Спорт
Барселона го обнови интересот за Марко Асенсио
Барселона го обнови интересот за играчот на Реал Мадрид, Марко Асенсио, тврди каталонски „Спорт“. Според овој извор клубот стапил во контакт со менаџерот Жорге Мендеш. Тренерот, Чави, како што пишува „Спорт“, бил многу заинтересиран за 27. годишниот крилен напаѓач.
Договорот на Асенсио истекува на лето, што значи дека Барселона би можела да го доведе без обештетување, што многу им одговара со оглед на лошата финансиска состојба.
„Спорт“, пишува дека се уште нема договор, но дека опцијата кариерата да ја продолжи во Барселона е многу интересна за Асенсио.
Во 2014 година тој за малку ќе завршеше во Барселона, но Каталонците не сакаа да му платат четири милиони евра за неговите услуги. Тоа го направи Реал кој го донесе како 19. годишник. Асенсио досега има 257 настапи, 52 гола, 29 асистенции и три титули на Шпанија и Лигата на шампионите.
Во својата прва сезона во Реал, тој стана рекордер на клубот со постигнување голови на деби во секое од петте натпреварувања што Реал ги играше во неговата прва сезона во клубот, првенството, Купот на кралот, Лигата на шампионите, шпанскиот Суперкуп и Суперкупот на УЕФА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Олимписките објекти во Лос Анџелес ќе ги носат имињата на спонзорите

Организацискиот комитет на Олимписките и Параолимписките игри во Лос Анџелес во 2028 година објави дека арените во тој град ќе носат имиња на спонзори, што е прв пат во историјата на ова натпреварување.
„Овие револуционерни спонзорства не само што ќе донесат значителни приходи за „ЛА28“, туку ќе воведат и нови деловни практики што ќе и користат на целата Олимписка акција“, рече претседателот на Организацискиот комитет, Кејси Васерман, додавајќи дека одлуката е донесена со одобрение од Меѓународниот олимписки комитет (МОК).
Организаторите ги објавија имињата на првите два спонзори, па така терените за сквош ќе го носат името на медиумската компанија „Comcast“, додека одбојкарските сали во Анахајм ќе го носат името на јапонската компанија „Honda“.
Компаниите што веќе имаат имиња на спонзори на олимписките објекти (како стадионот SoFi) ќе имаат можност да ги задржат имињата.
Олимписките игри во Лос Анџелес се закажани од 14 до 30 јули 2028 година.
Фото/ Принтскрин
Спорт
На аукција легендарното Дукати на Ники Хејден

На престижната аукција на „Сотбис“ во Монтереј овој викенд, ќе биде понуден „Дукати Десмоседичи ГП8“ од 2008 година, во специјална ливреја со мотиви од знамето на Соединетите Американски Држави, управуван од легендарниот Ники Хејден.
Моторот, кој моментално е во „шоу мотор“ состојба би можел да се врати на патеката со соодветните делови.
Тоа е уникатен примерок од инвентарот на моделите ГП7 и ГП8, со компоненти набавени директно од фабричкиот тим на Дукати во 2010 година.
Хејден го тестираше овој мотор веднаш по завршувањето на сезоната во Мото ГП во 2008 година, пред да премине од Хонда на Дукати и да формира силен тандем со Кејси Стонер.
Овој модел носи дополнителна доза на историско значење, нема ознаки на спонзор бидејќи се користел во преодниот период помеѓу заминувањето на Хејден од Хонда и неговото доаѓање во Дукати, што го прави уште попривлечен колекционерски предмет денес.
Рамката на мотоциклот е изработена во јули 2008 година, а има и нов, неискористен блок на моторот и резервоар за гориво користен за трки.
Аукциската куќа очекува голем интерес, особено кај фановите на „Кентаки Кид“ кој трагично загина во 2017 година.
Спорт
Тебо пристигна на „Маракана“ – Нигериецот ја засили Црвена звезда

Френклин Тебо Учена е новото засилување на Црвена звезда, објави спрскиот шампион на социјалните мрежи.
Тебо, кој игра на позицијата стопер, потпиша тригодишен договор со црвено-белите, со опција за продолжување на соработката за уште една сезона.
Финансиските детали не се откриени, медиумите шпекулираат дека црвено-белите платиле 2.700.000 евра. Тебо на грбот ќе го носи бројот 30.
Роден е на 15 јануари 2000 година во Абуџа, Нигерија. Во Европа пристигна од Насарава јунајтед. Играше за Хаекен во Шведска, а потоа стана играч на Сарпсборг во 2023 година. Одигра 60 натпревари за норвешкиот тим и постигна пет гола.
Фото/ Принтскрин