Спорт
Барселона на Ибица се договори со Нико Вилијамс

Нико Вилијамс (22) ќе игра за Барселона почнувајќи од следната сезона, тврдат највлијателните каталонски медиуми и најпознатиот фудбалски инсајдер Фабрицио Романо.
Конечниот договор меѓу двете страни „падна“ на Ибица, каде што Нико моментално одмара, а каде што претставниците на каталонскиот клуб, предводени од спортскиот директор Деко престојуваа во претходните денови.
Според Романо, тој дел од работата е завршен, како и финансискиот дел од договорот меѓу клубот и играчот, според кој Вилијамс би инкасирал помеѓу седум и осум милиони евра годишно.
Договорот би важел до 2031 година.
Интересно е што на блискиот остров Форментера (половина час со ферибот од Ибица), одмара и тренерот на Барса, Ханси Флик, таму има куќа, но не е познато дали лично се сретнал со фудбалерот и дали бил вклучен во преговорите.
Барселона на тој начин, од вториот обид, како што стојат работите ќе да го добие човекот кој направи чуда со Ламин Јамал на претходното Европско првенство и со „црвената фурија“ ја освои титулата.
Преговори меѓу двете страни имаше и минатото лето, но тогаш помладиот од браќата Вилијамс, реши уште една сезона да остане во Атлетик Билбао. Откупната клаузула во неговиот договор изнесува 60 милиони евра.
Вилијамс, по сопствено признание, се покајал за таа одлука, дури и му се јавил на Деко да му каже тоа. тврдат медумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Обвинителството бара две и пол години затвор за Раул Асенсио

Јавниот обвинител во Шпанија бара две и пол години затвор за играчот на Реал Мадрид, Раул Асенсио, поради споделување видео од неговите поранешни соиграчи како имаат секс со две девојки.
Тројца поранешни соиграчи на фудбалерот на Реал од младинскиот тим имале сексуални односи со две девојки на Канарските Острови.
Девојките се согласиле на тоа, но некој од нив направил видео кое, без нивна согласност, завршило во јавноста, што довело до сè уште нерешен скандал.
Едната од девојките имала само 16 години во тоа време, другата 17.
Асенсио не учествувал во целиот настан, но добил видео од своите соиграчи кое го споделил понатаму. А обвинителството смета дека ова не смее да помине неказнето.
Во обвинителството, тие го започнале случајот по службена должност и бараат две и пол години затвор за играчот на Реал.
Асенсио се етаблира како играч во првиот тим на Карло Анчелоти минатата сезона, во која одигра 46 натпревари.
Фото/ Принскрин
Спорт
Милнер ќе го носи дресот со број 20 во спомен на Жота

Искусниот англиски фудбалер Џејмс Милнер ќе го носи дресот со број 20 за Брајтон во текот на претстојната сезона во Премиер лигата, во чест на неговиот покоен поранешен соиграч од Ливерпул, Диого Жота, објави „Скај Спортс“.
Португалскиот напаѓач Жота трагично загина минатиот месец во сообраќајна несреќа во која загина и неговиот брат Андре Силва. Имаше 28 години. Само неколку недели претходно, тој му помогна на Ливерпул да ја освои англиската титула.
Ливерпул го повлече дресот со број 20, кој Жота го носеше во текот на пет сезони на „Енфилд“, од кои три ги помина со Милнер.
Откако играчот од средниот ред Карлос Балеба одлучи да го земе бројот 17 пред сезоната 2025/26, Милнер ја искористи можноста симболично да му се заблагодари на Жота.
„Штом слушнав дека Карлос го менува својот број и дека 20 е достапен, сакав да го сфатам тоа како знак на почит и почит кон Жота“, изјави Милнер за клупскиот профил на социјалната мрежа „X“.
-„Тој беше одличен играч и имав среќа да играм со него, но и одличен пријател. Ќе биде голема чест да го носам неговиот број во Премиер лигата оваа година“.
Same players, new numbers! 🙌 pic.twitter.com/MirdBWlXCf
— Brighton & Hove Albion (@OfficialBHAFC) August 1, 2025
Спорт
Марсеј го сруши клупскиот рекорд – Паишао пристигна на „Велодром“

Бразилскиот фудбалер Игор Паишао (25) стана највредното засилување во историјата на Олимпик Марсеј.
Клубот од југот на Франција му плати на Феенорд 35 милиони (30+ бонуси) за поранешниот играч на Коритиба.
Паишао пристигнува во Марсеј по три одлични сезони во дресот на клубот од Ротердам, со кој освои и една титула во холандското првенство.
Зад себе има брилијантна сезона и неколку одлични натпревари во Лигата на шампионите, кога го привлече вниманието на голем број клубови. Вкупно, минатата сезона постигна 18 голови и имаше 14 асистенции во 47 натпревари во сите натпреварувања.
Лидс исто така беше заинтересиран за него, но на крајот Паишао се одлучи за познатиот француски клуб од „Велодром“.