Спорт
Барселона доби „попуст“ за Торес – Трансферот ќе го плаќа на рати до 2025 година
Феран Торес ќе биде првото засилување за Барселона во зимскиот преоден рок. Трансферот го потврди менаџерот на Манчестер сити, Пеп Гвардиола. Барселона за крилниот напаѓач ќе издвои 55.000.000 евра.
Трансферот на Торес во Барселона го поставува и прашањето, како клубот успеа да најде пари за негова реализација. Каталонските медиуми ја објавија точната сума која ќе траба да ја плати Барселона, 55.000.000 плус 10.000.000 евра доколку бидат реализирани одредени клаузули од договорот.
Одговорот е дека Гвардиола му направи голема услуга на својот поранешен клуб. Најпрвин што го пушти фудбалерот во Барселона, а потоа и со „попустот“ што му го овозможи.
„Феран Торес е блиску до потпис со Барселона. Остана уште трансферот да биде официјално потврден. Јас не се противам тој да замине во јануари. Сакам играчите да бидат среќни. Не сме клуб што ќе ги натера играчите со сила да останат. Нашиот претседател не го прави тоа“, рекол Гвардиола.
Колегите од Каталонија дојдоа до прецизните бројки од овој трансфер. Најважното е што Барса сега нема да плати ништо, туку првата рата ќе ја уплати во јануари. Сумата од овој трансфер Барселона ќе ја исплаќа на рати до 2025 година.
По завршувањето на сезоната, Барселона ќе ја уплати првата рата во износ од 13.750.000 евра. Еднакви рати клубот ќе исплаќа до 2025 година.
Барселона добро помина и со клаузулите за бонус, кои не се толку лесно остварливи. Во договорот ќе стојат четири клаузули.
1. Ако Барселона ја освои ЛШ, а Торес одигра 70 отсто од натпреварите (минимум по 45 минути).
2. Ако Торес ја освои Златната топка.
3. Ако Торес ја освои Златната копачка.
4. Доколку Барселона го продаде за најмалку 100.000.000 евра.
Сити дури нема да ги добијат сите 55.000.000 евра. Од оваа сума 5.500.000 евра ќе завршат во поранешниот клуб на Торес, Валенсија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Норвежанката Ана Одине освои златен медал откако скокна пред Ника Превц
Норвешката ски-скокачка Ана Одине Стрем го освои златниот медал на Зимските олимписки игри откако скокна пред Ника Превц и Нозоми Марујама. Во обете серии Норвежанката беше подобра од својата конкуренција и заслужено стигна до злато.
По првата серија, Норвежанката Ана Одине Стрем беше прва со скок од 100 метри и 136,9 поени, пред Словенката Ника Превц која собра 135,9 поени со должина од 98 метри, додека Јапонката Нозоми Марујама беше трета со скок од 97 метри и 135,7 поени. Четврта беше Норвежанката Ејурин Марија Квандал (99,5 м/131,9 поени).
Фото: ЕПА
Спорт
Дејвис отпишан, доби лоши вести и во својот нов клуб
Антони Дејвис (32) само три дена откако беше отпуштен од Далас Маверикс, дозна нови лоши вести. Новиот играч на Вашингтон Визардс нема да игра за тој клуб до крајот на сезоната.
Дејвис има проблеми со раката и препоните, а Вашингтон одлучи да не го форсира неговото враќање во последниот дел од сезоната.
Ова е преодна сезона за Визардс бидејќи се само претпоследни во Источната конференција.
Дејвис има важечки договор за следната сезона, вреден околу 58 милиони долари, како и опција за играч за сезоната 2027/28.
Клучен играч на новиот тим на Визардс е Треј Јанг. Дејвис е одличен играч, но речиси уништен од повреди на прагот на неговиот 33-ти роденден. Ќе биде надвор од игра до крајот на сезоната и мора да докаже дека тимот треба да се гради околу него.
Фото: Депозитотос
Спорт
Манчестер Јунајтед со четврта победа во низа
Во денешниот прв натпревар од 25-то коло од англиската Премиер лига, Манчестер Јунајтед го победи Тотенхем со 2-0 на Олд Трафорд.
Натпреварот беше нерешен до 30-тата минута, кога гостите останаа со играч помалку.
Ромеро силно го шутна глуждот на Касемиро, што му донесе црвен картон. Домашните брзо го искористија дополнителниот играч. Осум минути подоцна, тој изведе корнер-акција, а Мбеумо постигна гол со прецизен удар од десет метри за 1-0.
Во остатокот од натпреварот, Манчестер Јунајтед имаше многу можности да избега на два гола разлика и со тоа да го прекине израмнувањето, но до 81-вата минута беше минимално 1-0.
Потоа Бруно Фернандеш погоди кон мрежата на противникот и ги постави конечните 2-0.
Манчестер Јунајтед остана четврти со четвртата победа по ред, но се доближи до Манчестер Сити и Астон Вила во бодови.
Фото: Деспозитфотос

