОЛО
Уникс Казан – Олимпијакос 84:87 (20:17, 20:25, 22:17, 15:18, 7:10)
Анадолу Ефес – Барселона 93:95 (25:20, 22:17, 21:25, 12:18, 13:15)
Зенит Санкт Петерсбург – Црвена звезда 58:69 (16:23, 12:19, 12:16, 18:11)
Алба Берлин – Олимпија Милано 81:76 (19.15, 24:19, 24:22, 14:20)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ембид го прекрши ветувањето што му го дал на претседателот Макрон
Кошаркарот на Филаделфија, Џоел Ембид му ветил на францускиот претседател Емануел Макрон во 2021 година дека ќе игра за Франција. Три години подоцна го прекрши ветувањето.
Ембид, се ремисли и реши на олимписките игри во Париз да го носи дресот на Соединетите Американски Држави.
Ембид имаше можност да игра за Камерун, земјата во која е роден.
„РМЦ Спорт“ го објави писмото Ембид што му го испратиl на претседателот Макрон во 2021 година.
„Откако разговарав со луѓе од Француската кошаркарска федерација, донесов одлука. Сакам да преземам чекори за да станам „натурализиран“ играч и на тој начин да можам да бидам член на „триколорите“. Затоа не сакам да играм за која било друга репрезентација. Никогаш не сум ги носел боите на ниту една репрезентација. За мене би било голема чест да се приклучам на оваа француска репрезентација за да учествувам на следните големи натпреварувања, особено на Олимписките игри во 2024 година“, пишува меѓудугото во писмото на Ембид.
Joel Embiid a envoyé une lettre à Emmanuel Macron en 2021, dans laquelle il a promis de jouer pour l’équipe de France afin d’obtenir la nationalité française, selon @RMCsport.
Extrait de la lettre : « Mon choix est arrêté […] Je ne souhaite jouer pour aucune autre équipe… pic.twitter.com/mVLV7xrhkF
— Benjamin Moubèche (@BenjaminMoubech) April 18, 2024
Инаку, Ембид е на списокот од 12 играчи на САД кои ќе играат во Париз.
Во ростерот на Стив Кер се и Стеф Кари, Тајрис Халибартон, Џру Холидеј, Ентони Едвардс, Девин Букер, Кевин Дурант, Џејсон Тејтум, Ентони Дејвис, Леброн Џејмс, Каваи Ленард и Бем Адебајо.
Спорт
Имобиле ќе го напушти Лацио, замената доаѓа од Џенова
По осум години минати во клубот, капитенот на Лацио, Чиро Имобиле ќе го напушти „Олимпико“, на крајот од сезоната.
Имобиле четири пати беше најдобар стрелец во италијанската Серија А, 34-годишниот се смета за еден од најдобрите напаѓачи во историјата на клубот.
Иако договорот му истекува дури во летото 2026 година, најдобриот стрелец во клупската историја не е во плановите на новиот тренер Игор Тудор, кој веќе најде замена за него.
Како што пишува италијанска „Ла Република“, следното лето Лацио ќе тргне по центарфорот на Џенова, Матео Ретеги, италијанскиот репрезентативец, роден во Аргентина.
Ретеги има 24 години, а оваа сезона за Џенова постигна осум гола на 26 натпревари, а за селекцијата на „аѕурите“ одигра шест натпревари и постигна четири гола.
Џенова за трансферот на Ретеги ќе бара околу 25.000.000 евра.
Спорт
Себаљос заминува од Реал
Играчот од средниот ред на Реал Мадрид, Дани Себаљос (27) ќе го напушти клубот по завршувањето на сезоната. Шпанските и италијанските медиуми тврдат дека тој ќе се пресели во Милан.
Себаљос е член на Реал од 2017 година, а од 2019 до 2021 година беше на позајмица во Арсенал. Се шпекулираше и пред почетокот на минатата сезона дека ќе го напушти клубот, но реши да остане, убеден дека ќе добие шанса од Карло Анчелоти.
Она што го планираше не му се оствари, тековната сезона ј минува на клупата за резерви.
Поради тоа е подготвен да го напушти Мадрид, а според информациите Реал нема да се противи на трансферот, што покажува и обесштетувањето кое го бара за Себаљос, а кое изнесува 8.000.000 евра.
Шпанските и италијанските медиуми пренесуваат дека најголем интерес покажал Милан, а како потенцијални дестинации се споменуваат и Атлетико Мадрид, односно Бетис.