Спорт
Барса во економска криза, бара одложување на плаќањето на долговите

Според шпанскиот весник „Ел конфиденсијал“, Барселона побарале под повеќе големи банки да се репрограмира нивниот долг за да се избегне банкротирање на клубот
Барса побарала од банките „Голдман Сакс“, „Алијанц“, „Барингс“, „Амунди“ и „Пруденшл“ дозвола да не се исплатат околу 200 милиони евра од нивниот долг, бидејќи имаат негативен капитал од 600 милиони евра, плус дополнителни 100 милиони евра кај други доверители.
Ова доаѓа во ситуација кога изборите за нов претседател на клубот се одложени поради КОВИД-19, и откако пред сезоната 2019/20 беше најавено дека „Блауграна“ ќе стане првиот клуб кој заработил милијарда евра во една година, план уништен од пандемијата. „Марка“ тврди дека долгот на клубот се зголемил од 216 милиони евра на 487 милиони евра за една година (од јуни 2019 до јуни 2020).
Барса ги продаде Нелсон Семедо, Артур, Иван Ракитиќ и Марк Кукурелја во обид да ги намали трошоците за плати, но преодниот претседател Карлос Тускетс за каталонските медиуми призна дека не е исплатена платата за јануари, која обично се исплаќала предвреме. Тој исто така откри дека платите на фудбалерите се 70 отсто од целосниот буџет на клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Најубавиот гол во 2021 го даде англиски петтолигаш!

Елисах Сем е креатор на еден од најневеројатните голови во историјата на фудбалот, откако со два гола помогна неговиот клуб, англискиот петтолигаш Нотс каунти да стигне до 3:1 победа над Оксфорд сити во ФА Вејс натпреварувањето.
Во 73. минута, 23-годишниот белгискиот напаѓач, кој дојде во клубот минатата година го постигна својот втор гол на мечот, откако со неверојатна петица го лобуваше голманот. Нешто што не се гледа често, посебно во ниските лиги, дефинитивно!
Ако не биде вклучен во изборот за најубав гол на ФИФА, „Пушкаш наградата“ ќе биде неправда.
Buckle in for one of the most RIDICULOUS goals you'll ever see! 🤯 pic.twitter.com/kmmMj5tlb8
— Notts County FC (@Official_NCFC) February 27, 2021
Спорт
Тотална доминација – Канело го „здроби“ Јилдирим во три рунди

Мексиканската боксерска ѕвезда, Саул „Канело“ Алварез со стил ги одбрани двете титули во супер-средна категорија, „демонтирајќи“ го турскиот предизвикувач Авни Јилдирим во три рунди.
Канело (55-2-1, 37 КО), ги одбрани ВБЦ и ВБА титулите во оваа категорија, откако Јилдирим падна во третата рунда, а од неговиот агол го фрлија пешкирот и побараа прекин на мечот. Иако Јилдирим беше задолжителен предивикувач, тој немаше меч речиси две години и успеа да упати еден удар во првата рудна во споредба со 16 на Канело и немаше одговор за агресивниот Мексиканец.
„Сакав голем меч и го направив тоа што ми беше потребно. Ми требаше нокаут и не е важно дали противникот е повисок, со подолги раце или со подобар тренер“, изјави Алварез.
И покрај поразот, Јилдирим, кој е ѕвезда во својата татковина, заработи одлични 2.5 милиони долари, додека заработувачката на Канело е неколку десетини милиони, што покажува дека боксот уште ја има предноста пред УФЦ и другите ММА борби кога се зборува за парите кои ги добиваат фајтерите.
Спорт
Дончиќ и Јокиќ пак брилијантни во НБА саботата

Низата на Бруклин нетс од осум победи во низа заврши благодарение на фантастичниот Лука Дончиќ, кој имаше 27 поени, 6 скока и 7 асистенции за 115:98 гостинска победа на Далас маверикс.
Кај гостите Џејмс Харден имаше 29 поени, но тоа не ги спречи Маверикс да стигнат до импресивна победа. Ова беше последен меч на словенечката ѕвезда со 21 години, бидејќи денеска го прославува својот 22. роденден.
„Вечерва игравме како тим. Сите беа вклучени во оваа победа, и ја завршија својата одбрана во одбраната, во нападот. Вистинска тимска победа“, изјави Дончиќ.
Фантастичен беше и Никола Јокиќ, кој имаше трипл-дабл да ги предводи Денвер нагетс до уште поубедлива 126:96 победа над Оклахома Сити тандер. Јокиќ мечот го заврши со 19 поени, 13 асистенции и 11 скока за 30-тина минути игра. Џамал Мареј беше најефикасен за Нагетси со 26 поени, а Мајкл Портер Јуниор постигна 20 поени за само втора гостинска победа во последните осум меча за Денвер.
НБА РЕЗУЛТАТИ
Бруклин – Далас 98:115
Оклахома Сити – Денвер 96:126
Орландо – Јута 109:124
Њујорк – Индијана 110:107
Сан Антонио – Њу Орлеанс 117:114
Вашингтон – Минесота 128:112
Филаделфија – Кливленд 109:112 ОТ
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер