Италијанскиот гигант Јувентус објави две соопштенија за истрагата што се води против овој клуб, едно за потенцијалните финансиски последици во врска со планот за зголемување на капиталот, но и едно за спортските аспекти од истрагата, признавајќи дека е можно да бидат исфрлени од Серија А, но и од Лигата на шампионите.

„Бјанконерите“ се под истрага за лажно сметководство, а директно под истрага е претседателот Андреа Ањели, како и директторот Павел Недвед, и поранешниот директор на клубот, Фабио Паратичи, кој сега е во Тотенхем. Гварда ди финанца, италијанската финансиска полиција, минатата недела конфискува документи за трансферите од 2019 и 2020, вредни 50 милиони евра, по што Обвинителството во Торино отвори официјален случај.

Јувентус потврди дека на 24 ноември обвинителот на Италијанската фудбалска федерација (ФИГЦ) побарал предавање на финансиските документи за трансфери на одредени фудбалери, а од Јуве потврдија дека под истрага е и трансферот на Кристијано Роналдо во Манчестер јунајтед направен ова лето.

„Компанијата верува дека истрагата и запленувањето документи и вестите за истрага од јавите обвинители не значи утврдување на вината. Но, постои ризик менаџерите да ги протолкуваат вестите за исполнување на условите за повлекување на своите средства“, се вели во првата објава.

Ова значи дека некои од акционерите на Јувентус може да се повлечат од зголемувањето на капиталот, што претставува внесување свежи пари во клубот, и во најлош случај ова ќе значи, наместо 400 милиони евра, 250 милиони евра за клубот.

Во второто соопштение Јувентус ги коментира можните спортски последици ако се утврди вина.

„Ако исход на истрагата биде обвинение и пресуда, тогаш може да има значително негативно влијание на репутацијата, економската и финансиската ситуација на групата. Финансиската глоба би била од 100.000 до 900.000 евра. Спортските последици може да бидат негативни, што значи отстранување на Јувентус од националните и интернационалните натпреварувања“, се вели во второто соопштение.

Легендарниот бразилски напаѓач Роналдо открива дека размислувал да купи клуб од МЛС-лигата или од англискиот Чемпионшип пред да се реши да инвестира во шпанскиот Валјадолид поради превисоките цени.

Двократниот светски шампион беше малцински сопственик во клубот Форт Лодердејл страјкерс во НАСЛ-американската лига пред клубот да се распушти во 2016 година. Тој сакал да инвестира во САД, каде што неговиот поранешен соиграч од Реал Мадрид, Дејвид Бекам, е газда на Интер Мајами, но вели дека цените не биле прифатливи.

„Бев во Њујорк на разговор со претседателот на МЛС и тој ми ја рече: ‘Можеш да освоиш сѐ, но ако немаш 70 милиони евра за франшизата, не правиш ништо’. Затоа ја отфрлив таа понуда. Потоа заминав во Лондон за да студирам спортски менаџмент и спортски маркетинг. Разгледував многу клубови од англискиот Чемпионшип, но сите клубови беа прескапи. Премиерлигата е огромен успех на глобално ниво, но и Чемпионшипот, така што беа потребни најмалку 60 милиони фунти за проект. Затоа размислив за Шпанија и Португалија, каде што цените беа поприфатливи“, вели Роналдо.

Тој продожлил со потрагата за клуб и по Светското првенство во 2018, купи 51 отсто од Реал Валјадолид, каде што сега е претседател на клубот.

„Слушнав дека има опција за Вајладолид, преговарав само една недела и платив 30 милиони евра“, вели 45-годишниот Роналдо.

Валјадолид е на петтото место во Втората шпанска лига со 10 поени заостанување зад Алмерија, но само 4 од местото што автоматски значи враќање во Ла Лига.

Пред првата Ф1-трка во историјата во Џеда, Саудиска Арабија, ривалите за освојувањето на титулата, Луис Хамилтон во Мерцедес и Макс Ферстапен во Ред бул, најавија интересна битка откако шампионот Хамилтон беше за 0,056 секунди побрз од Ферстапен во првиот тренинг.

Разликата во генерален пласман пред последните две трки од сезоната овој викенд во Саудиска Арабија и следниот во Абу Даби е само 8 поени во плус за Холанѓанецот Ферстапен, но Мерцедес на последните неколку трки покажа дека имаат најбрз болид и со Хамилтон зад воланот неизвесноста е огромна.

Full classification from FP1 in Jeddah 👇

Very little to choose between our title contenders! #SaudiArabianGP 🇸🇦 #F1 pic.twitter.com/msr5WnyQU9

— Formula 1 (@F1) December 3, 2021

AS IT STANDS 🏆👀@Max33Verstappen can clinch the championship this weekend if he outscores Lewis Hamilton by 18 points#SaudiArabianGP 🇸🇦 #F1 pic.twitter.com/DS7FIyTdMN

— Formula 1 (@F1) December 3, 2021