Спорт
Барселона добила неверојатна понуда за Јамал

Со само 17 години, Ламин Јамал стана еден од најдобрите фудбалери во светот и играч околу кого многу работи се вртат, а Барселона сака околу него да ја гради иднината. По брилијантните настапи во дресот на Барселона, талентираниот Шпанец очекувано се најде на радарот на европските гиганти и оние кои се во многу подобра финансиска состојба каталонскиот клуб.
Спортскиот директор на Каталонците, Деко, призна дека клубот добил екстра понуда, која не не била лесна за одбивање. Според него, ПСЖ понудил 250 милиони евра.
Тековниот договор на Јамал со Барселона истекува на 30. јуни 2026 година, а Каталонците презедоа конкретни чекори за продолжување на неговиот договор.
„Обновувањето е на вистинскиот пат. Го гледам Ламин на необично зрело ниво. Мора да бидеме среќни и да се радуваме, бидејќи нешто вакво не е нормално. Играч толку млад, со толку многу квалитет, не изгледа нормално.
Не смееме да заборавиме дека тој има 17 години и, без разлика колку и да е зрел, мора да живее според неговите години. Светот околу него е комплициран и тој треба да биде среќен“, рече Деко.
Деко потоа потврди дека минатата година добиле понуда од Париз, но дека не биле точни шпекулациите дека интерес за Јамал покажал и Реал.
„Тој не побара да биде најплатен играч во тимот. Нема јавно да зборувам за договорите на играчите. Ламин не побара ништо. Негов приоритет не е да биде најплатен играч, а неговиот договор ќе биде прилагоден на реалноста“, рече Деко.
Доколку Барса ја прифатеше понудата од Париз, рекордот ќе беше соборен, бидејќи ниту еден играч претходно не бил платен толку многу. Рекордот го држи Нејмар, кого ПСЖ го купи од Барселона за 222 милиони евра во летото 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Детали го делат Симонс од трансфер на „Стенфорд Бриџ“

Холандскиот фудбалер Чави Симонс (22) им даде јасни сигнали на челниците на својот клуб во кој правец сака да оди неговата кариера.
Симонс е многу поблиску до трансфер во Челзи денес отколку што беше во изминатите неколку дена.
Како што стојат работите, Челзи ја доби битката со конкуренцијата за потписот на суперталентираниот Холанѓанец.
Дека мислите на Симонс се веќе во Лондон, сведочат неговите индивидуални потези во последните денови, како што е бришењето на профилот на неговиот сегашен клуб од Инстаграм, а можеби најочигледниот знак дека тој повеќе нема да биде дел од клубот од Лајпциг е фактот што го пропушти тренингот во петокот.
Преговорите меѓу Челзи и Лајпциг во врска со трансферот на офанзивниот играч за врска се во завршна фаза, тврди добро информираниот инсајдер за трансфери Фабрицио Романо.
Германскиот клуб би можел да заработи 70 милиони евра од продажбата на својот највреден играч, покрај Шешко.
Доколку трансферот се реализира, Симонс би станал осмото засилување на Челзи ова лето, по Џејми Гитенс (Борусија Дортмунд), Лиам Делап (Брајтон), Естево Вилијан (Палмеирас), Дарио Есугу (Спортинг), Мамаду Сар (Стразбур) и Кендри Паез (Индепендиенте дела Вале).
Клубот од „Станфорд Бриџ“ за овие трансфери издвои близу 250 милиони евра.
Само Ливерпул инвестираше повеќе пари во тековниот преоден рок.
Фото/ Принскрин
Спорт
Му пропадна кариерата, Деле Али ќе замине во пензија
Деле Али ќе го напушти Комо ова лето, а се повеќе се шпекулира дека би можел да се пензионира.
Поранешниот англиски репрезентативец имаше големи проблеми во изминатите неколку години со повредите. Во минатото, кога со Тотенхем играше и финале во Лигата на шампионите, беше еден од најдобрите, а неговата вредност се проценуваше на 80 милиони евра.
Минатата сезона беше во Комо, но не успеа да се докаже пред Сеск Фабрегас и ќе го заврши својот краток престој во Серија А. Според медиумите тој би можел да се пензионира иако има само 29 години.
Во Евертон и Бешикташ, Али се обиде да се врати на старите патеки и да го покаже талентот, но повредите не му го дозволија тоа. Одигра само десет минути за Комо, во кои успеа да добие црвен картон. Од тој момент па натаму, тој не се врати на теренот, а тоа се случи на 15 март оваа година.
Деле Али нема да биде првиот што ќе се пензионира пред својот 30-ти роденден. Тоа го направија Андре Ширле, освојувач на Светското првенство со Германија во 2014 година, Патрик Клајверт и Марко Ван Бастен, кои исто така се пензионираа на 29 години.
Фото/ Принскрин
Спорт
Обвинителството бара две и пол години затвор за Раул Асенсио

Јавниот обвинител во Шпанија бара две и пол години затвор за играчот на Реал Мадрид, Раул Асенсио, поради споделување видео од неговите поранешни соиграчи како имаат секс со две девојки.
Тројца поранешни соиграчи на фудбалерот на Реал од младинскиот тим имале сексуални односи со две девојки на Канарските Острови.
Девојките се согласиле на тоа, но некој од нив направил видео кое, без нивна согласност, завршило во јавноста, што довело до сè уште нерешен скандал.
Едната од девојките имала само 16 години во тоа време, другата 17.
Асенсио не учествувал во целиот настан, но добил видео од своите соиграчи кое го споделил понатаму. А обвинителството смета дека ова не смее да помине неказнето.
Во обвинителството, тие го започнале случајот по службена должност и бараат две и пол години затвор за играчот на Реал.
Асенсио се етаблира како играч во првиот тим на Карло Анчелоти минатата сезона, во која одигра 46 натпревари.
Фото/ Принскрин